60K metric tons ng isda, iaangkat ng ‘Pinas — DA

ni Lolet Abania | January 18, 2022

Inanunsiyo ng Department of Agriculture (DA) ngayong Martes na aprubado na ang importasyon ng 60,000 metric tons (MT) ng mga isda para sa unang quarter ng 2022 upang madagdagan ang lokal na produksyon sa gitna ng inaasahang deficiency nito.

“I just signed yesterday a certificate for the need to import for this first quarter, the amount of 60,000 MT of small pelagic fishes to be imported for this first quarter of the year,” ani DA Secretary William Dar sa sa Laging Handa briefing.

Ayon sa DA chief, inaprubahan niya ang importasyon ng maliliit na pelagic fishes, gaya ng round scad o galunggong, dahil sa naging projection ng Bureau of Fisheries and Aquatic Resources (BFAR) na potensyal na deficiency supply ng 119,000 MT sanhi ng tinatawag na closed fishing season.

Sinabi ni Dar na ang Bagyong Odette ay matinding nakaapekto rin sa fishing sector aniya, “We cannot say [whether the] fishing sector will be normal.”

Binanggit din ng opisyal na makatutulong ang importasyon para matugunan ang pagtaas ng presyo ng mga isda sa mga public wet markets.

Samantala, ayon kay Dar na sapat ang rice inventory ng bansa hanggang katapusan ng 2021 at maaaring abutin pa ito ng 115 araw.

Iginiit naman ni Dar na inaasahang ang 2021 rice production ay mahihigitan ang record-high 19.4 million metric tons na na-harvest noong 2020.

“We are seeing a breach of 20 million metric tons. This will now be a new record harvest in rice production in the country,” sabi ni Dar.

Gayundin, ang poultry supply aniya, “more than sufficient” habang ang mga suplay naman ng locally produced at imported na frozen pork, ani Dar, “more than enough inventory this quarter.”

Agriculture Secretary Dar, nagpositibo sa COVID-19

ni Jasmin Joy Evangelista | January 8, 2022

Nagpositibo sa COVID-19 si Agriculture Sec. William Dar. Ito ay kanyang inanunsiyo nitong Biyernes.

Sa kanyang Twitter post, sinabi ni Dar na siya ay nakararanas ng mild na sintomas at kasalukuyang nagpapagaling.

“I wish to inform the public that I tested positive for COVID with mild symptoms, and currently recovering while in quarantine. I will continue to discharge my duties and responsibilities in the Department of Agriculture,” pahayag niya.

Nitong Biyernes, nakapagtala ang Pilipinas ng 21,819 bagong kaso ng COVID-19. Ito ang pinakamataas na bilang na naitala simula September 12, 2021 na may 21,411 cases.

Presyo ng isda at imported pork, tumaas na rin

ni Jasmin Joy Evangelista | December 11, 2021

Tumaas na rin ang presyo ng isda at imported na baboy sa merkado.

Nasa P260 na ang kada kilo ng galunggong mula P220 kada kilo.

Ang dalagang bukid naman ay nasa P280 na ang kada kilo mula P240 kada kilo. 

Ang bangus, nasa P160 na kada kilo mula P140. 

Ayon sa Department of Agriculture (DA), bukod sa mahirap ang huli tuwing malamig ang panahon, malaki rin ang demand ng isda ngayon. 

Bahagya na ring tumaas ang presyo ng imported baboy sa pamilihan.

Ang kasim, nasa P240 kada kilo mula P220 kada kilo. Ang liempo naman ay nasa P290 mula P280 kada kilo habang ang pork chop nasa P210 mula P200 kada kilo. 

Sinisilip na umano ng DA kung ano ang sanhi nito. 

"We are looking into doon sa sabi nilang may possibility ng may nagte-take advantage. However doon sa tinitingnan natin kung ano 'yung mga gastos bakit tumaas ang bili ng ating retailers," ani DA Undersecretary Kristine Evangelista ng Consumer and Political Affairs.