P20 ‘di ubra P27.50 kada kilo ng bigas ang kaya — DA

ni Lolet Abania | June 21, 2022

Ipinahayag ni Department of Agriculture (DA) Secretary William Dar ngayong Martes na habang sinusuportahan niya si President-elect Ferdinand “Bongbong” Marcos Jr. sa layon nitong maibaba ang presyo ng bigas para sa mga mamamayan ng P20 kada kilo, nasa P27.50 kada kilo ang pinakamalapit na kaya nilang gawin.

“The nearest we can do by now — I can be given other figures if you have better way of doing it — P27.50 is the nearest,” saad ni Dar sa isang press conference.

Ayon kay Dar, nagsimula na ang DA na mag-conceptualize kung paano maaabot o magiging malapit sa P20/kg na target habang nakabuo rin nito mula sa mga nakalap na suhestiyon.

Ani opisyal, isa rito ang pag-adopt ng Masagana 99, isang programa ng ama ni P-BBM, ang yumaong dating Pangulong Ferdinand Marcos Sr.

Sa ilalim ng programa, nilalayon ng gobyerno na itaas ang average rice crop ng bansa na aabot sa 99 kaban per hectare, kung saan ang mga magsasaka ay gumagamit naman ng makabagong nadebelop na mga teknolohiya.

Ayon kay Dar, sa kasalukuyan ang national average para sa parehong inbred at hybrid rice ay nasa 4.5 metric tons per hectare, kung saan mas mababa sa 100 kaban.

“So that must be the aspiration there before. Now let’s go beyond that aspiration. So for inbred rice meron kaming konseptong Masagana 150,” sabi ni Dar na giit niya, ito ay katumbas sa 7.5 metric tons per hectare. Para naman sa hybrid rice, ani Dar, plano nilang magkaroon ng Masagana 200.

Samantala, sa isang television interview, sinabi ni dating DA Secretary Manny Piñol na ang pagpapababa sa presyo ng bigas sa P20 ay hindi advisable dahil aniya, makakaapekto ito sa pamumuhay ng mga Pilipinong magsasaka.

“Kung gusto ng Presidente, puwedeng gawin, but it’s not advisable, it’s not economically viable. It will cause government finance of losses, big time,” pahayag ni Piñol sa isang interview ng CNN Philippines.

“The rule of thumb is the price of rice, divided by two is the price of palay. So kung P20 ‘yung bigas mo, P10 lang ‘yung palay noong farmer eh, malulugi ‘yung farmer, hindi papayag ‘yun,” dagdag pa ni Piñol.

P-BBM, pamumunuan ang Dept. of Agriculture

ni Lolet Abania | June 20, 2022

Pamumunuan ni President-elect Ferdinand “Bongbong” Marcos Jr. sa ngayon ang Department of Agriculture (DA) sa isang concurrent capacity kapag naupo nang pangulo sa Hunyo 30.

“As to agriculture, I think that the problem is severe enough that I have decided to take on the portfolio of Secretary of Agriculture, at least for now and at least until we can reorganize the Department of Agriculture in the way that will make it ready for the next years to come,” pahayag ni Marcos sa isang news conference ngayong Lunes.

“Marami tayong mga kailangan palitan. Marami tayong mga, medyo mga iba’t ibang opisina na hindi na masyadong nagagamit o kailangan nang i-retool para sa post-pandemic, dahil nga iba na ‘yung ating ginagawa ngayon,” sabi ni P-BBM.

“We’re going back to basics, and we will rebuild the value chain of agriculture. That is why I though it is important that the President take that portfolio so that not only to make it clear to everyone what a high priority we put on the agricultural sector, but also as a practical matter so that things move quickly because the events of the global economy are moving very quickly,” paliwanag ni Marcos.

Una nang sinabi ni P-BBM na ang seguridad sa pagkain, ang prayoridad ng kanyang administrasyon. Sa ilalim ng Constitution ay nakasaad na ang pangulo, “has the mandate of control over all the executive departments, bureaus, and offices, [which covers the] restructuring, reconfiguring, and appointments of their respective officials.”

Noong nakaraang taon, ang SINAG at iba pang agri groups ay nanawagan kay Pangulong Rodrigo Duterte para sa pagsasalarawan ng passage ng Rice Tariffication Law bilang isa sa mga achivements ng kanyang administrasyon.

Ayon kay Rosendo So, chairman ng SINAG, ang presyo ng bigas nang panahong iyon ay tumaas sa kabila ng tinatawag na liberalized rice imports.

Nang tanungin siya hinggil sa pagsusulong ng F2F classes sa Agosto, ani VP Sara, “We are targeting that, yes.”

“We’ll look at how we’ll be able to push that from the other accomplishments [of the department],” pahayag niya nang tanungin naman patungkol sa panawagang itaas ang sahod ng mga guro.

“Actually, the Duterte administration did do something about that,” saad pa ni VP Sara, kung saan aniya, may salary increase na P23,877 mula sa dating P19,077.

Ang entry-level teacher o Teacher 1, ay nasasakop sa ilalim ng Salary Grade 11 at makatatanggap ng monthly salary na P25,439.

Sa kabila ng mga krisis na tumama sa agrikultura... Produksiyon ng palay at mais, lumago – PSA

ni Zel Fernandez | May 14, 2022

Batay sa tala ng Philippine Statistics Authority (PSA), bahagya umanong lumago ang produksiyon ng palay at mais sa bansa sa unang quarter ngayong 2022.

Ayon sa datos ng PSA, bagaman hindi nagkaroon ng paglago sa sektor ng agrikultura sa unang quarter ng taon, pagtuntong ng Pebrero 1, 2022 ay tumaas sa 4.64 na milyong metriko tonelada ang produksiyon ng palay na mas mataas nang 0.2 porsiyento kumpara sa produksiyon nito noong unang quarter ng taong 2021.

Bukod pa rito, naitala rin ang pagtaas ng produksiyon ng mais sa bansa nang 2.46 na milyong metriko tonelada na sinasabing mas mataas naman umano nang 0.7 porsiyento kumpara sa produksiyon nito noong unang quarter ng nakaraang taon.

Sa kabila nito, pinangangambahan naman ng Department of Agriculture ang pagbaba ng produksiyon sa mga pangunahing pananim sa mga susunod na buwan dahil anila sa patuloy na pagtaas ng produktong petrolyo, kasabay ng iba pang hamon sa sektor ng agrikultura.

Samantala, nananatiling positibo si Agriculture Secretary William Dar dahil bagaman may mga hamon sa sektor ng agrikultura tulad ng krisis dulot ng alitan ng Ukraine at Russia, at pananalasa ng Bagyong Odette ay maayos pa rin umano ang takbo ng produksiyon sa nasabing sektor.