SSS: Loan moratorium, penalty condonation, pinag-aaralan na

ni Madel Moratillo @News | March 30, 2025

Photo: File / SSS

Pinag-aaralan na ng Social Security System (SSS) na magpatupad ng loan moratorium sa mga miyembro nito habang condonation program naman sa employers.

Ito ay bilang bahagi ng kanilang relief measures sa gitna ng oil crisis at epekto nito.

Ayon kay SSS President Robert Joseph de Claro, nauunawaan nila ang kasalukuyang sitwasyon at hirap na nararanasan ng mga miyembro nila at employers.

“We are expediting internal reviews and consultations with stakeholders to roll out these support initiatives as swiftly as possible, while safeguarding the long-term sustainability of the SSS fund,” pahayag ni De Claro.

Pinag-aaralan rin aniya ng SSS ang mga opsyon para palawakin ang deadline sa pagbabayad ng kontribusyon.

“The SSS is also actively pursuing digital initiatives to simplify administrative and implementation processes to reduce compliance burden and ensure the timely delivery of relief measures and services,” pahayag pa ng opisyal.

Sa oras na maisapinal, iaanunsyo na lang umano ng SSS ang napagkasunduan.

Giyera sa Middle East... Presyo ng gamot at pagpapaospital, sapul — DOH

ni Madel Moratillo @Business | March 26, 2025

Photo Department of Health

Nagbabala si Health Secretary Ted Herbosa sa posibilidad ng pagtaas ng halaga ng gamot at pagpapaospital sa bansa kasundo ng patuloy na tensyon sa Gitnang Silangan.

Tiniyak naman ni Herbosa ang mahigpit na monitoring ng Department of Health (DOH) sa kasalukuyang sitwasyon at posibilidad ng problema sa delivery ng mga imported na gamot at iba pang medical supply.

Kung mangyayari ito, puwede aniyang magkaroon ng shortage.

Paglilinaw ng kalihim, sa ngayon, wala pang shortage ng gamot at medical supplies.

Maaga lang aniya silang kumikilos para maiwasan ang paglaki ng krisis.

Kaya ang DOH, naglatag na rin aniya ng emergency preparedness measures kabilang ang pagsuri sa kanilang inventory at tiyakin ang sapat na stock ng gamot at medical supplies.

Babala ng DA... Dagdag presyo sa bigas, karne

ni Mai Ancheta @News | March 26, 2026

Photo: File / DA

Namimiligrong tumaas ang presyo ng bigas mula P45 hanggang P70 kada kilo kung magpapatuloy ang mataas na presyo ng langis dahil sa nagpapatuloy na tensyon sa Gitnang Silangan.

Ito ang inihayag ni Agriculture Secretary Francisco P. Tiu Laurel, Jr. dahil sa matinding epekto ng mataas na presyo ng gasolina sa produksyon, fertilizer at logistics.

Kapag umabot sa USD200 kada bariles ang presyo ng crude oil, posibleng tumaas ang presyo ng manok mula P200 hanggang P324.64 per kilo, habang ang liempo at pigue ay maglalaro sa P350-P370 o posibleng umabot pa ng P588.10 per kilo.

Dahil dito, sinabi ni Tiu Laurel na palalakasin ang price monitoring, targeted food assistance, pagpapalabas ng mga reserbang bigas at ang posibilidad na pagtatakda ng price cap sa mga imported na bigas.

Bilang tulong sa magsasaka at mangingisda, sinabi ni Tiu Laurel na ilalarga nila ang pamimigay ng fuel subsidies at bawasan ang paggamit ng biofertilizers at isusulong ang mga alternatibo tulad ng organic fertilizers.