9 patay sa Delta variant ng COVID-19

ni Lolet Abania | August 2, 2021

Pumalo na sa siyam ang nasawi sanhi ng mas nakahahawang Delta COVID-19 variant matapos na maitala ng Department of Health (DOH) ang isang dagdag na namatay dahil sa virus.

Ayon kay Health Undersecretary Maria Rosario Vergeire, ang bagong nasawi ay isang local case. Wala namang iba pang binanggit na detalye ang kalihim. Samantala, sa 216 Delta cases na nai-record sa ngayon, 17 dito ay nananatiling active.

Sa 17 active cases, 15 ay local at 2 ay returning overseas Filipinos (ROFs). Nakarekober naman ang ibang 190 cases mula sa COVID-19. Pahayag pa ni Vergeire, ang 165 Delta cases ay local, 48 ay ROFs, at 3 kaso ay bineberipika pa.

Suportado naman ng DOH ang naging statement ng United States Centers for Disease Control and Prevention na maaaring ihalintulad ang transmissibility ng Delta variant sa chickenpox. “Yes we agree to that and nasa ebidensiya naman po talaga na ang Delta variant is highly transmissible compared to the UK variant,” ani Vergeire sa briefing.

Gayunman, ang Metro Manila ay isasailalim na sa mahigpit na lockdown classification mula Agosto 6 hanggang 20 upang mapigilan ang pagkalat pa ng mas nakahahawang variant.

Biyahe sa Baguio, lilimitahan

ni Ronalyn Seminiano Reonico | July 31, 2021

Pansamantalang ipinagbawal ang “non-essential travels” sa Baguio City nang isang linggo simula ngayong Sabado dahil sa banta ng COVID-19 Delta variant.

Isinailalim sa general community quarantine (GCQ) ang Baguio City ngunit saad ng lokal na pamahalaan, “But as early as now, we must take the initiative to enhance our COVID-19 management strategy to preempt, if not minimize, this new health threat to our community.”

Samantala, paalala naman ni City Mayor Benjamin Magalong, maaaring mabago ang naturang advisory base sa magiging desisyon ng Inter-Agency Task Force (IATF).

Saad pa ni Magalong, “I appeal for patience and cooperation from the public for this sudden change in policy as this is the appropriate action that is necessary for the situation at hand.”

Nanawagan din si Magalong sa mga residente ng Baguio City na limitahan lamang ang pagbiyahe.

Aniya pa, “Should there be instances where travel outside is absolutely necessary, let us always practice minimum public health protocols at all times, in consideration of our family members and loved ones waiting for us at home.”

Travel restrictions sa 10 bansa, extended sa Agosto 15

ni Ronalyn Seminiano Reonico | July 30, 2021

Pinalawig ng Pilipinas ang travel restrictions sa mga biyahero mula sa sampung bansa hanggang sa Agosto 15 upang maiwasan ang pagkalat ng COVID-19 Delta variant, ayon sa Malacañang.

Saad ni Presidential Spokesperson Harry Roque, "President Rodrigo Duterte approved the recommendation of the Inter-Agency Task Force (IATF) to extend the travel restrictions currently imposed to 10 countries until August 15. These countries include India, Pakistan, Nepal, Sri Lanka, Bangladesh, Oman, United Arab Emirates, Indonesia, Malaysia and Thailand."

Samantala, inilabas na rin ng Malacañang ang listahan ng mga bansang ikinokonsidera bilang “green countries” o ang mga low-risk sa COVID-19 na binubuo ng: Albania, Antigua and Barbuda, Benin, Brunei, Cayman Islands, Comoros, Djibouti, Gabon, American Samoa, Australia, Bermuda, Bulgaria, Chad, Ivory Coast, Equatorial Guinea, Gambia, Anguilla, Azerbaijan, Bosnia and Herzegovina, Burkina Faso, China, Dominica, Falkland Islands, Ghana, Grenada, Kosovo, Marshall Islands, Montserrat, Niger, Northern Mariana Islands, Romania, Saint Pierre and Miquelon, Slovakia, Hong Kong, Laos, Federated States of Micronesia, New Caledonia, Nigeria, Palau, Saba, Singapore, Taiwan, Hungary, Mali, Moldova, New Zealand, North Macedonia, Poland, Saint Barthelemy, Sint Eustatius, at Togo.