Pag-ban sa UK beef imports, tinanggal na ng DA

ni Jasmin Joy Evangelista | March 25, 2022

Tinanggal na ng Department of Agriculture (DA) ang ban sa cattle imports mula United Kingdom, kung saan ipinatupad ito ng ahensiya noong Oktubre 2021 dahil sa outbreak ng mad cow disease sa naturang bansa.

Sa inilabas na memorandum order, ipinag-utos ni Agriculture Secretary William Dar ang pag-lift ng ban sa importation ng buhay na baka, karne, at meat products mula sa United Kingdom.

“Based on the relevant information provided by the United Kingdom, there is adequate evidence to show that the risk of importation of cattle and its related commodities is negligible,” ani Dar.

Kasunod nito, ipagpapatuloy na rin ang pagproseso, evaluation ng mga aplikasyon, pag-issue ng required sanitary at phytosanitary import clearances ng mga karne ay meat by-products ng baka, kabilang ang importation ng buhay na baka.

“All import transactions of the abovementioned commodities shall be in accordance with existing rules and regulations of the Department of Agriculture,” dagdag niya.

Pansamantalang ipinagbawal ng DA ang importation ng baka mula sa United Kingdom matapos i-report ng British authorities sa World Organization for Animal Health ang outbreak ng classical bovine spongiform encephalopathy (BSE) sa Somerset sa South West England noong September.

“Classical BSE is a zoonotic disease which may pose a risk to consumers due to its link with the variant Creutzfeldt-Jakob disease in humans,” paliwanag ng ahensiya sa inilabas nitong memo.

Batay sa Republic Act No. 10611, o ang Food Safety Act of 2013, “in specific circumstances when the available relevant information for use in risk assessment is insufficient to show that a certain type of food or food product does not pose a risk to consumer health, precautionary measures shall be adopted.”

P4B fertilizer subsidy, alokasyon para sa mga magsasaka — DA

ni Lolet Abania | March 24, 2022

Naglaan ng P4 bilyon halaga ng fertilizer subsidy ang Department of Agriculture (DA) para sa mga magsasaka sa gitna ng pagtataas ng presyo nito sanhi ng pagsirit din ng halaga ng langis.

Ayon kay DA Assistant Secretary Noel Reyes, ang naturang subsidy ay magiging available sa pamamagitan ng vouchers. Subalit aniya, hindi pa agad matukoy kung ilang mga magsasaka ang mabebenepisyuhan nito.

“’Yan po ngayon ang pinakaproblema, ang presyo ng abono, fertilizers. Ito ay by-product ng oil industry. Kaya karamihan ang fertilizer inaangkat natin sa oil producing countries,” paliwanag ni Reyes sa public briefing ngayong Huwebes.

“Tumaas, nagdoble, nagtriple [ang presyo]. Namimigay na rin ang DA niyan, may P4 billion for that... ‘Yan ang ina-address,” sabi ni Reyes.

Ayon sa opisyal, upang makatipid sa organic at inorganic fertilizers ay mag-iimplementa ang ahensiya ng large-scale use ng biostimulants para ma-boost ang kalidad ng mga pananim.

“Para pandagdag... gumanda pa rin ang ani kahit kalahati na ng inorganic ang na-apply, dinadagdag naman ang biostimulants at biofertilizers. 'Yan ang tulong through our regional field offices,” ani Reyes.

Bukod dito, sinabi ni Reyes na ang DA ay nakapagpamahagi na ng fuel discount vouchers para sa mga magsasaka at mangingisda. Tinatayang nasa 158,000 ang mabebenepisyuhan nito, kung saan bawat isa ay makatatanggap ng P3,000.

Gayundin aniya, inaprubahan na ng mga awtoridad ang isa pang P600 milyon subsidy para sa susunod na tranche.

Para maiwasan ang bird flu — DA… Poultry products i-ban sa Western Visayas

ni Jasmin Joy Evangelista | March 13, 2022

Hinimok ng Department of Agriculture (DA) sa Western Visayas sa mga local governments sa rehiyon na pansamantalang i-ban ang pagpasok ng poultry products mula sa ibang lugar upang maiwasan ang pagkalat ng bird flu.

Ayon kay DA-Western Visayas Director Remelyn Recoter, tanging ang probinsiya ng Negros Occidental ang nag-release ng kautusan na i-ban ang poultry products mula sa labas ng lalawigan.

“Like the ASF (African swine fever), we are praying, with the efforts also of the local government units in terms of surveillance to control the entry of the (bird flu) viruses in Western Visayas,” ani Recoter sa isang radio interview.

Samantala, ang temporary ban sa pork products na papasok sa rehiyon ay ipinagbabawal pa rin dahil sa ASF outbreak sa ibang parte ng bansa.

As of March 11, ang Western Visayas ay nananatiling ASF free.