Nasabat na gadgets ng BOC, ido-donate sa DepEd

ni Thea Janica Teh | October 28, 2020

Inanunsiyo ng Bureau of Customs (BOC) ngayong Martes na ipamamahagi nito sa Department of Education (DepEd) ang lahat ng mga nasabat na electronic devices at learning materials upang makatulong sa mga mag-aaral ngayong panahon ng pandemya.

Nagsagawa ang tauhan ng BOC ng imbentaryo ng lahat ng electronic devices na nasabat dahil sa kawalan ng permit at inabandona na sa Ninoy Aquino International Airport (NAIA).

Ilan sa mga ito ay laptops, flash drives, hard drives, mobile phones, LED computer monitors, printers, routers, pocket WiFi, computer tablets, educational books, mga bag at sapatos.

Kumuha ng clearance ang BOC sa National Telecommunications Commission at Optical Media Board upang masiguro kung pasado sa minimum standard at ligtas gamitin ang mga gadgets.

Makatutulong umano ang mga gadgets na nasabat sa mga estudyanteng sumasailalim ngayon sa distance learning dahil sa COVID-19 pandemic.

748 iskul magsasara dahil sa pandemya

ni Thea Janica Teh | September 11, 2020

Tinatayang 748 pribadong paaralan ang magsasara sa darating na pasukan dahil sa COVID-19 pandemic, ayon sa inilabas na datos ng Department of Education (DepEd). Ito ay nadagdagan ng 344 mula sa naitala ng ahensiya noong Agosto.

Ayon sa Teachers’ Dignity Coalition, nagsisilbing katuwang ng private school ang mga

public schools sa pagbibigay ng edukasyon sa mga estudyante at huwag daw tingnan bilang kakumpitensiya.

Dagdag pa ni TDC National Chairperson Benjo Basas, parte rin ang private educational

institutions ng pag-ahon ng ekonomiya ng ating bansa at sila rin ay kasama sa mga lubos na naapektuhan ngayong pandemya.

Aniya, pareho lamang ang pangangailangan ng pribado at pampublikong guro na dapat

ibigay ng gobyerno sa ganitong panahon.

Bukod pa rito, sinabi rin ni Basas na dahil sa pagsasara ng mga pribadong paaralan,

napipilitang lumipat ang mga ito sa pampublikong paaralan.

Kaya naman kung matutulungan ng pamahalaan ang mga guro sa private schools ay

mababawasan at mahahati ang bilang ng mag-aaral sa public schools.

“This, of course, would need funds, that’s why we address our appeal to Congress to

apportion the required budget,” sabi ni Basas.

Sa pagsasara ng mga ito, maaaring maapektuhan ang halos 40,345 estudyante at 3,233

guro, ayon sa tala ng DepEd.

Samantala, una nang sinabi ng Coordinating Council of Private Education Associations na malaking tulong ang maibibigay ng Bayanihan to Recover as One Act (Bayanihan 2) Law sa enrollment sa private school. Nakapaloob kasi rito ang allowance na ibibigay sa mga estudyante, guro at non-teaching personnel.

DepEd, naalarma sa pagtaas ng bilang ng nagpapakamatay dahil sa COVID pandemic

ni Twincle Esquierdo | September 1, 2020

Malaking hamon ang kakaharapin ng mga estudyante at guro ngayong darating na pasukan sa gitna ng pandemya. Ito ang sinabi ni Department of Education (DepED) Secretary Leonor Briones nitong Lunes.

Sinabi ni Briones sa pulong kasama si Pangulong Rodrigo Duterte, “On the matter of these psychosocial problems which have emerged, so far among K-12 learners, one case has been documented where we can see the relation to COVID. They say the child committed suicide because of COVID. We believe, Mr. President, that big challenge for our people in government under the present psychosocial conditions are the children and the teachers — the general mental health issues."

Hinimok ni Briones ang DepEd na palakasin ang psychosocial support program sa pamamagitan ng pakikipag-ugnayan sa Psychological Association of the Philippines.

Nauna nang humingi ng tulong si Justice Secretary Menardo Guevarra sa mga religious sectors matapos makatanggap ng ulat sa nakakaalarmang pagtaas ng bilang ng mga nagpapakamatay.

Maging ang National Center for Mental Health ay una na ring ibinalita ang tumataas na bilang ng mga nagpapakamatay ngayong panahon ng pandemya.