10,016 pinakamataas na COVID-19 cases sa isang araw

ni Ronalyn Seminiano Reonico | March 29, 2021

TULAD ng kinatatakutan, umabot na at nakapagtala ang bansa ng pinakamataas na bilang ng karagdagang kaso ng COVID-19 ngayong araw na umabot sa 10,016 at sa kabuuan ay pumalo na sa 731,894 ang naitalang kaso.

Ayon sa Department of Health (DOH), pumalo na sa 115,495 ang bilang ng mga aktibong COVID-19 cases sa bansa kung saan 95.9% ang mild, 2.4% ang asymptomatic, 0.7% ang kritikal at 0.7% ang may severe condition.

Umakyat naman sa 603,213 ang bilang ng mga gumaling na matapos maitala ng DOH ang karagdagang 78 pasyente ngayong araw.

Samantala, 16 ang naitalang pumanaw dahil sa COVID-19 at sa kabuuan ay 13,186 na ang death toll sa bansa.

2 M Sinovac vaccine kada buwan, bibilhin ng 'Pinas sa China

ni Mary Gutierrez Almirañez | March 27, 2021

Mahigit isang milyong doses ng Sinovac COVID-19 vaccines ang inaasahang ide-deliver sa bansa kada buwan upang makumpleto ang 25 milyong doses na in-order ng pamahalaan sa China, ayon sa pahayag ni Philippine Ambassador to China Jose Santiago ‘Chito’ Sta. Romana ngayong araw, Marso 27.

Aniya, “After that, every month, ang plano ng gobyerno is roughly one to two million doses every month from Sinovac for a total of 25 million by the end of the year.”

Nauna nang dumating ang donasyong 600,000 doses ng Sinovac noong Pebrero at sinundan ng 400,000 doses nitong ika-24 ng Marso.

Inaasahan namang darating sa Lunes ang biniling 1 milyong doses na bakuna upang iturok sa mga frontliners at mga susunod na prayoridad sa listahan.

Bukod dito, mahigit 525,000 doses ng AstraZeneca na rin ang dumating sa bansa.

Sa ngayon ay Pfizer-BioNTech, Sputnik V, AstraZeneca at Sinovac pa lamang ang mga bakunang aprubado ang emergency use authorization (EUA).

Matapos ang successful na 1st wave, 2nd wave ng paglikom ng AstraZeneca vaccine, umabot sa 15-M!

ni Fely Ng - @Bulgarific | January 24, 2021

Hello, Bulgarians! Kasunod ng tagumpay ng unang batch ng “A Dose of Hope” na nakakuha ng 2.6 milyong doses ng bakuna sa bansa, pinirmahan na nina Presidential Adviser for Entrepreneurship at Go Negosyo founder Joey Concepcion, Country President of AstraZeneca Pharmaceuticals Philippines Inc. Lotis Ramin, Vaccine Czar Secretary Carlito Galvez, Jr., Presidential Spokesperson Harry Roque at Ambassador Daniel Pruce ng British Embassy ang second wave na may kabuuang 17 milyong doses ng AstraZeneca vaccine. Ito ay donasyon ng 300 private sector at 39 LGUs na kumuha ng AstraZeneca vaccine na kasama rin sa nasabing ceremonial signing.

“I like to thank first Secretary Charlie Galvez. Without your support, this tripartite agreement would have not been possible. Also, I like to thank the CEO of AstraZeneca, Lotis Ramin. Without your doses, we will not be here today to sign the agreement. We admire your company and your patriotism. These vaccines are really the way forward in helping our Filipino save lives and livelihood. Ambassador Pruce for all your efforts in forging this partnership and helping the negotiations move forward. And the private sector, our donors. The first batch was about 35 of the conglomerates who supported the program, and in the second batch, around 300 companies supported the program. And of course, our LGUs, who are now part of the Dose of Hope, 39 of them,” ani Concepcion.

Nagbigay din ng pahayag si Pangulong Rodrigo Duterte at sinabing, “There is light at the end of the tunnel, national recovery is within sight. As we bounce back and heal as one, I commend the business community and the LGUs for your ramping of support for our nation's fight against COVID-19...You have my full support. Together, we can ensure a safe, sure, and secure roll-out of our National Immunization Program. Today, let us reaffirm our vow to ourselves and renew our guarantee to the people...A tripartite agreement is a true showcase of unity of purpose and principled partnership benefiting our public – this is Bayanihan at work.”

Ang programang ito ay lubos ding sinuportahan ng ilang LGUs na siniguradong ang vaccine para sa kanilang mga residente tulad nina Mayor Sara Duterte, Mayor Imelda Calixto-Rubiano, Mayor Rex Gatchalian, Mayor Joy Belmonte, Mayor Francis Zamora, Mayor Toby Tiangco, Mayor April Aguilar-Nery, Mayor Abby Binay, Mayor Carmelita Abalos, Mayor Edwin Olivarez, Mayor Jaime Fresnedi, Mayor Oscar Malapitan, Mayor Isko Moreno, Mayor Vico Sotto, at Tracing Czar Mayor Benjie Magalong at iba pa.

Kaya naman, nagpasalamat si Concepcion sa walang-sawang pagsuporta ng mga ito at sinabing “Thank you to the President and to Secretary Galvez for allowing the LGUs to be part of this tripartite agreement and forge one of the best private-partnerships that I've seen achieve a common goal – bringing the vaccine to the Philippines, especially at times like this. Moving forward, we hope that AstraZeneca will continue to support us as we know the demand for vaccines, especially coming from LGUs and the private sector, is quite immense. The Philippines definitely will not be left behind in this fight.” Sa kabuuan, mayroon ng kabuuang 15 milyong doses na bakuna ang nalikom mula sa 3 milyong donasyon ng pribadong sector at 12 milyong donasyon mula sa LGUs.