ni Beth Gelena @Bulgary | February 14, 2026
Photo: Jericho Rosales at Kim Chiu - It's Showtime YT
Nilinaw ni Jericho Rosales ang nangyaring isyu sa kanila ni Kim Chiu nang mag-guest siya sa It’s Showtime (IS) recently kung saan isa sa mga co-hosts ang Chinita Princess.
Nag-reach out daw si Jericho kay Kim via text at tanong niya: “Hi, Kim! What’s happening? Why is this happening? I don’t know, but are you okay? Is there something that made you feel uncomfortable?”
Sagot naman ni Kim, “Wala naman. All is well,” at nagbigay pa siya ng congratulatory message para sa bagong movie ng aktor.
Ang komento ng mga KimPau fans…
“It is too late to say sorry because it was already done intentionally.”
“Sige na lang, at least ay nag-sorry s’ya. Na-accept n’ya na he’s at fault. Pero si Kim, mabait ‘yan. Mapagkumbaba ‘yang bata, saludo ako sa kanya. She is a good model to our young people. God bless, Kim. Basta Bisaya, mga boutan jud na. (talagang mabait).”
Iba pang sey ng mga Marites…
“Hahaha! Kung totoo ‘yan kasi, natakot iboykot.”
“Hay, naku! Sinadya mo ‘yan, Jericho! Kitang-kita on national TV. Dapat ang Star Magic, may action dito. Calling Direk Lauren Dyogi.”
“Kung bakit kay Kim naisipang gawin ‘yan, maraming nagmamahal at humahanga sa kanya. At malakas s’ya sa itaas, ‘di kaya i-down si Kim kahit na sino.
“At ‘di rin kontrol ni Kim ang feeling ng mga fans n’ya. ‘Yung iba, ‘di n’ya kilala. Nakita ang ginawa n’ya sa social media, so ‘di n’ya kasalanan kung na-bash si Jericho.”
Anyway, the damage has been done na nga, pero siguro, stop na rin ang mga faney dahil nag-sorry naman na ang aktor.
Kung hindi matanggap ng mga fans ang paghingi ng paumanhin ni Jericho Rosales, well, enough na to judge.
Ang importante, nag-reach out na ang aktor sa publiko.
‘Yun lang!
IBINAHAGI ng aktres na si Nadine Lustre ang plano niya ngayong Valentine’s Day. Aniya, mag-isa lang siyang magdiriwang ng Araw ng mga Puso dahil wala ang kanyang kasintahang si Christophe Bariou.
Ibinahagi ng aktres na maaga nilang ipinagdiwang ang espesyal na araw dahil meron silang ‘date sa trabaho’.
Ani pa ni Nadine, hindi kailangang mahigpit na sundin ang petsa, lalo na kapag hindi magkatugma ang iskedyul.
Bukod sa pagtalakay sa kanyang mga plano para sa Araw ng mga Puso,
ipinapakita ng aktres na ayos lang ang magdiwang nang mag-isa o mag-ayos ng mga plano ang mga babae.
Ganern?!
SINAGOT ni Anne Curtis sa maayos na paraan ang akusasyon sa kanya na masama umano ang pag-uugali niya at nagsisinungaling nang sabihing hindi totoo ang sinabi niyang “I can buy you, your friends, and this club!”
Ani ng isang netizen, “So are you now claiming that JR Isaac, one of the three people you slapped, including John Lloyd Cruz — was lying @annecurtissmith? Pretty and tisay privilege is real. If it were another celebrity who did that, she would be forever labeled palengkera, squammy, and classless.”
Ang sagot ni Anne, “Hi! Not completely… Some of what he said was true and years ago, I owned up to it, apologized to those involved (and also received an apology back), but most importantly, I learned my lesson from it. I’m just talking about the famous line and what my friends told me.
“But you know what? It all happened ages ago and all those involved are on good terms, so it doesn’t matter anyway. But anyway, the line is so iconic, so I’ll just own it. Kaya okey lang na sabihin n’yo na paulit-ulit na sinabi ko. Okey na. Excuse my typos.”
Reaksiyon ng mga Marites…
“Medyo mayabang pala si Anne.”
“‘Di naman. But I agree na s’ya ang best example ng pretty privilege. Kung ibang female star ‘yan, matagal nang cancelled.”
“I wish Anne acknowledged her pretty privilege. Totoo naman, eh. ‘Pag s’ya, ang bilis patawarin ng mga tao. Imagine, ikaw ‘yung isa na sinampal, minura, dinuru-duro ni Anne sa party, napahiya ka, then malalaman mo na ginawang laughtrip na lang.”
“Lasing daw si Anne nu’ng time na ‘yun at nagkaayos na silang involved, so para saan pa ang tanong?”
“Oks na mayabang kesa plastik. Sa estado ng buhay ni Anne ngayon, karapatan naman n’ya ang magyabang kasi may n-rate naman s’ya kesa sa iba.”
“Hoy, ano ba kayo?! Tagal na ng issue na ‘yan. Mga panahon carefree pa si Anne. Napag-uusapan na lang, pero akala n’yo, kagabi lang nangyari kung maka-bash kayo. Move on, move on din, mga kapwa ko Marites. ‘Pag may time, don’t dwell on the past mga katsismisan, okey.”
Oo nga naman, iba na ang panahon ngayon. Bakit inuungkat pa ang nakalipas? Wala na kasi silang mai-bash sa isang Anne Curtis.
