Kahit fully vaccinated na... 12 madre sa Carmelite Monastery sa Rizal, positibo sa COVID-19

ni Lolet Abania | September 25, 2021

Nasa 12 mga madre mula sa kabuuang 18 sa kanila na naninirahan sa Carmelite Monastery sa bayan ng Tanay, Rizal province, ang nagpositibo sa test sa COVID-19.

Inianunsiyo ito ng mga sister sa pamamagitan ng kanilang official Facebook account.

“We are fully vaccinated, except one Sister who is still taking chemo tabs,” pahayag ng mga madre.

“At present, we are considered as mild cases and symptomatic,” dagdag nila.

Tinayak naman ng mga sisters sa kanilang mga kaibigan na nasa mabuti silang kalagayan.

“Do not worry about us... we are hoping to recover and whatever happens, someday we will praise Him together in the Kingdom of Light and say with Mary, ‘the Almighty has done great things for me, and holy is His name.’ We love you all!”

Patuloy naman ang mga madre sa kanilang mga panalangin partikular na doon sa mga labis na nangangailangan ng dasal para sa kanilang mga mahal sa buhay at sa mga dumaranas din ng sakit na COVID-19.

“At this time of pandemic, we are offering prayers for you,” ani pa ng mga madre.

Matatandaang nai-report na nasa siyam na miyembro ng Religious of the Virgin Mary (RVM) congregation ang nasawi sanhi ng COVID-19 habang ang kumbento na nasa Quezon City ay kasalukuyang naka-lockdown.

Ospital ng Imus bubuksan muli ang outpatient, scheduled operations services

ni Jasmin Joy Evangelista | September 23, 2021

Nasa 38 virus patients ang naka-admit sa Ospital ng Imus, habang okupado ang 80 porsyento ng intensive care unit nito, ayon kay chief of clinics Dr. Jennifer Roamar.

Kung hindi na raw madadagdagan ang COVID-19 patients ng ospital ay bubuksan na nito ang outpatient services at scheduled operations nito sa Lunes.

"Napansin po namin wala na pong pasyente sa parking lot unlike before. Ang emergency room atsaka ang aming ward puno pa rin lagi," pahayag ni Roamar.

"Sa Monday po ibabalik na ang outpatient service at scheduled operation, wag na lang po sana madagdagan ang positive [cases]."

Nakabalik na rin ang 75% ng 34 health workers na nagpositibo sa COVID-19, dagdag niya.

May 6 na bagong kaso ng Covid sa medical staff at 4 dito ay naka-quarantine at pending ang resulta ng test, ayon kay Roamar.

Samantala, sapat daw ang gamot ng ospital kontra COVID-19 tulad ng remdesivir dahil may consignment agreement ang ospital sa isang pharmaceutical company.

Sapat din daw ang oxygen supply, ngunit nagkukulang naman sa mga makina tulad ng high-flow machine, BiPAP, at mechanical ventilator dahil ito ay isang level 1 hospital lamang, ani Roamar.

Matapos magka-COVID-19... Pharmally Director Ong, tinuluyan ng Senado

ni Lolet Abania | September 21, 2021

Inaresto na si Pharmally Pharmaceutical Corporation director Linconn Ong ng Senado dahil sa umano’y “evasive” na mga tugon nito, habang bigong makapagsumite ng mga subpoenaed financial documents sa isinasagawang imbestigasyon hinggil sa kanya umanong maanomalyang supply deal sa gobyerno ngayong Martes nang hapon.

Sa ngayon, nasa kustodiya na ng mga opisyal ng Senate Office of Sergeant-at-Arms (OSAA) si Ong na ide-detain sa Senate building sa Pasay City.

“Mr. Chairman, Mr. Linconn Ong is with the OSAA already… He is already on the way here to the Senate,” ani Senate President Vicente Sotto III sa nagaganap na Blue Ribbon Committee hearing hinggil sa umano’y overpriced COVID-19 goods.

Unang ibinunyag ni Ong na inabisuhan na siya ng OSAA na ihanda na ang kanyang mga gamit dahil siya ay nakatakdang idetine sa Senate building. “Mr. Chairman… nagpa-pack up po ako ng gamit ide-detain na po ako ng Senado,” sabi ni Ong.

Sa unang bahagi ng pagdinig, binanggit ni Sotto na nananatili pa rin ang arrest warrant laban kay Ong at iba pang Pharmally officials. Matatandaang unang sinabi ni Sotto na inihain na ang arrest warrant laban Ong.

Gayunman, ayon kay Sotto nanatili si Ong sa kanyang bahay dahil sa nagpositibo ito sa test sa COVID-19.

Sa mga nagdaang pagdinig, binabaan sina Ong at ang dating presidential economic adviser na si Michael Yang ng cited in contempt dahil sa kanilang mga “evasive” responses o “pag-iwas” na sagot sa mga kuwestiyon ng mga senadors. Agad na kumilos ang panel para sila ay ipaaresto.

Isinulong ang imbestigasyon matapos makita ng Commission on Audit (COA) ang paglipat ng Department of Health (DOH) ng P42 billion funds sa Procurement Service ng Department of Budget and Management (DBM) para sa pagbili ng face masks at face shields sa gitna ng COVID-19 pandemic noong nakaraang taon.

Ang Pharmally Pharmaceutical Corporation, isang maliit na nagsisimulang kumpanya, ay nakapag-secure ng mahigit sa P8 bilyon halaga ng government contracts para sa naturang procurement ng mga personal protective equipment (PPEs) na pinaniniwalaang overpriced.