Trump, inihirit ang tigil-putukan sa Ukraine

ni Angela Fernando @World News | Dec. 9, 2024

Photo: Donald Trump at Ukraine - AP, Volodymyr Zelenskyy, FB

Nanawagan si United States (US) President-elect Donald Trump kamakailan para sa isang agarang tigil-putukan at negosasyon sa pagitan ng Ukraine at Russia upang tapusin ang tinawag niyang "kabaliwan."

Ang naging pahayag ni Trump ang nagtulak kay Ukrainian President Volodymr Zelenskyy at sa Kremlin na ilahad ang kanilang mga kondisyon.

Ginawa ng Presidente ang kanyang mga pahayag ilang oras lamang matapos makipagpulong kay Zelenskyy sa Paris, ang kanilang unang harapang pag-uusap mula nang manalo si Trump sa nakaraang halalan sa U.S. nu'ng Nobyembre.

Nangako naman ang US President na makakamit ang isang kasunduang magtatapos sa digmaan.

"Zelensky and Ukraine would like to make a deal and stop the madness," isinulat ni Trump sa kanyang social media platform na Truth Social, dagdag pa nito na nawalan na ang Kyiv ng 400K sundalo.

"There should be an immediate ceasefire and negotiations should begin." Giit ni Trump, "I know Vladimir well. This is his time to act. China can help. The World is waiting!"

TikTok CEO, sumangguni kay Musk para sa administrasyong Trump

ni Angela Fernando @Overseas News | Nov. 24, 2024

Photo: Shou Zi-Chew ng TikTok, Donald Trump at Elon Musk - Bloomberg, Alex Brandon-AP

Sumangguni ang ByteDance na pag-aari ng TikTok Chief Executive Officer (CEO) na si Shou Zi Chew para sa input ng bilyonaryong si Elon Musk upang matugunan ang mga potensyal na tech policy sa ilalim ng magiging bagong administrasyon ng United States (US) sa pamumuno ng President-elect na si Donald Trump, ayon sa Wall Street Journal (WSJ).

Hindi naman sumagot sina Chew, Musk, at ang administrasyong Trump nang matanong ng Reuters para sa kanilang komento patungkol dito.

Samantala, nilinaw naman sa nasabing report na hindi napag-usapan ng parehas na executives ang mga maaaring hakbang para magpatuloy ang pagtakbo ng TikTok sa US.

Idinagdag din sa ulat na si Chew ay patuloy na ipinapaalam sa mga senior leaders ng ByteDance ang patungkol sa pag-uusap, na inaasahan ng mga executives na mahahanapan ng solusyon upang magpatuloy ang nasabing application.

Matatandaang unang nakipag-ugnayan sila Chew sa mga taong malalapit kay Trump pati kay Kamala Harris bago pa ang naganap na halalan para sa maingat na pagsisikap na magpatuloy ang kanilang social media platform sa bansa.

Trump, planong gumamit ng militar sa malawakang deportasyon

ni Eli San Miguel @World News | Nov. 19, 2024

Image: Donald Trump - Al Jazeera

Kinumpirma ni President-elect Donald Trump na balak niyang magdeklara ng national emergency sa seguridad ng border at gamitin ang militar ng US para sa malawakang deportasyon ng mga undocumented migrant.

Binigyang-diin ni Trump ang isyu ng imigrasyon, na nangangakong mag-deport ng milyun-milyon at patatagin ang border sa Mexico matapos ang rekord ng ilegal na pagtawid ng mga migrante sa administrasyon ni President Joe Biden.

Sa kanyang social media platform na Truth Social, muling ibinahagi ni Trump ang isang post mula sa isang konserbatibong aktibista na nagsasabing "[the president-elect is] prepared to declare a national emergency and will use military assets to reverse the Biden invasion through a mass deportation program."

Kasabay ng repost, nagkomento si Trump ng "True!"

Naipanalo ni Trump ang isang kahanga-hangang pagbabalik sa pagkapangulo matapos ang kanyang tagumpay noong Nobyembre 5 laban kay Democratic Vice President Kamala Harris.