P-Du30, sinopla sa hirit na arestuhin ang mga ayaw magpaturok… 'Pinas, kulang sa suplay ng bakuna —

Binay

ni Ronalyn Seminiano Reonico | June 22, 2021

Matapos magbabala ni Pangulong Rodrigo Duterte na ipaaaresto niya ang mga ayaw magpabakuna, sinabi ni Senator Nancy Binay na ang suplay ng vaccines ang “biggest problem” kaya marami pa rin ang hindi nababakunahan.

Sa isang panayam, saad ni Binay, “May problema tayo sa supply. It’s not as if ayaw ng mga kababayan nating magpabakuna.”

Sinabi rin ni Binay na maraming Pilipino na maagang nagpupunta sa mga vaccination centers para lang makahabol sa cut-off.

Aniya, “Madaling-araw pa lang pumipila na sila ru’n sa vaccination centers para ‘di sila abutan ng cut-off.

“So at this point, I think vaccine hesitancy is not the problem, vaccine supply is the biggest problem so we need to arrest that.”

Gayunpaman, aniya ay mayroon talagang mga indibidwal na nag-aalinlangang magpabakuna.

Ngunit ayon kay Binay, ang kakulangan sa suplay ng bakuna ang dapat binibigyang-pansin ng pamahalaan bago ang pagpapaaresto sa mga Pilipinong ayaw magpabakuna.

Aniya pa, “At this point, nandiyan pa rin ‘yung vaccine hesitancy but for me, ‘yung urgent need right now is to have more supply of the vaccine.”

Higit 8-M COVID-19 vaccine, naiturok na sa ‘Pinas — Galvez

ni Ronalyn Seminiano Reonico | June 20, 2021

Mahigit 8 million COVID-19 doses ang naiturok na sa Pilipinas, ayon kay Vaccine Czar Carlito Galvez, Jr. ngayong Linggo. Ayon sa datos ng National Vaccination Operations Center (NVOC), umabot na sa 8,050,711 ang nai-administer na nationwide noong June 18 kung saan 5,953,810 ang naiturok para sa first dose at 2,096,901 naman ang second dose.

Saad ni Galvez, “There’s no letup in our vaccination campaign. All sectors of society are working together so that we can start to move on from this pandemic, bring back a greater sense to our lives, and further open up our economy.”

Ayon sa National Task Force (NTF), sa A1 priority group, 94.24% o 1,053,373 healthcare workers na ang nakatanggap ng bakuna laban sa COVID-19. Sa A2 priority group naman o mga senior citizens, 1,939,599 na ang kabuuang bilang ng mga nakatanggap ng first dose, habang 536,476 ang fully vaccinated na.

Sa A3 priority group naman o persons with comorbidities, 2,005,206 ang nakatanggap na ng first jab ng bakuna habang 498,925 naman ang fully vaccinated na.

Sa A4 priority group na binubuo ng mga economic frontliners, 452,600 ang nabakunahan na ng first dose at 8,127 ang nakakumpleto na. Sa A5 priority group naman o ang mga indigents, 23,826 ang nakatanggap na ng first dose.

Saad pa ni Galvez, “Local government units and the private sector are playing a key role in this effort, as they ramp up the inoculation of their citizens and employees, respectively. They are really doing an amazing job and we would like to laud them for their hard work.”

Pagbili ng 'Pinas ng 40 M Pfizer vaccine, oks na

ni Lolet Abania | June 20, 2021

Pinirmahan na ng pamahalaan ang kasunduan para sa pagkuha ng 40 milyon doses ng COVID-19 vaccines sa American firm na Pfizer-BioNTech, ayon kay National Task Force against COVID-19 Chief Implementer at Vaccine Czar Secretary Carlito Galvez, Jr..

“We are very happy to report that the government and the management of Pfizer have finally concluded our negotiations. Secretary Duque and I signed yesterday the supply agreement for the biggest and most decisive deal we had for 2021,” ani Galvez sa isang statement ngayong Linggo.

“I would like to thank my colleagues from the Philippine vaccine negotiating team from the Department of Finance and our multilateral partner for tirelessly working to secure these much-needed shots that will benefit 20 million Filipinos,” sabi pa ni Galvez.

Sinabi ni Galvez, nakatakdang i-deliver ang bakuna ng Pfizer matapos ang walong linggo simula sa Agosto ngayong taon, habang ang shipments ay ipapadala nang bultuhan o maramihan.

Gayundin, ang Pfizer vaccine doses ay pinondohan sa pamamagitan ng multilateral arrangement sa Asian Development Bank (ADB). Ayon pa kay Galvez, titiyakin nilang mayroong transparency gamit ang direct disbursement scheme para sa loan funds mula sa mga multilateral partners, kung saan ang payments ay babayaran aniya, “directly by the fund manager to the vaccine manufacturer.”

“Through this scheme, the Filipino people can be assured that our transactions on vaccine procurement will be transparent, as the funds will not pass through the hands of any government official or agency.

Wala pong dumadaan na pera sa amin,” sabi ng kalihim. Para naman sa ibang supply agreements ng bakuna, binanggit ni Galvez na tinatayang 16 milyong doses ang mula sa Novavax at Johnson & Johnson na patuloy ang negosasyon.

Plano na rin ng gobyerno na pirmahan ang supply agreement para sa 6 milyong doses ng Johnson & Johnson’s Janssen vaccine.

Dahil sa bagong supply deal mula sa Pfizer, nakapag-secure na ang pamahalaan na mai-deliver ang 113 milyong doses mula sa limang vaccine makers gaya ng Sinovac na mayroong 26 milyon doses, Sputnik V na 10 milyon doses, 20 milyong doses mula sa Moderna, 17 milyon doses ng AstraZeneca, at 40 milyon doses mula Pfizer.

Nangako rin ang COVAX Facility na magpapadala ng kabuuang 44 milyon doses sa bansa ngayong taon, kung saan umabot na sa 157 milyon doses ang kabuuang bilang ng doses ng COVID-19 vaccines ang na-secure ng Pilipinas.

Kaugnay nito, ang Department of Health (DOH) kamakailan ay inaprubahan ang Pfizer vaccines para sa pagbabakuna sa indibidwal na nasa edad 12 at pataas.