Sumampa na sa 2024 Olympics si Paalam

ni Gerard Arce @Sports | June 1, 2024

File photo: Carlo Paalam

Magpapaalam na sa second Olympic Qualifying Tournament si Tokyo Games silver medallist Carlo Paalam dahil magtutungo na ito sa 2024 Paris Olympics matapos masuntok ang isang silya matapos higitan si Sachin Siwach ng India sa bisa ng 5-0 unanimous decisio, Sabado ng gabi sa Hua Mak Indoor Stadium sa Bangkok, Thailand.

Naungusan ng two-time Southeast Asian Games champion ang 2019 South Asian Games at 2017 Commonwealth Youth Games titlist sa lahat ng limang hurado na bumanat ng husto pagdating sa ikatlong round upang sapat na mapaniwala ang mga ito tungo sa ikalawang sunod na suntok sa Summer Olympics.

Matagumpay na nakamit ni Paalam ang panalo sa quarterfinals laban kay Jose De Los Santos ng Dominican Republic sa iskor na 5-0 nitong nagdaang Biyernes upang lumapit sa tsansang makaka-usad sa Olympics, kung saan papasok lamang ang dalawang finalists, habang maglalaban ang dalawang talunan sa semifinals para sa huling pwesto.

Tangkang mahabol ang nalalabing tatlong pwesto para sa Paris Olympics sa men’s bantamweight upang masigurong makaka-usad sa Olympics, na naunang dinaig si Alexei Lagkazasvili ng Greece sa bisa ng 5-0 sa Round-of-64, habang nakabawi naman ito kay Shukur Ovezov ng Turkemnistan ng dominahin ang laban sa Round-of-32 sa 5-0 unanimous decision at natakasan 2018 Jakarta-Palembang Asian Games bronze medalists ang kanyang diskarte sa laban kay Arthur Bazeyan ng Armenia sa 4-1 split decision.

Makakasama ng 25-anyos mula Talakag, Bukidnon ang dalawang naunang Pinay boxers na sina Tokyo silver medalists Nesty Petecio sa women’s featherweight division at Aira Villegas sa women’s flyweight na nakakuha ng silya sa Paris Games, kasama si Olympic bronze medalist Eumir Felix Marcial sa men’s 80kgs ng umabante ito sa Finals ng 19th Asian Games sa Hangzhou, China.

Isang panalo na lamang ang kinakailangan ni Hergie Bacyadan sa women’s under-75kgs middleweight division matapos matakasan si Hungarian Veronica Nakota sa iskor na 3-2 split decision sa Round-of-16 para makatapat sa quarterfinals si Maryelis Yriza ng Venezuela. 

Pacio kay Brooks: "Patutunayan ko kung sino ang astigin"

ni MC - @Sports | May 7, 2022

Napanood pa ni ONE Strawweight World Champion Joshua “The Passion” Pacio ang bakbakan sa pagitan nina Bokang “Little Giant” Masunyane at Jarred “The Monkey God” Brooks sa ONE 156 noong nakaraang buwan. Dito niya malalaman kung sino ang next challenger sa korona.

Pagdating sa huli, nakasampa si Brooks sa susunod na pagsubok at maging ONE World Champion nang iligpit si Masunyane sa first round – hindi pa naman iyon ang resulta na inaasahan ni Pacio.

“I expected a unanimous decision win by Brooks, but he displayed his wrestling and grappling prowess. I must say, I’m very impressed,” saad ng Team Lakay mainstay.

“Bokang is equally a fine wrestler, and I think he wants to prove that, but Brooks was very slick taking his back.”

Habang hawak na ng 26-anyos na titleholder ang momentum dahil sa ginawang submission game ni Brooks, atat na rin ang Pinoy na pumasok muli sa Circle upang harapin ang katunggaling may 3-0 record sa ONE.

“Any time soon,” ayon sa Baguio City-based fighter. “I’m ready to go.”

Higit pang aanghang ang balitaktakan sa magkabilang panig nina Pacio at Michigan-based competitor kapag malapit na ang kanilang bakbakan. Ayon sa current division king, bahagi lang ng palabas ang lahat ng ito at hindi siya padadaig sa mga satsat ni Brooks.

“I think I have a fair idea about this sport’s business side, and I’ve seen a lot of guys like him talk to market themselves, so I understand what he’s playing,” ani Pacio. “As for me, I’m just focused on my training and our game plan. I’m just happy he talks a lot and doing all that hype.”

Pero maangas ang Mash Fight Team representative dahil sa hawak na tatlong panalo sa ONE Championship. Isa rito ay nang talunin ang teammate ni Pacio na si Lito “Thunder Kid” Adiwang.

Casimero, tinanggalan ng korona ng WBO

ni GA - @Sports | May 5, 2022

Ipinag-utos ng World Boxing Organization na tanggalan ng World bantamweight title ang Filipinong si John Riel “Quadro Alas” Casimero kasunod ng rekomendasyon ng Championship Committee hinggil sa pagpalyang madepensahan ang korona laban sa mandatory challenger na si Paul “Baby-Faced Assassin” Butler ng Inglatera nang dalawang beses.

Ayon sa inilabas na kautusan ng WBO Headquarters nitong Miyerkules, inirekomenda ng WBO World Championship Committee na pormal nang tanggalan ng World title belt si Casimero upang ibigay sa bagong nagmamay-ari nito na dating interim champion na si Butler bilang bagong kampeon ng WBO 118-pound.

“Now, to resolve the issue in question, we must enforce a straight-forward approach. Simply put, determined whether Casimero failed to comply with the WBO Regulations of World Championship Contests pursuant to the provisions contained in this Committee’s “Resolution.” This Committee is of the position that the conditions outlined in the “Resolution” are crystal clear. The relevant provision triggered upon the British Boxing Board of Control’s ruling prohibiting Casimero to participate in his second scheduled WBO championship bout. Wherefore, Casimero was unavailable and consequently, failed to comply as ordered by this Committee,” nakasaad sa resolusyong inilabas ng WBO na may pirma ni WBO Championship Committee Chairman Luis Batista Salas.

“The Committee unanimously recommended to the WBO Executive Committee to strip John Riel Casimero’s WBO World Bantamweight Championship Title for failure to comply with the conditions set forth in its “Resolution.”

Ito na ang ikalawang beses na nabigong madepensahan ni Casimero ang titulo na unang dapat nangyari noong Disyembre 2021 sa Coca Cola Arena sa Dubai, UAE, ngunit hindi sumipot ang 32-anyos mula Ormoc, Leyte sa weigh-in dahil sa pagkakaroon umano ng ‘gastritis’ na nagresulta sa pagkakaospital umano nito. Nabigyan ng tsansa ang kampo ni Casimero na magpaliwanag ng WBO at kinatigan ito, sa usapang idedepensa niyang muli ang titulo laban kay Butler sa mismong lugar nito sa Liverpool, England.