Mayor Richard Gomez, positibo sa COVID-19

ni Ronalyn Seminiano Reonico | July 17, 2021

Nagpositibo sa COVID-19 ang aktor at mayor ng Ormoc City na si Richard Gomez at kinumpirma niya ito ngayong Sabado.

Saad ni Gomez, “I tested positive for COVID. It could be my exposure from multiple people because of work I do as mayor. But I will be ok.”

Dagdag pa niya, “I will need a lot of rest and will have to be in isolation until I’m better…I will go back to work as soon as doctors will give the clearance.

“I ask everyone to continue to be vigilant and safe.”

Samantala, “mild and manageable” naman umano ang sintomas na nararamdaman ng alkalde at kasalukuyan na rin siyang naka-isolate.

3 empleyado positibo sa COVID-19… Munisipyo sa Bohol, naka-granular ECQ

ni Ronalyn Seminiano Reonico | July 15, 2021

Ipinag-utos ni Mayor Judith del Rosario-Cajes na isailalim sa granular enhanced community quarantine (ECQ) ang New Trinidad Municipal Hall sa Bohol simula kahapon, July 14 hanggang sa 21.

Ayon din sa Office of the Municipal Mayor, naobserbahang dumaranas ng “influenza-like illnesses” ang ilang empleyado ng local government unit (LGU) at noong July 13, napag-alamang positibo sa COVID-19 ang 3 empleyado.

Sa isang linggong granular ECQ, ayon sa LGU, magsasagawa ng “contact tracing, testing, containment of cases and total disinfection of the municipal building and its premises.”

Bawal ding pumasok ang mga empleyado ng New Trinidad Municipal Hall sa naturang duration ng granular ECQ kaya ipinatupad din ang work-from-home conditions.

Saad pa ng LGU, “While the granular ECQ is in effect, work-from-home covers to all officials and employees who are assigned/stationed inside the Municipal Hall (new).”

28,860 pulis, positibo sa COVID-19

ni Lolet Abania | July 11, 2021

Umabot na sa 28,860 ang bilang ng mga operatiba ng Philippine National Police (PNP) na tinamaan ng COVID-19 matapos na makapagtala ng 70 kawani na nagpositibo sa virus ngayong Linggo.

Sa pinakabagong datos naman ng PNP, may kabuuang 27,366 ang gumaling makaraang 66 ang nadagdag na police officers na nakarekober sa virus.

Nananatiling 77 mga pulis ang namatay dahil sa COVID-19. Sa ngayon, mayroong 1,417 active cases ng COVID-19 sa hanay ng pulisya.