Suspek sa pananaksak sa 71-anyos na Pinoy sa California, inilabas na

ni Jasmin Joy Evangelista | November 17, 2021

Inilabas na ng kapulisan sa California ang larawan ng suspek sa pananaksak sa isang Pinoy sa trolley station sa El Cajon.

Nakilala sa pamamagitan ng surveillance ang suspek na si Israel Ezekiel Valdivia, 24-anyos na isang convicted felon.

Kalalabas lamang nito sa kulungan sa ilalim ng supervision at dahil sa pangyayari ay nalabag nito ang kanyang probation condition at mayroon na siyang warrant of arrest.

Ayon sa El Cajon Police District, mapanganib ang nasabing suspek dahil ito ay armado.

Matatandaang noong Nobyembre 3 ay bigla na lamang sinaksak ng suspek ang 71-anyos na si Jose Serra kung saan nagtamo ito ng matinding sugat sa kaniyang iba’t-ibang bahagi ng katawan at nasa malubhang kalagayan.

California, nasa state of emergency sa sobrang init

ni Ronalyn Seminiano Reonico | June 19, 2021

Idineklara ang state of emergency sa California matapos maitala ang matinding init dulot ng mataas na temperatura.

Naitala ang excessive heat warning sa Arizona at California, gayundin sa southern areas ng Nevada at Utah.

Inabisuhan din ng pamahalaan ang mga residente na manatili lamang sa air-conditioned areas dahil inaasahang mananatili sa 100-110F (37-43C) ang temperatura hanggang sa Linggo.

Samantala, epektibo ang naturang state of emergency hanggang sa Linggo, ayon kay Governor Gavin Newsom.