Pamilya, delikado kaya rumesbak… ANGEL SA AFP: ITAMA N'YO ANG AKUSASYONG NPA AKO!

Pinalagan ni Angel Locsin ang pagtawag sa kanya bilang member ng New People's Army sa kanyang Instagram account kahapon.

Siya at ang kapwa niya Kapamilya star na si Liza Soberano at maging si 2018 Miss Universe Catriona Gray ay iniuugnay ng AFP sa communist group.

Suot ang pulang damit at naka-red lipstick ang larawang ipinost ni Angel sa kanyang Instagram account.

Sa caption nito ay inilabas ni Angel ang kanyang saloobin sa pag-identify sa kanya bilang NPA member.

Sa simula ng kanyang caption ay may pa-hashtag siyang #NotoRedTagging at #YesToRedLipstick with laughing emoji.

"To set the record straight, hindi po ako parte ng NPA or any terrorist group. Neither my sister nor my Kuya Neri is a part of the NPA or any terrorist group," bungad ni Angel.

Pinaninindigan daw ni Angel ang kanyang mga pinaniniwalaan. Kung taliwas man daw ang pinaniniwalaan niya sa iba, hindi ibig sabihin ay puwede na siyang tawaging NPA.

"We live in a country where our freedom to speak and express ourselves are enshrined and protected by the Constitution.

"May paniniwala ako, may paniniwala ka. At sa ilalim ng Constitution, pareho tayong mayroong karapatan sa ating mga sariling paniniwala.

"Kung magkaiba tayo, hindi ibig sabihin, puwede mo na ako i-red tag. Hindi tayo magkakalaban dito. Hindi rin ako "red". Magkaiba lang tayo ng paniniwala," esplika ni Angel.

Nanawagan si Angel sa AFP na itama ang maling paratang sa kanya.

"Tigilan na po ang red tagging. The statement made is utterly false and places ordinary citizens like us, those who they swore to protect, in danger."

Nanghinayang si Angel sa bilyong perang inilalaan ng gobyerno para sa task force na ito gayung hindi naman daw ginagampanan nang maayos ang kanilang trabaho.

"Nakakalungkot pong isipin na dito napupunta ang malaking halaga na P19.3B, sa mga paratang na walang basehan at pananakot na red tagging. Sana, ibigay na lang po sa ibang departamento ng AFP katulad ng medical reserve corps o pagtaas ng suweldo at pension ng mga sundalo natin.

"Malaking tulong din po for purchasing vaccines or other Covid response programs. Many of our country men need financial assistance. Mga OFWs na nawalan ng trabaho. Madaming mas nangangailangan ng pera ngayon. Sana, doon na lang ilaan at sana, doon ibuhos ang oras."

Sa huli, binanggit ni Angel na suportahan ang mga kapwa niya female celebrities na tinawag ding mga NPA.

"I am also appealing to everyone to express support for those being red-tagged like Liza Soberano, Catriona Gray, and all the others just because they are expressing their beliefs peacefully.

"By being vocal about my opinions and advocacies, I have always been attacked. Those I could ignore but this is a different level altogether.

"And so I have to speak up once again because this baseless and reckless red-tagging jeopardizes not only my safety, but also the safety of my sister and our family."

Dinagsa naman ng komento ng pagsuporta at paghanga kay Angel ang kanyang IG post na karamihan ay mula sa kanyang celebrity friends tulad nina Angelica Panganiban, Enchong Dee, Iza Calzado, IC Mendoza, Eula Valdez, Karen Davila, Rita Avila, Rajo Laurel, Direk Antoinette Jadaone at Anne Curtis.

"Maraming salamat sa tapang mo," comment ni Angelica.

"1oo% supporting you," post naman ni Enchong.

Say naman ni Karen, "WOW (fire emoji) fiery and empowered!"

"Supporting you Mars," ani Anne.

At siyempre, may pa-comment na suporta ang fiancè ni Angel na si Neil Arce, "Beside you all the way (with heart and kiss emoji)."

Tatlong red lips naman ang reply ni Angel kay Neil.

Samantala, sa inilabas na statement ng ABS-CBN, labis silang nababahala sa maling paratang kay Angel.

"Doing humanitarian activities and speaking one’s mind do not make one a member of a communist group.

"We believe that Angel, like any Filipino, has the right to express herself and stand for her principles without judgment.

"We support Angel as she continues to devote her time, talent, and resources to various philanthropic activities."

So, there

Ex at bagong dyowa ng anak ni Sen. Lacson… JODI AT IWA, SUPER FRIENDS NA, SUPER-HIGPIT PANG MAGYAKAP

Julie Bonifacio / Winner

Humanga ang mga netizens sa magandang relasyon nina Jodi Santamaria at Iwa Motto. Si Jodi ang ex-wife at ina ng anak ni Pampi Lacson na si Thirdy, habang si Iwa naman ang present partner ng anak ni Sen. Panfilo Lacson.

Na-witness ng mga netizens ang palitan ng comments nina Jodi at Iwa sa Instagram nu'ng June 5. Ipinost ni Jodi ang piktyur ni Thirdy na nakayuko habang busy sa paggamit ng cellphone.

Nag-emote si Jodi sa caption ng picture ni Thirdy bilang ina na nakikita ang kanyang anak na lumalaki na. Katorse-anyos na kasi ang bagets.

"The great paradox of parenting is that it moves in both slow motion and fast speed. Hello @thirdy.lacson. Huhuhu big boy ka na talagaaaaa," sey ni Jodi.

Sa comment section ay makikita ang account name na iam_iwa.

Sabi niya, "Sobrang brokenhearted ako. Bakit ang bilis!!!!"

Nag-reply naman si Jodi kay Iwa, "Huhuhu I knoooow. Akap na mahigpit sa 'ting mga parents."

Reply ni Iwa, "Sa Sunday tayo magtuos. See u."

Nag-post ng comment ang ilang netizen ng positive vibes kina Jodi at Iwa.

"Nakakatuwa kayo. This is possible pala?"

"I applaud both of y'all! It's rare to see bio moms and stepmoms that are in good terms. But when you see it, it just fills your heart with such positivity. It is indeed possible. Especially for the sake of the child/children involved. Hats-off to the both of you and of course, Mr. Lacson."

Anyway, sa recent post ni Jodi kahapon ay inimbita niya ang kanyang mga followers sa social media sa bagong channel na paglalabasan ng mga programa ng ABS-CBN.

"Mga Kapamilya, tuloy po kayo sa ating Kapamilya Channel," post ni Jodi.

Mukhang happy and excited si Jodi na mapapanood na muli ang mga Kapamilya shows sa "bagong" Kapamilya Channel.

Ang Kapamilya Channel ay mapapanood sa cable, iWant at TFC.

Serye ni Coco, It's Showtime, bagong shows nina Juday at Angel, pasok… MGA PALABAS NG ABS-CBN, S

Julie Bonifacio / Winner

Nag-react ang mga netizens sa sinabi ni Janno Gibbs kay Ogie Alcasid na sa Facebook na lang napapanood ang asawa ni Regine Velasquez, habang ang una ay nasa TV pa rin.

Pabiro man, halatang may pangungutya raw ang tinuran ni Janno kay Ogie. Eh, kasi, off-the air ang ABS-CBN ngayon pero patuloy pa rin sa pagso-show si Ogie sa online.

At tiyak na matutuwa ang mga fans ni Ogie at misis niyang si Regine dahil balik-ASAP Natin 'To na sila this month.

Ipinost ni Regine sa kanyang Instagram account ang announcement from ABS-CBN na mapapanood na muli ang mga shows nila via cable and satellite TV.

Caption ni Regine, "Mapapanood ang Kapamilya Channel sa SKY, Cablelink, G Sat, at karamihan ng cable operators na miyembro ng Philippine Cable Television Association (PCTA) sa buong bansa."

Unti-unting hinanapan ng paraan ng ABS-CBN na maihatid ang mga programa sa higit pang nakararaming nagmamahal at nasasabik sa mga paborito nilang palabas mula sa ABS-CBN.

Kasama sa mga programang mapapanood sa Kapamilya Channel ang FPJ's Ang Probinsyano ni Coco Martin. Ipagpapatuloy dito ang mga maaaksiyong pakikipagsapalaran ni Coco bilang si Cardo sa FPJ’s Ang Probinsyano.

Ipapalabas ang nakaraang sampung episodes bago ang bagong episodes.

Makakasama ring muli ng mga manonood ang mga sinundang teleseryeng Love Thy Woman at A Soldier’s Heart, pati na ang live na kulitan at musikahan sa It’s Showtime mula Lunes hanggang Sabado at sa ASAP Natin ‘To tuwing Linggo.

Hatid naman ng momshies na sina Jolina Magdangal, Melai Cantiveros at Karla Estrada ang masayang chikahan tuwing umaga sa Magandang Buhay, live mula Lunes hanggang Biyernes.

Magsisimula muli ang tagisan sa kantahan ng kabataang Pinoy sa new season ng The Voice Teens kasama ang superstar coaches na sina Apl.de.Ap, Sarah Geronimo, Bamboo at Lea Salonga.

Mapapanood din gabi-gabi ang TV Patrol para maghatid ng pinakahuling balita sa mga Pilipino. Araw-araw din ay maraming movies at classic TV shows na magbibigay ng libangan at inspirasyon.

Bukod sa mga programang tinangkilik at minahal ng mga Pinoy, may mga bagong programa rin sa Kapamilya Channel.

Tuwing Sabado, mapapanood si Judy Ann Santos-Agoncillo sa Paano Kita Mapasasalamatan at tuwing Linggo naman, makakasama si Angel Locsin sa Iba ‘Yan. Ang dalawang programang ito ay magsasalaysay ng mga kuwento at pinagdaraanan sa totoong buhay ng iba’t ibang tao.

At mula ngayong Hunyo 15, mapapanood na rin ang highest-rating cable Koreanovela na A World of Married Couple.

For sure, excited na ang mga loyal Kapamilya Network televiewers sa balitang 'to.