2 ‘di bakunadong seniors, patay sa Omicron variant — DOH

ni Lolet Abania | January 19, 2022

Dalawa ang nasawi matapos na tamaan ng Omicron COVID-19 variant na parehong mula sa 492 dagdag na kaso ng lineage na nai-record sa bansa, batay sa pahayag ng Department of Health (DOH) ngayong Miyerkules.

Ayon sa DOH, ang dalawang namatay ay parehong na-detect sa latest whole-genome sequencing na kanilang ginawa. Ani ahensiya, “The two were aged more than 60 years, unvaccinated, and had pre-existing medical conditions.”

“While Omicron mostly presents with asymptomatic and mild disease, our data shows that those most at risk for fatalities are still the elderly and those with co-morbidities and unvaccinated,” paliwanag ng DOH.

Ayon pa sa DOH, ito ang kauna-unahang nai-report na nasawi sa Omicron cases.

Sa ngayon, nakapagtala na ang bansa ng 535 cases ng Omicron variant.

Omicron variant cases, 535 na

ni Lolet Abania | January 19, 2022

Nakapagtala ang Department of Health (DOH) ngayong Miyerkules ng 492 dagdag na kaso ng mas nakahahawang Omicron COVID-19 variant, kaya umabot na sa 535 ang bilang ng kumpirmadong kaso nito sa bansa.

Ayon sa DOH, 332 sa bagong kaso ay local habang 160 ay returning overseas Filipinos (ROFs).

Sa 227 kaso, sinabi ng ahensiya na may mga address ito sa National Capital Region (NCR), 76 sa Calabarzon, 11 cases sa Central Luzon, at lima sa Central Visayas.

Mayroon ding tig-dalawang kaso mula sa Cagayan Valley, Western Visayas, Davao Region, Soccsksargen, at sa Cordillera Administrative Region (CAR), at tig-isa naman sa Ilocos Region, Mimaropa, at sa Bangsamoro Region.

Base sa case list, ayon sa DOH, 3 kaso ang nananatiling active, 2 kaso ang nasawi, habang 20 kaso ay bineberipika pa.

Gayundin, sa latest run ay nakapag-sequenced na ng 714 samples.

“With the high transmissibility of the Omicron variant and the increasing number of COVID-19 cases, the DOH urges the public to follow protective health protocols and adhere to minimum public health standards,” pahayag ng DOH.

Patuloy naman ang panawagan ng DOH sa puliko na magpabakuna na laban sa COVID-19.

“Getting vaccinated is still our best line of defense when it comes to fighting and preventing severe and critical disease. Regardless of the variant, we must always keep our guards up against the enemy that is COVID-19,” ani pa ng ahensiya.

Community transmission ng Omicron variant, nararanasan na sa NCR — DOH

ni Lolet Abania | January 15, 2022

Ipinahayag ng Department of Health (DOH) na nakararanas na ngayon ang National Capital Region ng community transmission ng mas nakahahawang COVID-19 Omicron variant.

Sa isang televised public briefing ngayong Sabado, sinabi ni DOH Undersecretary Maria Rosario Vergeire na may local cases na ng variant of concern ang kanilang na-detect sa Metro Manila.

Ayon sa World Health Organization (WHO), “Community transmission happens when connections between local infections could no longer be established through the positive test results of routine sampling.”

Noong nakaraang linggo, isang eksperto ang nagsabi na ang Omicron’s community transmission ay nangyayari na sa bansa.

“Dito po sa National Capital Region, we are seeing the community transmission… Nitong Omicron variant. Bagama’t hindi po nakakahabol ang ating genome sequencing, we already have determined that there are local cases already,” paliwanag ni Vergeire.

“Sa nakikita nating trend ngayon, ito po ’yung characteristic talaga ng Omicron variant, na mabilis na pagkalat, ’yung very steep rise in the number of cases… And doubling time po na every 2 days,” ani pa ni Vergeire.

Ayon kay Vergeire, ang daily cases sa Metro Manila sa nakalipas na linggo ay nag-average ng tinatayang 17,124, habang aniya, higit sa doble ito ng 6,500 average na bilang ng kaso ng mas naunang nakaraang linggo.

Gayundin aniya, ang rehiyon ay may tinatayang 149,000 active COVID-19 infections, na halos kalahati ng kabuuang bilang ng aktibong kaso sa buong bansa.

Sinabi pa ng opisyal, nakikitaan na rin nila ng pagtaas ng mga bagong kaso sa ibang mga rehiyon, na maaaring dulot ng Omicron variant.

Bukod sa Metro Manila, ang Calabarzon, Central Luzon, Western Visayas, Eastern Visayas, Bicol Region ay kinakikitaan nila ng pagtaas in terms ng 2-week growth rate.

Ayon pa kay Vergeire, kapag nagpatuloy ang ganitong trend, posibleng dumating ang oras na palitan na ng Omicron strain ang Delta bilang isang dominant variant sa bansa.