2 Tulak sa Bulacan, nanlaban, patay

ni Mary Gutierrez Almirañez | April 7, 2021

Dalawang tulak ang patay matapos umanong manlaban sa ikinasang dalawang magkahiwalay na buy-bust operation ng mga awtoridad sa Marilao, Bulacan nitong Abril 1 at 6.

Batay sa Bulacan Police Provincial Office, kinilala ang unang suspek na si Dominador Donia alyas Junior. Nakipagtransaksiyon ito sa mga pulis sa Bgy. Ibayo kahapon nang hatinggabi.

Nang makakutob ay nagsimula itong magpaputok ng baril upang patamaan ang mga aarestong pulis.

Matapos ang putukan ay narekober sa crime scene ang isang caliber .38 na baril at 6 na sachets ng hinihinalang shabu.

Samantala, kabilang din ang wanted na si Jinggoy San Luis sa napatay matapos makabarilan ang mga pulis sa isinagawang operasyon sa Bgy. Abangan Norte nitong Huwebes Santo nang madaling-araw.

P13.6 M halaga ng shabu nakumpiska, 1 arestado

ni Lolet Abania | March 24, 2021

Timbog ang isang notorious drug suspect matapos na makuhanan ng P13.6 milyong halaga ng hinihinalang ilegal na droga sa buy-bust operation ng pinagsanib na puwersa ng Special Operations Unit, Philippine National Police Drug Enforcement Group at Agency, Provincial Intelligence Branch Laguna Police Provincial Office at San Pedro City PS kagabi.

Kinilala ni PNP OIC Lt. Gen. Guillermo Eleazar ang inarestong suspek na si Eddarfeel Baloni Sakilan alyas Kalbo, 42-anyos, taga-Maguindanao, residente ng St. Joseph Village, San Pedro, Laguna.

Naaresto si Sakilan ng mga operatiba ng SOU 3, PDEG sa pamumuno ni PLT Jonathan Sosongco, PDEA 4A, PIB Laguna PPO at San Pedro City Police Station.

Nakumpiska kay Sakilan ang nasa 2 kilo ng hinihinalang shabu na may market value na P13.6 milyon, isang kotse, isang cellphone at P2,000 cash, kung saan ang suspek ay kilalang notorious drug courier na nag-o-operate sa Region 3, NCR, Region 4A at Mindanao area.

Ayon kay Eleazar, ang mga nasabing droga ay galing sa isang Chinese na nakipagtransaksiyon sa suspek at iba pang drug group gamit ang international number mula sa Hong Kong.

Sinabi pa ni Eleazar na ang kanilang grupo ay binubuo ng Filipino-Muslim at Chinese nationals. Modus ng mga ito na gumamit ng iba’t ibang sasakyan para sa kanilang illegal drug transaction.

Sa tulong ng confidential informant, napasok ng isang kawani ng PNP DEG ang nasabing drug syndicate habang nabunyag naman ang kanilang isinasagawang transaksiyon ng ilegal na droga. Nahaharap sa kasong paglabag sa Section 5 at 11, Article II of Republic Act 9165 ang suspek.

P6.8 milyon ng shabu, nasabat sa 2 tulak sa Lanao del Norte

ni Mary Gutierrez Almirañez | March 14, 2021

Nagsanib-puwersa ang Philippine Drug Enforcement Agency-Northern Mindanao, National Bureau of Investigation (NBI) at mga pulis sa isinagawang buy-bust operations sa bayan ng Pantar, Lanao del Norte kung saan nasabat ang mahigit P6.8 milyong halaga ng shabu mula sa dalawang tulak kaninang umaga, Marso 14.

Ayon sa ulat, ang suspek ay isang lalaki na hinihinalang internally-displaced person mula sa Marawi siege at isang 21-anyos na babaeng estudyante.

Kilala umano ang mga ito bilang batikan sa pagbebenta ng droga sa nasabing lugar.

Kaugnay nito, nasabat din ang 10 gramo ng shabu na nagkakahalaga ng P68,000 sa hiwalay na operasyon sa Barangay Hinaplonan sa Iligan City kung saan anim ang inaresto. Kasong paglabag sa Comprehensive Dangerous Drugs Act of 2002 ang haharapin ng mga suspek.