Kelot, pinalakol habang nagdarasal, patay

ni Eli San Miguel @News | October 12, 2023

Patay ang isang lalaki matapos siyang palakulin sa ulo habang nagdarasal sa simbahan sa Apalit, Pampanga noong Linggo ng gabi.

Kinilala ang biktima na si Franklin Quiamba na residente ng Larlin Village, Barangay Sampaloc, Apalit, Pampanga at ang suspek na si Fernando Llangco Gapuz, 56, residente ng Daliba Street, Karuhatan, Valenzuela City.

Ayon sa unang pagsisiyasat ng Apalit police, bago ang pangyayari ay nagsimba pa ang biktima. Ngunit hindi alam ng karamihan na may dala-dalang palakol ang isang 56-anyos na suspek, at bigla na lamang itong lumapit sa biktima para palakulin ito sa ulo.

"Itong isang miyembro nila allegedly during the investigation, ay may bumubulong daw sa kanya, na patayin niya yung isang kamiyembro... Ang problema, itong suspek natin, nakapasok siya sa church na may dala-dalang palakol na nakapasok doon, nakasilid doon sa bag, sa badminton bag, kaya hindi gaanong nahalata," pahayag ni PLt. Col Michael Riego.

Hindi na nakatakas ang suspek nang harangin siya ng mga kasamahan sa simbahan.

Dinala pa ang biktima sa Pampanga Premier Hospital, ngunit idineklara itong dead on arrival.

Sa ngayon, ang suspek ay nakakulong na sa istasyon ng pulisya ng Apalit at nahaharap na sa mga kaso ng pagpatay at paglabag sa Omnibus Election Code dahil sa dala-dalang patalim.

Mga pulis, todo-kayod.. Krimen, bumaba — PNP

ni Mylene Alfonso @News | September 17, 2023

Bumaba ang insidente ng krimen sa Pilipinas sa unang siyam na buwan ng 2023, ayon sa Philippine National Police (PNP).

"Overall crime rate has a significant decrease this year. From January 1 to September 15, 2023, we recorded 11,975 fewer incidents compared to the same period last year. This represents a 7.84% drop in the crime rate," pahayag ni PNP Chief Police General Benjamin

Acorda sa Saturday News Forum sa Quezon City.

Nabatid na bumaba sa 140,778 mula sa 152,753 ang bilang ng krimen sa kaparehong panahon noong nakaraang taon. “The Philippine National Police has been tirelessly working to ensure the safety and security of our beloved nation,” wika ng PNP Chief.

"Furthermore, our campaign against illegal drugs has shown remarkable progress,” saad pa ng opisyal.

Nasamsam din ng PNP ang P7.2 bilyong halaga ng ilegal na droga mula noong simula ng taong ito sa pamamagitan ng 34,496 na mga isinagawang operasyon.

"In our relentless pursuit of justice, we have made significant strides in apprehending wanted persons… we have arrested a total of 54,653 individuals, including 56 wanted persons with rewards," banggit pa ni Acorda.

Bukod dito, ang kampanya ng PNP laban sa mga loose o unlicensed firearms ay nagresulta sa pagbawi at pagsuko ng 34,404 na armas.

"To ensure the safety and security of the public, we have intensified police presence and visibility in crime-prone areas and other public convergence points," pagtatapos ni Acorda.

Nanay at 2 anak ginilitan, patay

ni Mai Ancheta @News | September 1, 2023

Dedo ang 26-anyos na ina at dalawang anak nito na edad tatlo at limang buwan matapos gilitan ng hindi nakilalang suspek sa Bgy. Pupua, Catbalogan City, Samar nitong Miyerkules.

Batay sa report ng Catbalogan City Police, natuklasan ang pagkamatay ng ginang na si Rea Oreo at dalawang anak nang dumating ang asawang si Edito Candiz mula sa pamamasada ng tricycle.

Nakahandusay umano ang kanyang mag-iina sa labas ng kanilang bahay, yakap ng asawa ang sanggol na lalaki habang katabi naman ang anak na babae.

Ayon kay Pol. Sergeant Ronaldo Salentes, hindi pa nila matukoy ang pagkakilanlan sa suspek at kung ano ang motibo sa pagpatay sa mag-iina.