ni J. Repol | April 15, 2023
Nag-testify under oath si dating US President Donald Trump sa isang civil case na nag-aakusa ng business fraud laban sa kanya at sa tatlong anak.
Ito ay matapos ang makasaysayang arraignment ni Trump sa bukod na kasong criminal charges na kanyang kinakaharap sa Manhattan.
Ang iba’t ibang imbestigasyon ay posible umanong makaapekto sa kanyang hangarin na muling tumakbo sa pagka-pangulo sa Estados Unidos sa susunod na halalan.
ni Ronalyn Seminiano Reonico | June 10, 2021
Ibinasura ni United States President Joe Biden noong Miyerkules ang executive orders ni ex-Pres. Donald Trump na naglalayong i-ban ang Chinese-owned mobile apps na TikTok at WeChat, ayon sa White House.
Naghain umano ng executive order si Trump dahil sa umano’y national security concerns laban sa paggamit ng mga nasabing mobile apps.
Ayon naman sa kampo ni Biden, imbes na ipagbawal ang paggamit ng mga naturang apps, magsasagawa umano ang pamahalaan ng "criteria-based decision framework and rigorous, evidence-based analysis to address the risks" sa mga internet applications ng ibang bansa.
Naghain na rin si Biden ng bagong executive order sa umano’y "ongoing emergency" kaugnay ng "continuing effort of foreign adversaries to steal or otherwise obtain United States persons' data."
Sa bagong order ni Biden, ipinag-utos ang pagkilala sa mga connected software applications na puwedeng magdulot ng kapahamakan sa seguridad ng Amerika at ng mamamayan, kabilang na ang mga applications na pag-aari, kontrolado at pinamamahalaan ng mga taong sumusuporta sa mga banyagang kalaban ng militar o intelligence activities, o mga kabilang sa malisyosong cyber activities, o mga applications na kumokolekta sa sensitive personal data.
Nanawagan din si Biden sa Commerce Department atbp. ahensiya na gumawa ng mga guidelines para maprotektahan ang mga sensitibong personal data.
ni Ronalyn Seminiano Reonico | June 5, 2021
Suspendido pa rin sa Facebook Inc. ang dating pangulo ng United States na si Donald Trump hanggang sa January, 2023.
Unang sinuspinde ng Facebook si Trump noong naganap ang riot sa Capitol Hill nu’ng January 6, 2021 matapos sumugod ang kanyang mga tagasuporta.
Ayon sa Facebook noong Biyernes, 2 taon ang suspensiyon ni Trump at pag-aaralan pa nila ang pag-alis ng pagkaka-block ng dating pangulo sa naturang platform kung masisigurong masusunod ang public safety standards.
Pahayag pa ni Facebook Head of Global Affairs Nick Clegg, “Given the gravity of the circumstances that led to Mr. Trump’s suspension, we believe his actions constituted a severe violation of our rules which merit the highest penalty available under the new enforcement protocols.”
Ayon din kay Clegg, kapag natapos na ang 2-year ban ni Trump, iimbestigahan pa rin nila ang mga aktibidad nito sa Facebook kung lalabag pa rin siya sa public safety rules.
Aniya, "If we determine that there is still a serious risk to public safety, we will extend the restriction for a set period of time and continue to re-evaluate until that risk has receded."
Maaari rin umanong tuluyan nang alisin ang social network ni Trump kapag nagpatuloy pa ang kanyang paglabag sa mga rules.
Saad pa ni Clegg, "We know today’s decision will be criticized by many people on opposing sides of the political divide.
"But, our job is to make a decision in as proportionate, fair and transparent a way as possible, in keeping with the instruction given to us by the Oversight Board."
