Cebu no.1 sa listahan ng may pinakamaraming bagong kaso ng COVID-19

ni Jasmin Joy Evangelista | January 29, 2022

Naitala sa lalawigan ng Cebu ang pinakamaraming bagong kaso ng COVID-19 nitong Biyernes, ayon sa independent analytics group OCTA Research ngayong Sabado, base sa datos mula sa Department of Health (DOH).

Ayon sa datos na ibinahagi ni OCTA Research fellow Guido David sa Twitter, nakapagtala ang Cebu nh 1,469 new COVID-19 cases nitong Biyernes.

Sinundan ito ng Davao del Sur na may 1,232 new cases, Iloilo na may 982 cases, Laguna na may 814 cases, Cavite na may 678 cases, at Benguet na may 612 cases.

Nitong Biyernes ay ini-report ng DOH na mayroong 18,638 bagong kaso ng COVID-19 sa bansa, kung saan mayroong 2,256 mula sa Metro Manila.

Kamakailan lang ay ibinaba sa moderate risk status for COVID-19 ang Metro Manila mula sa nakaraang high risk status, ayon sa DOH.

Samantala, batay sa obserbasyon ng DOH, mayroong pagtaas sa bilang ng mga bagong kasong naitatala sa mga parte ng Visayas at Mindanao, partikular sa Western at Central Visayas at maging sa Davao region.

Carcar City ng Cebu at SanVicente ng Ilocos Sur, idineklarang Heritage Zones ni P-Du30

ni Lolet Abania | January 17, 2022

Idineklara ni Pangulong Rodrigo Duterte ang Carcar City ng Cebu at San Vicente town ng Ilocos Sur bilang Heritage Zones para maprotektahan ang kanilang historical at cultural integrity.

Ito ang nakasaad sa ilalim ng Republic Act 11644 at 11645, na nilagdaan ng Pangulo na naisabatas noong Enero 14, 2022, subalit ibinaba lamang ngayong Lunes, Enero 17.

Nakapaloob dito, “The measure mandates the DOT (Department of Tourism), in coordination with the respective host local government, the NCCA (National Commission for Culture and the Arts) and its affiliated cultural agencies, and the Department of Environment and Natural Resources (DENR) to prioritize a development plan involving the preservation, conservation, restoration, and maintenance of cultural and historical sites and structures for the enhancement and sustainability of tourism in the said areas, provided that the NCCA will only approve methods and materials compliant with international standards of conservation in undertaking conservation and restoration work under relevant laws, including the National Integrated Protected Areas System Act.”

• 

• 

Isasama sa Heritage Zones ang mga cultural properties na idineklara bilang National Cultural Treasures and Important Cultural Properties, gayundin, ang mga National Historic Landmarks, Shrines, Monuments, at Sites, at gaya ng iba pang tinatawag na immovable, movable o intangible cultural properties, ito man ay pampubliko o pribadong pag-aari, na maaaring itinalagang isama rito ng NCCA at ng kanilang affiliated cultural agencies, sa koordinasyon ng naturang lokal na pamahalaan.

Samantala, itinalaga ni Pangulong Duterte si Oscar Casaysay bilang National Commission for Culture and the Arts (NCCA) executive director.

“We wish Executive Director Casaysay all the best in his new undertaking as he leads NCCA in the preservation, development, and promotion of Philippine arts and culture,” ani acting presidential spokesperson Karlo Nograles sa isang statement.

Si Casaysay ay naglingkod sa Davao City government noong mayor pa si Pangulong Duterte.

Mula Enero 2022 sa Cebu City.. ‘Di bakunado bawal sa mga establisimyento

ni Lolet Abania | December 4, 2021

Simula sa Enero 2022, ang mga indibidwal na hindi pa nabakunahan kontra-COVID-19 ay hindi papayagan sa mga indoor at outdoor na mga establisimyento sa Cebu City.

Gayunman, ang mga nasa edad 11 at pababa na kasama ang kanilang mga magulang o guardian na fully vaccinated na ang papayagan sa mga establisimyento.

Dapat namang i-require ng mga establisimyento sa mga kustomer na magpakita ng kanilang vaccination cards bago pa ang mga ito pumasok.

Ang bigong gawin ang mga panuntunang ito ang magiging basehan para ipasara ang isang establisimyento.

Nakatakdang mag-isyu ang Cebu City local government unit (LGU) ng isang executive order hinggil dito sa Disyembre 29.