Barko ng ‘Pinas, binangga ng China sa WPS, U.S., ‘to-the-rescue’

ni Eli San Miguel - Trainee @News | October 23, 2023

Suportado ng United States ang Pilipinas sa insidenteng banggaan ng mga barko ng Pilipinas at Tsina sa Ayungin Shoal sa West Philippine Sea na nangyari noong Linggo, Oktubre 22.

“The United States stands with our Philippine allies in the face of the People’s Republic of China (PRC) Coast Guard and maritime militia’s dangerous and unlawful actions obstructing an October 22 Philippine resupply mission to Second Thomas [Ayungin] Shoal in the South China Sea,” sabi ng Office of the Spokesperson of the US State Department sa isang pahayag nitong Lunes, Oktubre 23.

Inakusahan ng Tsina ang mga barko ng Pilipinas na nagsimula ng mga banggaan, sinasabing sila'y naghahanap ng gulo at nagdadala ng ilegal na materyales pangkonstruksyon. Nagdulot ang insidenteng ito ng pagkundena at pag-aalala ng mga diplomatikong komunidad.

"By conducting dangerous maneuvers that caused collisions with Philippine resupply and Coast Guard ships, the [People's Republic of China] Coast Guard and maritime militia violated international law by intentionally interfering with the Philippine vessels' exercise of high seas freedom of navigation," pahayag ng US Department of State.

Ayon sa Tsina, kanilang isinagawa ang mga maniobra dahil sa alegasyon na nag-trespass ang mga barko ng Pilipinas sa Ayungin Shoal sa kabila ng paulit-ulit na babala.

Pinangangatwiranan ng Tsina ang kanilang ginawang hakbang dahil hindi raw sumusunod ang Pilipinas sa kanilang pangako na alisin ang naka-ground na BRP Sierra Madre, na tumatanggap ng mga suplay ng pagkain at materyales para sa konstruksyon mula sa mga barko ng Pilipinas. Itinanggi ng Manila na sila'y nagbigay ng ganitong pangako, at hindi rin maipakita ng Tsina ang anumang patunay na sumusuporta sa kanilang alegasyon.

Ipinahayag ng United States na bahagi ng exclusive economic zone ng Pilipinas ang Ayungin Shoal, ayon sa international law.

“The unsafe maneuvers on October 22 and the PRC water cannoning of a Philippines’ vessel on August 5 are the latest examples of provocative PRC measures in the South China Sea to enforce its expansive and unlawful maritime claims, reflecting disregard for other states lawfully operation in the region,” ayon sa isang pahayag ng US.

“The United States reaffirms that Article IV of the 1951 US-Philippines Mutual Defense Treaty extends to armed attacks on Philippine armed forces, public vessels and aircraft—including those of its Coast Guard—anywhere in the South China Sea,” dagdag pa nito.

China, naglagay ng floating barrier sa WPS, mga Pinoy 'di makatawid

ni Madel Moratillo @News | September 25, 2023

Naglagay ng floating barrier sa timog silangang bahagi ng Bajo de Masinloc shoal ang China Coast Guard.

Sa larawang ibinahagi ng Philippine Coast Guard, makikitang hindi makatawid ang mga mangingisdang Pinoy dahil sa harang.

Ang PCG at Bureau of Fisheries Aquatic Resources, mariin namang kinondena ang paglalagay ng China Coast Guard ng floating barrier.

Ayon kay Commodore Jay Tarriela, tagapagsalita ng PCG sa isyu sa West Philippine Sea, may habang 300 metro ang floating barrier na nadiskubre ng PCG at BFAR personnel na sakay ng BRP Datu Bankaw habang nagsasagawa ng maritime patrol noong September

22.

Batay umano sa kwento ng mga mangingisdang Pinoy, naglalagay ng floating barriers ang CCG tuwing may nakikitang malaking bilang ng mga Pinoy na nangingisda sa lugar.

Nagbigay naman ng ayuda ang PCG at BFAR sa mga apektadong mangingisda gaya ng grocery items pero nakaranas sila ng 15 radio challenges at tinangka silang paalisin.

China, nagdeklara na ng seafood ban sa Japan

ni Jenny Rose Albason @World News | August 27, 2023

Ipinagbawal na ng China ang pagpasok sa kanilang bansa ng mga seafoods o anumang lamang dagat na galing sa Japan.

Ang nasabing hakbang ay bilang ganti sa Japan matapos na pakawalan ang mga treated waste water ng Fukushima nuclear power plant patungo sa Pacific Ocean.

Kahit na iginiit ng Japan na ligtas ang tubig na sinang-ayunan ng maraming mga scientist, patuloy pa ring hindi pinakinggan ng China.

Magugunitang nagkaroon na ng lamat ang relasyon ng Japan at China dahil sa pagsuporta ng Japan sa U.S at Taiwan.