878 bagong kaso ng COVID

ni BRT | June 12, 2023

Nakapagtala ang Pilipinas ng 878 na bagong kaso ng COVID-19 kaya umabot na sa 4,154,190 ang nationwide caseload, ayon sa Department of Health

Pagkalipas ng dalawang araw, ang bilang ng mga bagong kaso ay mas mababa sa 1,000.

Sa kasalukuyan, ang bilang ng mga aktibong kaso ay 11,644, habang ang recovery tally ay 4,076,065.

Nananatili sa 66,481 ang bilang ng nasawi sa bansa.

Sa nakalipas na dalawang linggo, ang National Capital Region ang may pinakamataas na bilang ng bagong kaso na may 4,439, sinundan ng Calabarzon na may 3,132, Central Luzon na may 2,108, Western Visayas na may 1,369, at Cagayan Valley na may 1,006.

Naoospital dahil sa COVID, bumaba na

ni Madel Moratillo | June 7, 2023

Nalagpasan na ng bansa ang wage ng mga kaso na idinulot ng XBB.1.16 o Arcturus subvariant ng COVID-19.

Ayon kay Dr. Rontgene Solante, isang infectious diseases expert, pababa na ang trend ng mga kaso ng impeksyon sa bansa.

Ang mga naoospital dahil sa COVID ay bumababa na rin.

Kaya para kay Solante, nalagpasan na ng bansa ang critical stage ng Arcturus.

Gayunman, hindi pa rin aniya dapat na maging kampante ang publiko at dahil nar'yan pa rin ang iba pang variant ng COVID at hindi pa nawawala ang virus.

Karamihan aniya sa naoospital ay mga matatanda.

Sa datos ng OCTA Research Team, bumaba na ang COVID positivity rate sa karamihan ng lalawigan sa Luzon at National Capital Region.

400K doses ng bivalent vaccines, dumating na

ni Madel Moratillo | June 5, 2023

Nasa bansa na ang halos 400 libong doses ng Pfizer bivalent COVID-19 vaccines na donasyon mula sa Lithuanian government.

Ayon sa Department of Health, ang bivalent ay Omicron specific pero nagbibigay proteksyon din sa orihinal na COVID-19 strain.

Bukod sa dumating na bivalent vaccines galing Lithuania, inaasahang makatatanggap pa ang Pilipinas ng dagdag na doses galing naman sa COVAX facility.

Sa ilalim ng guidelines ng DOH, ang mga healthcare workers at senior citizens ang prayoridad na mabigyan ng mga ito.

Sa datos ng DOH, hanggang nitong Marso 20, sa A1 ay nasa 674,471 palang ang may 2nd booster habang 970,020 naman sa A2.