Mount Pinatubo, nag-alburoto — PHIVOLCS

ni Lolet Abania | November 30, 2021

Kinumpirma ng Philippine Institute of Volcanology and Seismology (PHIVOLCS) na nagkaroon ng isang phreatic eruption o pagsabog ang Mount Pinatubo ngayong Martes ng hapon.

Unang nai-report ng ahensiya ang pagkaroon ng seismic at infrasound signals ng bahagyang pagsabog ng bulkan.

“Based on visual reports of an eruption plume and seismic, infrasound and satellite detection, DOST-PHIVOLCS confirms that a phreatic eruption occurred at Pinatubo Crater between 12:09 and 12:13PM,” ayon sa PHIVOLCS hinggil sa latest update sa nasabing bulkan.

Sa inilabas na advisory ng PHIVOLCS, nakumpirmang ang phreatic eruption ay nangyari matapos ang mga ginawang aktibidad ng mga militar sa lugar.

“The event was also confirmed to have occurred after ordnance disposal activities by the AFP (Armed Forces of the Philippines), which has no relation to the condition of the volcano, on the northern flanks of Pinatubo conducted prior noon today,” paliwanag ng PHIVOLCS.

Gayunman, sinabi ng PHIVOLCS na wala namang report na pagkakaroon ng ashfall mula sa mga komunidad na malapit sa lugar.

“So far, there [have] been no reports of ashfall from communities of Zambales over which the eruption plume dispersed,” sabi ng ahensiya.

“Considering that there has been very low seismic activity in the volcano in the past days and low diffuse volcanic CO2 flux measured at Pinatubo Crater Lake, and high infrasound over seismic energy released by the eruption, the event was likely driven by shallow hydrothermal processes beneath the edifice,” pahayag ng PHIVOLCS.

Panawagan naman ng PHIVOLCS na iwasan muna ang mag-travel sa loob ng bisinidad ng Mount Pinatubo.

Pinayuhan na rin ng ahensiya ang local government units na ipagbawal ang pagpasok ng sinuman sa paligid ng Pinatubo Crater, anila “as shallow phreatic or hydrothermal explosions may occur again without warning.”

Gayundin, paalala ng PHIVOLCS sa mga komunidad at LGUs na naninirahan malapit sa paligid ng bulkan na maghanda sa posibleng paglindol at volcanic hazards.

Mt. Pinatubo, alert level 1, Taal alert level 2 naman

ni Mary Gutierrez Almirañez | May 18, 2021

Itinaas sa Alert Level 1 ang Bulkang Pinatubo matapos itong makapagtala ng 5 volcanic earthquakes sa nakalipas na 24 oras, ayon sa Philippine Institute of Volcanology and Seismology (PHIVOLCS) ngayong umaga, May 18.

Paliwanag pa ng PHIVOLCS, “Ang Alert Level 1 ay kasalukuyang nakataas sa Pinatubo Volcano. Ito ay nangangahulugang mayroong bahagyang pagligalig na maaaring dulot ng tectonic na kaganapan sa ilalim ng bulkan at hindi naman namamataan ang pagputok nito sa nalalapit na panahon.”

Paalala naman nila, “Ang mga pamayanan at lokal na pamahalaan sa paligid ng Pinatubo ay pinaaalalahanan na laging maging handa laban sa mga panganib ng lindol at pagputok ng bulkan at muling suriin, ihanda at pagtibayin ang kanilang contingency, emergency at iba pang planong paghahanda laban sa sakuna.”

Samantala, nananatili naman sa Alert Level 2 ang Bulkang Taal, kung saan naitala ang 288 volcanic earthquakes at 249 volcanic tremors sa nakalipas na 24 oras.

Sa ngayon ay patuloy na nagbabantay ang PHIVOLCS sa kalagayan ng mga bulkan at kung may pagbabago sa kondisyon nito ay tiniyak nila na kaagad iyong ipararating sa kinauukulan at publiko.