Mahigit 100,000 mag-aaral at tutors, naging benepisyaryo ng ‘Tara, Basa’ program ng administrasyong Marcos

by Philippine Information Agency (PIA) @Info | Jan. 10, 2025

Sa ilalim ng pamamahala ni Pangulong Ferdinand R. Marcos Jr., lahat ng bata ay mabibigyan ng edukasyon sa pagbabasa handog ng programang Tara Basa na pinangungunahan ni Kalihim Rex Gatchalian ng Department of Social Welfare and Development. (Larawan mula sa sipi ng PCO)

Patuloy na itinataguyod ni Pangulong Ferdinand R. Marcos Jr. ang adhikain ng pamahalaan na mapataas pa ang global literacy standing nito, partikular na sa kakayahan sa pagbasa at pag-unawa ng mga mag-aaral.

Sa ilalim ng pamumuno ng Pangulo, ang “Tara, Basa! Tutoring Program” ng Department of Social Welfare and Development (DSWD), isa sa mga pangunahing programa ng pamahalaan sa pamamagitan ng Executive Order No. 76, series 2024, ay nakapagbigay ng benepisyo sa humigit-kumulang 99,103 mag-aaral, 15,003 tutors, at 3,520 youth development workers (YDWs) simula noong 2023.

Noong 2024, ang Tara, Basa! program ay nagbigay-tulong sa 62,418 mag-aaral, 8,174 tutors, at 2,434 YDWs sa loob lamang ng isang taon.

Sa pakikipagtulungan sa mga local government units (LGUs), ang Tara, Basa! ay kasalukuyang ipinatutupad sa National Capital Region, Central Luzon, Central Visayas, Eastern Visayas, Northern Mindanao, SOCCSKSARGEN, at CALABARZON.

Ibinahagi ni Social Welfare and Development Secretary Rex Gatchalian kay Pangulong Marcos na ang pinaigting na Tara, Basa! ng DSWD ay nakapagpataas ng partisipasyon ng mga mag-aaral sa kolehiyo sa pagpapaunlad ng bansa. Batay sa pagsusuri ng programa, sa 6,829 tutors na sumailalim sa pagsasanay, 80 porsyento o 5,487 indibidwal ang aktibong nakikibahagi sa programa habang nagpapatuloy ng kanilang pag-aaral sa kolehiyo.

Sa paunang pagsusuri nito, nakita rin ng programa ang 5.5 porsyentong pagtaas sa bilang ng mga mag-aaral sa elementarya na mas mahusay nang bumasa batay sa kanilang antas. Ang bilang ay tumaas mula 13,933 hanggang 14,700 noong 2023, ayon sa comprehensive rapid literacy assessment (CRLA).

Sa kabilang banda, ipinakita ng pinakabagong ulat ng DSWD ang malaking pagtaas sa reading scores ng mga mag-aaral na sumailalim sa programa, na may average na pagtaas na 15 porsyento sa reading comprehension.

Ito ay nangangahulugan na libo-libong mag-aaral ngayon ang may mas higit na kakayanang magtagumpay sa kanilang pag-aaral at sa iba pang larangan.

Inilunsad noong Agosto 2023 at pinalawak noong 2024, ang programa ay higit pang

palalawigin sa 11 rehiyon sa taong 2025.

Sa pamamagitan ng EO 76, inatasan ng Pangulo ang DSWD na makipagtulungan sa

Department of Education (DepEd), Commission on Higher Education (CHED), National Youth Commission (NYC), state universities and colleges (SUCs), LGUs, at iba pang kaugnay na ahensya ng national government at stakeholders upang matagumpay na maipatupad at mapalawak ang programa.

Ayon kay Secretary Gatchalian, ang tutoring program ay may dalawang benepisyo. Nagbibigay ito ng kakayahan sa mga mahihirap na mag-aaral ng state colleges na makatulong sa pagpapaunlad ng bansa, habang tinutulungan silang maipagpatuloy ang kanilang pag-aaral sa kolehiyo.

“Nagpapasalamat kami kay Pangulong Ferdinand R. Marcos Jr. sa pagkilala sa educational assistance program na inisyatibo ni DSWD Secretary Rex Gatchalian. Ikinararangal naming pangunahan ang inisyatibong ito na naglalayong suportahan ang mga mag-aaral at pamilyang may low-income,” dagdag ni Assistant Secretary Irene Dumlao.

Collaborative learning program

Tiniyak ng Pangulo ang suporta ng national government agencies (NGAs) at mga

lokal na pamahalaan sa programa ng DSWD na Tara, Basa!, habang hinihikayat ang pribadong sektor na makipagtulungan sa pampublikong sektor upang magtatag ng “isang kolaboratibong programa sa pag-aaral na naglalayong magbigay ng oportunidad sa edukasyon sa mga mag-aaral sa elementarya.”

Ang Tara, Basa! ay nagbibigay din ng proteksyong panlipunan sa mga mahihirap na

mag-aaral sa kolehiyo, habang tinutugunan ang mga suliranin sa pagtigil sa pag-aaral sa antas tersyarya at illiteracy sa mga mag-aaral ng pampublikong elementarya. Kinilala ang Tara, Basa! bilang makabagong pamamaraan sa pagtulong sa mga batang mag-aaral na nahihirapang bumasa.

Nilagdaan nina Kalihim Rex Gatchalian ng DSWD at Kalihim Sonny An Nilagdaan nina Kalihim Rex Gatchalian ng DSWD at Kalihim Sonny Angara ng DepEd ang Memorandum of Agreement noong ika-20 ng De gara ng DepEd ang Memorandum of Agreement noong ika-20 ng Desyembre 2024 upang ipagpatuloy ng DSWD ang Tara, Basa Tutoring

Program para sa taong 2025. (Lawaran mula kay DSWD Usec. Edu Punay)

Ang tagumpay ng programa ay naisasakatuparan sa pamamagitan ng community based approach nito, na mahigit 8,000 student-tutors at mahigit 2,000 YDWs mula

sa low-income families ang sinanay at ipinadala sa mga paaralang elementarya. Ang kanilang tungkulin ay nakatuon sa pagpapabuti ng kakayahan sa pagbasa ng mga mag-aaral at pagsasagawa ng “Nanay-Tatay” teacher sessions para sa mga magulang ng mga mag-aaral sa Grade 2 na nahihirapang bumasa.

Ang mga student-tutor na ito ay nagsisilbing mga tagapayo, kaibigan, at gabay. Dahil sa programa, nagkaroon sila ng malalim na ugnayan sa kanilang mga tinuturuan at nakapanghikayat ng higit pang kawilihan sa pag-aaral.

Patotoo ng mga Magulang

Nagpasalamat kay Pangulong Marcos at kay Secretary Gatchalian si Orlando Oroszo, magulang ng mag-aaral sa Manuel L. Quezon Elementary School, dahil naging bahagi ang kanyang mga anak sa programa ng Tara, Basa!

“Nagpapasalamat po ako dahil malaking tulong sa akin at sa mga anak ko ang programa. Natuto silang magbasa kahit sa konting panahon. Ngayon po, ‘yung anak ko na ang nagtuturo sa kapatid niya sa pagbabasa. Kaya po sana, maipagpatuloy n’yo na tulungan ‘yung mga nahihirapang mag-tutor sa kanilang mga anak tulad ko na isang solo parent,” ani Orosco.

“Malaki ang naitulong ng programang ito sa aming sariling paglago at kinabukasan,”

ayon naman kay Querubin Ruiz Timogan, isang tutor at 4th-year BS Education student.

Ipinapamalas ng isang tutor at youth development worker ang kanyang pagiging malikhain at epektibong pamamaraan sa pamamagitan ng pagpapaunlad ng makabagong estratihiya sa pagtuturo at paggamit ng teknolohiyang-pangkomunikasyon upang mapabuti ang pagtuturo sa mga mag-aaral. (Larawan mula sa pahina ng DSWD Tara Basa sa Facebook)

Naniniwala si Querubin, tutor sa pilot implementation program noong 2024, na magiging mahalaga ang karanasang ito sa kanyang hinaharap na propesyon bilang isang guro.

“Napakaalwan po nito para sa amin lalo na kung ikukumpara sa dati,” ani Ayeen Jharifa Dirampaten Alip, isang mag-aaral ng Mindanao State University.

Sayang hatid ng Tara, Basa!

Ibinahagi ni Eliza Gaye Ruivivar, isang tutor mula sa City College of San Jose del Monte, ang kanyang masayang karanasan sa programa. Nagpahayag siya ng labis na kasiyahan sa tuwing nagpapasalamat sa kanya ang kanyang mga estudyante.

“Walang katumbas na halaga ang marinig na nakatulong ka sa pagkatuto ng isang tao,” dagdag ni Eliza. “Napakasaya sa pakiramdam na makita ang aking mga estudyante na nagsasabing nakakabasa na sila dahil sa akin.”

Samantala, si Rommel Aban na isang dating YDW ay nagpasyang ipagpatuloy ang

kanyang serbisyo-publiko sa pamamagitan ng pakikipagtulungan sa DSWD.

Noong 2023, nagsilbi si Rommel bilang YDW sa pamamagitan ng pagsasagawa ng

“Nanay-Tatay” sessions na nakatuon sa pagpapabuti ng kasanayan sa pagiging magulang, pagbibigay-diin sa kahalagahan ng edukasyon, at paghikayat sa mga bata na ipagpatuloy ang kanilang pag-aaral.

Ang komprehensibong pamamaraang ito ay naniniwalang ang literacy ay hindi lamang

natututunan sa silid-aralan, kundi maging sa loob ng tahanan katuwang ang mga magulang.

“Bago ang ‘Tara, Basa!’, nag-aalala ako sa pagbabasa ng aking anak,” ani Gina Jambo Guerrera, isang magulang mula sa Lingunan Elementary School sa Valenzuela City. “Nahihirapan siyang makasabay sa mga kaklase niya at wala akong magawa. Pero nagbago ang lahat dahil sa ‘Nanay-Tatay’ sessions. Natutunan ko kung paano ko siya tutulungang mag-aral sa bahay, at ngayon ay mas kumpiyansa na siyang bumasa.”

Bagong NAIA, simbolo ng modernisasyon sa ilalim ng pamumuno ni Pangulong Marcos

by People's Television Network, Inc (PTNI) @Info | Jan. 9, 2025

Personal na lumibot si Pangulong Ferdinand R. Marcos Jr. sa kasalukuyang pasilidad ng NAIA. 

Ang matagumpay na pagsasapribado ng Ninoy Aquino International Airport (NAIA) ay patunay ng epektibong pamumuhunan ng pamahalaan sa imprastruktura sa ilalim ng administrasyon ng Pangulong Ferdinand R. Marcos Jr. 

Sa kasalukuyan, ang NAIA ay unti-unting nakikilala sa maayos at mahusay na pamamalakad ng paliparan, malayo sa una nitong naging imahe ng katiwalian at kawalang-kaayusan. 

Isang holiday traveler kamakailan ang nakaranas ng mabilis na airport processing na tumagal lamang ng 30 minuto mula sa curbside ng paliparan hanggang sa boarding gate ng NAIA Terminal 3 - taliwas sa mga dating mahahabang pila at mga luma nitong pasilidad. Ang mga pagbabagong ito ay resulta ng dedikasyon ng Pangulong Marcos na gawing moderno ang 76-taong gulang na paliparan. 

Ang transpormasyong ito ay bunga ng pasya ng Pangulo na ipagkatiwala ang rehabilitasyon at pamamahala ng pambansang paliparan sa ilalim ng New NAIA Infrastructure Corporation (NNIC), isang konsorsyum sa pamumuno ng San Miguel Corporation. Sa loob lamang ng tatlong buwan, ang Public-Private Partnership (PPP) project ay nagdulot ng mas maayos na proseso, pagkabawas ng pagsisikip ng mga pasahero, at mas maginhawang paglalakbay. 

"Ito ang pagbabagong pinapangarap natin para sa bawat manlalakbay na Pilipino," ani Pangulong Marcos. "Layunin natin na gawing maayos at maginhawa ang bawat paglalakbay ng Pilipino na sumasalamin sa isang bansang may malasakit at dedikasyon sa lahat niyang mamamayan." 

Sa Terminal 3 ng NAIA, makikita ang malaking pagbabago, mula sa check-in hanggang sa immigra- tion at security checks. Ang pinaigting na seguridad at mas maayos na proseso ay nagbawas sa oras ng paghihintay at nagbigay ng mas magandang karanasan sa mga pasahero. Ilan sa mga pangunahing pagbabago ay ang paglalagay ng baggage screening bago ang immigration counters at paglalagay ng biometric "fly-to-gate" systems na nagpabilis pa sa daloy ng mga manlalakbay. Ang resulta ay mas komportableng karanasan, malayo sa mga dating problema ng paliraparan tulad ng pagsisikip ng mga pasahero. 

Mga Makabuluhang Pagbabago 

Mula nang maipailalim pamamahala ng NNIC ang paliparan noong Setyembre 2024, malaki ang naitulong ng mga bagong sistema sa pagpapabilis ng daloy ng mga pasahero. Ang karagdagang lanes sa arrival areas at pinalawak na curbside ay nagpabilis sa daloy ng mga sasakyan. Ang curbside lanes sa mga terminal ay planong palawakin pa. Ang Terminal 1 ay magkakaroon ng walong lanes mula sa tatlong lanes nito; ang Terminal 2 ay magiging walo mula sa apat; at ang Terminal 3 ay magkakaroon ng labindalawa mula sa walong lanes. 

"Malaki ang naitulong ng ating mga concessionaire kung ikukumpara sa ating naging karanasan noong Disyembre 2023," ani Sec. Jaime J. Bautista ng Department of Transportation sa kanyang isinagawang inspeksyon sa paliparan apat na araw bago ang pagdiriwang ng kapaskuhan. 

"Halimbawa, nabawasan ang pagsisikip sa arrival area dahil sa karagdagang lanes. Sa loob ng 90 araw, nagawa nilang magdagdag ng lanes, kaya naging kapansin-pansin ang kawalan ng matinding trapiko at naging maayos ang daloy ng mga sasakyan," dagdag ni Sec. Bautista. 

Ayon pa sa kalihim, masaya ang mga pasahero sa mga pagbabago sa paliparan: "Lahat ng pasaherong nakausap namin ay masaya. Sa pangkalahatan, maganda ang karanasan natin ngayong Christmas season." Batay sa ulat, mas bumilis na rin ang security checks. Ang paglalagay ng modernong explosive detection system at mas maayos na proseso ng baggage screening at immigration ay magpapabilis pa sa seguridad. 

Personal na tinututukan ni Pangulong Marcos ang planong modernisasyon sa NAIA, ang pangunahing paliparan ng bansa. 

Patuloy na Pagbabago 

Ang rehabilitasyon ay higit pang paiigtingin. Sa kasalukuyang renobasyon ng Terminal 4, titiyakin na gumagana ang lahat ng air bridges at maglalagay ng OFW lounges sa Terminal 1 at 3 - mga pagbabagong lalong magpapabuti pa sa karanasan sa NAIA. Ang libre at mabilis na internet sa paliparan na may bilis na hanggang 115 Mbps ay dagdag na kaginhawaan sa mga pasahero. 

Sisiguruhin din na magagamit nang maayos ang lahat ng pasilidad. Upang maiwasan ang power fluctuations at masiguro ang tuloy-tuloy na operasyon, naglagay ang paliparan ng dedicated 115KV substation at advanced na uninterruptible power supply (UPS) system. 

Ang mga ito ay hindi lamang panandalian kundi sistematiko at pangkalahatang pagbabago sa operasyon ng NAIA. Ang resulta ay isang natatanging paliparan na ang maay- os na operasyon at kasiyahan ng mga pasahero ang prayoridad. 

Positibong Feedback Mula sa mga Pasahero 

Sa pangkalahatan, naging positibo ang feedback ng mga pasahero. Inilarawan nila ang malaking pag- babago ng NAIA na malayong-malayo ang kalagayan nito sa nakalipas lamang na isang taon. "Dati'y kinatatakutan ko ang pagdaan dito, pero ngayon, napakadali na. Maayos at mabilis ang proseso; may oras pa ako para makapagtrabaho sa isang coffee shop sa paliparan," kwento ng isang madalas na pasahero ng ΝΑΙΑ. 

Ang mga holiday travelers, na kadalasang nakararanas ng matinding pagod at hirap sa paliparan, ay nag-ulat din ng mas maayos na byahe. 

"Okay na ang NAIA Terminal 1. Matagal na talaga ang mga terminal, kahit ang mga upuan ay kailangan nang palitan. Mabagal man, kitang-kita ang mga pagbabago," ani ng isang Pilipinong manlalakbay na nagtungo sa Macau kasama ang kanyang pamilya noong Disyembre 

23. 

Maliban sa ilang maliliit na problema, ang pagproseso ng NAIA sa mahigit 150,000 pasahero araw-araw sa peak season ay nagpakita ng malaking pagbabago at pagtiyak ng maayos na serbisyo sa holiday travel period. 

Inilahad ni PBBM ang mga inobasyon at pagbabagong dapat abangan ng publiko sa NAIA. 

Financial Milestones 

Ang desisyon ng pamahalaan na makipagtulungan sa isang pribadong concessionaire ay naging epektibong aksyong pampinansyal na nag-alis ng pasanin sa mga taxpayer. Ang pamumuhunan at kahusayan ng pribadong sektor ang nagbigay-daan upang magkaroon ang bansa ng world-class na imprastruktura. 

Kabilang sa sentro ng modernization plan ang sustainability. Ang solar panels, energy-efficient systems, at mas maayos na waste management protocols ay isinasagawa upang mabawasan ang environmental footprint ng airport. Ang mga drinking water fountains na may paper cups ay nakatakda ring ilagay para sa lahat ng pasahero upang ma- bawasan ang plastic waste.

Sen. Imee kay PBBM: 2025 budget, suriing maigi

ni Angela Fernando @News | Dec. 16, 2024

Photo: Sen. Imee Marcos at Pangulong Bongbong Marcos - FB

Nanawagan si Senadora Imee Marcos sa kanyang kapatid na si Pres. Ferdinand "Bongbong" Marcos Jr. na magsagawa ng masusing pagsusuri sa panukalang pambansang badyet para sa 2025 na inaprubahan ng Kongreso.

Ayon kay Sen. Marcos, may ilang probisyon sa pinal na bersyon ng General Appropriations Bill (GAB) para sa 2025 na kailangang linawin, kabilang na ang kontrobersyal na Ayuda sa Kapos ang Kita Program o AKAP, ang kawalan ng suporta para sa Philippine Health Insurance Corporation (PhilHealth), at ang pagtaas ng badyet ng Department of Public Works and Highways (DPWH) sa P1.1-trilyon.

"Ang akin na lang ngayon, nananawagan na lang ako sa aking kapatid. Kung mahina ang boses ko na mag-isa, ngayon nawa marinig na sama-samang sumama ang ating taumbayan...I-line by line niya.

Nasa kanya na lamang pag-asa na hindi tanggalin 'yung mahahalaga," saad ni Sen. Imee.

Inihayag ni Senadora Imee Marcos na hindi niya nilagdaan ang bicameral conference committee report na naglalaman ng pinal na bersyon ng pambansang badyet para sa 2025.

Ikinadismaya rin ni Marcos ang pagbabawas ng pondo para sa Pantawid Pamilyang Pilipino Program (4Ps), habang bilyon naman ang inilaan para sa Ayuda sa Kapos ang Kita Program (AKAP).

Ang AKAP ay bagong programa ng Department of Social Welfare and Development (DSWD) na layong tulungan ang mga "near-poor" na sambahayan.