Sa single-day COVID-19 vaxx.. ‘Pinas, pang-apat sa mga bansa — DOH

ni Lolet Abania | December 3, 2021

Nakapuwesto sa pang-apat ang Pilipinas mula sa mga bansang may pinakamataas na bilang ng COVID-19 vaccinations sa loob ng isang araw na may 2.7 milyon doses na na-administer, ayon sa Department of Health (DOH).

Base sa Our World in Data, sinabi ng DOH na nakapag-administer ang bansa ng tinatayang 2.7 milyon doses noong Nobyembre 29, kung saan tinalo ang Brazil na nakapagbigay ng 2.6 milyon doses sa isang araw.

Ang China ang nakakuha ng top spot na 22 milyon, kasunod ang India na 10 milyon at ang United States na may 3.4 milyon. “But if you’re going to look at this in terms of population, number one tayo kasi 110 million lang tayo… India and China na nasa one billion ang population.

Kaya I hope we are able to sustain the momentum,” sabi ni DOH Secretary Francisco Duque III sa isang statement.

Hinimok din ni Duque ang publiko na ipagpatuloy ang tinatawag na spirit of solidarity at Bayanihan.

“This is a strength. This is a value that we all need to cherish because it is what will inspire us. It is what will strengthen and energize all of us to finally win the war against COVID-19,” ani Duque.

Una nang sinabi ng National Vaccination Operations Center (NVOC) na ang gobyerno ay nakapagbakuna kontra-COVID-19 ng tinatayang 8 milyong indibidwal sa isinagawang 3-day national vaccination drive noong Nobyembre 29 hanggang Disyembre 1.

Samantala, ayon kay vaccine czar Carlito Galvez Jr., nakamit ng gobyerno ang kanilang target na mabakunahan ang 70% ng populasyon ng bansa ng kahit isa dose lamang.

Sa datos ng National Task Force Against COVID-19, lumabas na nasa kabuuang 55,415,753 indibidwal o 71.84% ang nakatanggap ng tinatayang isang dose hanggang nitong Disyembre 1. Sa bilang na ito, 36,869,419 ay fully vaccinated na laban sa virus.

“Our new milestone is a testament to the strength and efficiency of our national vaccination program,” sabi ni Galvez.

Galing abroad na positive sa COVID... Sequencing, gawin na — Malacañang

ni Lolet Abania | December 3, 2021

Inatasan na ang National Task Force Against COVID-19 Task Group on the Management of Returning Overseas Filipinos na isumite ang mga nagpositibo ang resulta ng test sa COVID-19, mula Nobyembre 1 at sumusunod pa para sa agarang genome sequencing, sa Philippine Genome Center (PGC) dahil ito sa Omicron variant, ayon sa Malacañang ngayong Biyernes.

Sinabi ni acting Presidential Spokesperson Karlo Nograles, ang direktiba ay ibinigay sa ilalim ng Inter-Agency Task Force Resolution 152, kung saan inatasan din ang Department of Interior and Local Government (DILG) na makiisa sa mga local government units (LGUs) para sa tinatawag na active case finding at agarang pagsasagawa ng flag clusters, at agad na magsumite ng mga eligible samples para sa sequencing.

“This is to further strengthen active case finding and healthcare system capacity,” sabi ni Nograles.

Samantala, ipinaalala naman ni Dr. Alethea de Guzman ng Department of Health (DOH) sa publiko na wala pang patunay na ang Omicron variant ay nagdudulot ng mas severe COVID-19, pagkamatay dahil sa COVID-19, o kaya ay maglalagay sa mga kabataan sa higher risk na ma-infect ng virus.

“The Omicron variant is still being studied," sabi ni De Guzman ngayong Biyernes.

Ang Omicron variant ay unang na-detect ng mga South African authorities habang nai-report na mas transmissible ito.

Tinatayang nasa 35 bansa ang nakumpirmang mayroong mga kaso ng Omicron variant sa ngayon, kabilang na ang South Africa, Belgium, France, Saudi Arabia, ang UK, Netherlands, Hong Kong, Germany.

Base sa OCTA Research... NCR, “very low risk” na sa COVID-19

ni Lolet Abania | December 3, 2021

Maaari nang iklasipika ang National Capital Region (NCR) na nasa “very low risk” sa COVID-19, ayon sa independent group na OCTA Research.

Sa isang table na nai-post sa Twitter ni OCTA fellow Dr. Guido David, nagpapakita ito ng improvement sa bilang na naitala noong Nobyembre 26 hanggang Disyembre 2 ngayong taon, kumpara sa parehong panahon noong nakaraang taon.

“Based on our metrics, the NCR is now classified as VERY LOW RISK. The figure compares the numbers this week vs the same week last year,” pahayag ni David ngayong Biyernes.

Ayon sa OCTA, ang average ng bagong kaso ng COVID-19 kada araw ay umabot sa 138 lamang mula Nob. 26-Dis. 2, 2021, kumpara sa 416 sa pareho ring panahon noong nakaraang taon.

Mas mababa naman ang reproduction number na 0.36 ngayong taon, mula sa 0.94 noong 2020.

Ang reproduction rate ay bilang ng mga taong infected ng isang kaso, habang ang reproduction number naman na below 1 ay nagpapahiwatig na bumabagal na ang transmission ng virus.

Paliwanag pa ng OCTA, “The daily attack rate per 100,000 fell to 0.97 this year from 2.94 last year. The same goes with positive rate -- down to 1.2% in 2021 from 3.9% in 2020.”

Gayundin, nagpakita ng pagbaba sa mga okupado ng hospital beds mula sa 1,791 nitong 2021 ay bumaba ito kumpara sa 2,305 noong 2020; ang hospital bed occupancy na may 21% ng 2021 na mababa na mula sa 38% noong 2020; at ang ICU bed occupancy na 27% ng 2021 ay bumaba na mula sa 47% noong 2020.