Dagdag sa minimum wages sa Mimaropa at SOCCSKSARGEN, aprub ng regional wage boards — DOLE

ni Lolet Abania | May 21, 2022

Asahan na ng mga manggagawa sa Regions IV-B at XII ng dagdag sa kanilang minimum wages matapos kumpirmahin ng National Wages and Productivity Commission (NWPC) ang wage orders ng kani-kanilang regional wage boards, ayon sa Department of Labor and Employment (DOLE) ngayong Sabado.

Sa isang statement, sinabi ng DOLE, sa ginanap na meeting nitong Biyernes, kinumpirma ng NWPC ang wage orders na inisyu ng Regional Tripartite Wages and Productivity Board (RTWPBs) sa Mimaropa at SOCCSKSARGEN.

Para sa mga manggagawa sa pribadong establisimyento, nag-isyu ang RTWPB-IVB ng Wage Order No. RB-MIMAROPA-10, ang pagbibigay ng dagdag sa sahod na P35, na nasa kabuuang bagong minimum wage rate na P329 para sa mga establisimyento na mayroong mas mababa sa 10 workers habang P355 para sa establisimyentong may 10 o higit pang workers.

“Also, the Board issued Wage Order No. RB-MIMAROPA-DW-03 granting a monthly increase of P1,000, bringing the new monthly wage rate for domestic workers in the region to P4,500,” pahayag ng DOLE.

Para sa Region XII, kinumpirma rin ng NWPC ang RTWPB XII’s Wage Order No. RBXII-22, na nagga-grant ng P32 dagdag sa sahod na ibibigay ng dalawang tranches -- P16 base sa effectivity ng Wage Order at isa pang P16 sa Setyembre 1, 2022 – na nasa kabuuang bagong minimum wage rate sa Region XII na P368 para sa non-agriculture sector at P347 para sa agriculture/service/retail establishments.

Gayundin, kinumpirma ng NWPC ang order na inisyu ng RTWPB II para sa sahod ng mga domestic workers. Batay sa naturang wage order, nai-grant ang P1,000 monthly wage increase para sa mga domestic workers sa Region XII, kung saan may kabuuang monthly minimum wage rate na P5,000 mula sa P4,000 sa ilalim ng dating wage order. Ang mga nasabing wage orders ay magiging epektibo 15 araw matapos mailathala sa pahayagan.

Dagdag-sahod sa Ilocos, Cagayan at Caraga, aprub ng wage boards – DOLE

ni Lolet Abania | May 18, 2022

Inanunsiyo ng Department of Labor and Employment (DOLE) ngayong Miyerkules na inaprubahan na ng regional wage boards ng Ilocos, Cagayan Valley, at Caraga ang dagdag sa minimum wages ng mga manggagawa sa kani-kanilang hurisdiksyon.

Sa isang statement, sinabi ng DOLE na ang kanya-kanyang Regional Tripartite Wages and Productivity Boards (RTWPBs) ng Regions I, II, at XII ay nag-isyu ng mga kautusan hinggil sa pagtataas ng minimum wages sa kanilang mga lugar.

Para sa Ilocos Region, ayon sa DOLE ang RTWPB I ay nag-isyu ng Wage Order No. RB1-21 noong Mayo 16, kung saan magbibigay ng wage increase na naglalaro sa P60 hanggang P90 sa dalawa hanggang tatlong tranches.

“After full implementation of the tranches, the minimum wage rate in the region will range from P372 to P400 from P282 to P340 under the previous Wage Order,” pahayag ng DOLE. Gayundin, nai-grant ng Ilocos wage board ang P500 at P1,500 monthly wage increases para sa mga domestic workers sa lungsod at sa mga first-class municipalities at iba pang munisipalidad, ayon sa pagkakasunod, kung saan umabot ang bagong buwanang wage rate sa P5,000.

Para sa Cagayan Valley Region, ayon sa DOLE ang RTWPB II ay nag-isyu ng Wage Order No. RTWPB-02-21 noong Mayo 17, anila, “granting wage increases ranging from P50 to P75 in two to three tranches.” “After full implementation of the tranches, the minimum wage rate in the region will range from P400 to P420 from P345 to P370 in the previous Wage Order,” saad ng DOLE.

Para sa Caraga Region, ayon sa DOLE ang RTWPB XIII ay nag-isyu ng Wage Order No. RXIII-17 noon ding Mayo 17, kung saan anila, “integrated the P15 COLA or cost of living allowance to the P305 basic salary under the previous Wage Order and granted a P30-wage increase bringing the new daily minimum wage rate in the region to P350.”

“The new daily minimum wage rate of P350 shall take effect upon the effectivity of the Wage Order for private establishments and their workers in Butuan City and the provinces of Agusan del Norte, Agusan del Sur, and Surigao del Sur,” sabi ng DOLE.

“However, for private establishments and their workers in the provinces of Dinagat Islands and Surigao del Norte, including Siargao Islands, the wage increase of P20 shall take effect upon the effectivity of the Wage Order and another P10 shall take effect on September 1, 2022,” dagdag ng ahensiya.

Sinabi naman ng DOLE na ang latest batch ng wage orders ay isusumite nila sa National Wages and Productivity Commission (NWPC) para i-review habang magiging epektibo ito 15 araw matapos na mailathala sa isang pahayagan ng regional circulation.

Gayunman, ayon sa DOLE na sa ilalim ng Omnibus Rules on Minimum Wage Determination, “retail/service establishments regularly employing not more than ten workers and establishments affected by natural calamities and/or human-induced disasters, including the pandemic, may apply for exemption from compliance with the issued Wage Orders.”

Dagdag sa minimum wage, aprub ng NCR at Western Visayas wage boards – DOLE

ni Lolet Abania | May 14, 2022

Inanunsiyo ng Department of Labor and Employment (DOLE) ngayong Sabado na ang National Capital Region (NCR) at Western Visayas wage boards ay inaprubahan nang itaas ang minimum wage ng mga manggagawa sa naturang rehiyon.

Sa isang pahayag, sinabi ng DOLE na noong Mayo 13, 2022, nag-isyu ang Regional Tripartite Wages and Productivity Board (RTWPB)-NCR ng Wage Order No. NCR-23.

Batay sa order, P33 ang wage increase, kung saan ang bagong minimum wage rate ay P570 para sa mga manggagawa na nasa non-agriculture sector, at P533 para sa mga manggagawa na nasa agriculture sector, ayon sa DOLE.

“It is expected to protect around one million minimum wage earners in private establishments in the region from undue low pay. The increase considered the restoration of the purchasing power of minimum wage earners because of the escalating prices of basic goods, commodities, and petroleum products,” paliwanag ng DOLE.

Matatandaan na ang huling wage order para sa mga manggagawa na nasa mga pribadong establisimyento sa NCR ay naging epektibo noon pang Nobyembre 22, 2018.

Gayunman, ang inaprubahang minimum wage hike ay napakalayo sa minimum wage hike petitions na inihain ng Unity for Wage Increase Now (UWIN) noong Nobyembre 25, 2019 at Metro East Labor Federation (MELF) noong Marso 4, 2022, na kapwa humihiling ng P213 increase, at isa pang petisyon mula naman sa Solidarity of Unions in the Philippines for Empowerment and Reforms (SUPER) noong Marso 4, 2022 na may panukalang dagdag-sahod na naglalaro sa P213 hanggang P250.

Mababa rin ito kumpara sa apela ng Trade Union Congress of the Philippines’ (TUCP) para sa P470 increase sa daily minimum wage sa NCR upang maging P1,007, kung saan agad ni-reject ng RTWPB-NCR.

Una nang ipinag-utos ni DOLE Secretary Silvestre Bello III sa RTWPBs sa buong bansa na repasuhing mabuti ang minimum wages.

Ayon pa kay Bello, ang kasalukuyang P537 daily minimum wage sa NCR ay hindi na magiging sapat para matugunan ang mga pangunahing pangangailangan at bilihin gaya ng pagkain, electricity, at water bills.

Kaugnay nito, mayroong 10 petisyon ng dagdag-sahod na inihain sa anim na regional wage boards kabilang ang NCR, Regions 3, 4A, 6, 7, at 8.

Samantala, nag-isyu rin ang RTWPB-VI ng Wage Order No. RBVI-26 para sa Western Visayas.

Batay sa latest order ng Western Visayas wage board, may dagdag-sahod sa mga manggagawa na nasa non-agriculture, industrial at commercial establishments ng P55 at P110, na aabot na sa daily minimum wage sa rehiyon ng P450 at P420 para sa mga nagpapatrabaho nang mahigit 10 manggagawa at iyong nag-e-employ ng 10 o mas kaunting manggagawa, ayon sa pagkakasunod.

“In addition, the Board granted a P95 increase for workers in the agriculture sector bringing the daily minimum wage to P410,” sabi ng DOLE.

Sinabi rin ng DOLE na inaasahang ang minimum wage hike sa Western Visayas ang poprotekta sa tinatayang 214,836 minimum wage earners sa mga pribadong establisimyento sa rehiyon mula sa tinatawag na undue low pay.

“The increase considered the restoration of the purchasing power of minimum wage earners because of the escalating prices of basic goods, commodities, and petroleum products as well as to bring the minimum wage rate above the 2021 first semester poverty threshold,” pahayag ng ahensiya.

Binanggit pa ng DOLE, “Western Visayas wage board issued Wage Order No. RBVI-DW-04 which provided a wage increase of P500 bringing the new monthly minimum wage rate for domestic workers to P4,500.”

“The last Wage Order for workers in private establishments and for domestic workers in Western Visayas took effect on November 26, 2019 and May 8, 2019, respectively,” ani ahensiya.

Paliwanag pa ng DOLE, ang NCR at Western Visayas wage orders ay isusumite sa National Labor Relations Commission (NLRC) para i-review habang magiging epektibo ito 15-araw matapos mailathala sa pahayagan ng general circulation.