Twitter account ni ex-US Pres. Trump, permanente nang sinuspinde

ni Thea Janica Teh | January 9, 2021

Permanente nang sinuspinde ng Twitter ang account ni outgoing US President Donald Trump nitong Biyernes dahil sa mga posts nito na mali ang resulta ng eleksiyon na naging sanhi ng pag-atake ng kanyang mga tagasuporta sa US Capitol.

Aniya, "After close review of recent Tweets from the @realDonaldTrump account," Twitter said in a blog post explaining its decision, "We have permanently suspended the account due to the risk of further incitement of violence."

Matatandaang nitong Miyerkules ay inatake ng mga tagasuporta ni Trump ang US Capitol na ikinamatay ng 5 katao kabilang ang isang police officer na si Bryan Sicknick.

Twitter account ni Trump, ini-lock dahil sa 3 tweets

ni Ronalyn Seminiano Reonico | January 7, 2021

Ni-lock ng Twitter ang account ni United States President Donald Trump at pinagbantaan din ng permanenteng pagkaka-ban dahil umano sa mga naging tweets nito na lumalabag sa “Civic Integrity policy.”

Ayon sa Twitter Safety, mananatiling naka-lock ang account ni Trump sa loob ng 12 oras.

Pahayag ng Twitter Safety, "As a result of the unprecedented and ongoing violent situation in Washington, DC, we have required the removal of three @realDonaldTrump tweets that were posted earlier today for repeated and severe violations of our Civic Integrity policy.

“This means that the account of @realDonaldTrump will be locked for 12 hours following the removal of these tweets. If the tweets are not removed, the account will remain locked.

“Future violations of the Twitter Rules, including our Civic Integrity or Violent Threats policies, will result in permanent suspension of the @realDonaldTrump account.”

Mga tagasuporta ni Trump, nag-rally sa US Capitol vs. Biden

ni Ronalyn Seminiano Reonico | January 7, 2021

Nagtipun-tipon at nagsagawa ng kilos-protesta sa US Capitol ang mga tagasuporta ni US President Donald Trump noong Miyerkules kaugnay ng pagkapanalo ni President-elect Joe Biden noong November, 2020 elections.

Nanawagan si Trump sa kanyang mga supporters na panatilihing payapa ang naturang kilos-protesta at aniya, "Please support our capitol police and law enforcement. They are truly on the side of our country. Stay peaceful!"

Samantala, naging bayolente ang pagra-rally ng mga tagasuporta ni Trump matapos sirain ng mga ito ang barricades at nakipag-engkuwentro sa mga pulis kaya napilitang gumamit ng tear gas ang mga ito. Muli namang nag-post si Trump sa Twitter dahil sa insidente at aniya, "I am asking for everyone at the US capitol to remain peaceful. No violence! "Remember, WE are the Party of Law & Order — respect the law and our great men and women in blue."

Pansamantala namang inihinto ng House of Representatives at Senate ang pagsesertipika kay Biden dahil sa naturang gulo.

Samantala, nagpahayag ng pagkadismaya ang mga leaders ng iba’t ibang bansa dahil sa bayolenteng pagpoprotesta ng mga tagasuporta ni Trump.

Pahayag ni Swedish Prime Minister Stefan Lofven, ang insidente ay maituturing na "an attack on democracy". Aniya, "President Trump and many members of Congress bear significant responsibility for what's now taking place. The democratic process of electing a president must be respected."

Panawagan naman ni German Foreign Minister Heiko Maas, dapat tanggapin ng mga tagasuporta ni Trump ang naging resulta ng eleksiyon. Aniya, "Trump and his supporters must accept the decision of American voters at last and stop trampling on democracy."

Saad naman ni Spanish Prime Minister Pedro Sanchez, "I am following with concern the news that are coming from Capitol Hill in Washington. I trust in the strength of America's democracy. "The new presidency of @JoeBiden will overcome this time of tension, uniting the American people."

Maging si Canadian Prime Minister Justin Trudeau ay nabahala rin sa insidente at aniya, "Obviously, we're concerned and we're following the situation minute by minute. "I think the American democratic institutions are strong, and hopefully everything will return to normal shortly."

Maging sina Finnish Prime Minister Sanna Marin, French Foreign Minister Jean-Yves Le Drian, Chairman of EU Leaders Charles Michel, European Commission President Ursula von der Leyen, at Venezuelan Foreign Minister Jorge Arreaza ay nagpahayag din ng kani-kanyang saloobin sa insidente at iisa ang panawagan — ang tanggapin ang resulta ng boto ng mga mamamayan.