Agawan sa WPS.. PH-US vs. China, no way! — Marcos

ni Mylene Alfonso | February 19, 2023

Iginiit ni Pangulong Ferdinand “Bongbong” Marcos Jr., na hindi niya gagamitin ang Philippines-US Mutual Defense Treaty kaugnay sa nangyaring panunutok ng military grade laser ng China sa Philippine Coast Guard sa Ayungin Shoal noong Pebrero 6.

Sa kanyang talumpati sa almuni homecoming ng Philippine Military Academy sa Baguio, sinabi ni Marcos na hindi sapat para gamitin ang Mutual Defense Treaty sa pagitan ng Pilipinas at Amerika kung saan lalo lamang lalala ang tensyon sa lugar.

“If we activate that, what we are doing is escalating, intensifying the tensions in the area. And I think that would be counterproductive,” punto ni Marcos.

“Besides, despite the fact that it was a military-grade laser that was pointed at our coast guard, I do not think that that is sufficient for it to trigger the Mutual Defense

Treaty,” saad pa ng Pangulo.

“We are in constant contact with our treaty partners, not only with the US but our ASEAN partners and other partners here in Asia.”

Nabatid na ang MDT ay nilagdaan noong 1951 na naguutos sa Manila at Washington na tumulong sa isa’t isa kung ang alinmang bansa ay nasa ilalim ng armadong pag-atake.

P3.48 trilyon, bunga ng mga trip ko — Marcos

ni Mylene Alfonso | February 18, 2023

Bumubuo ng P3.48 trilyon na pamumuhunan ang mga foreign trips ng kasalukuyang administrasyon.

Ayon kay Pangulong Ferdinand Marcos, Jr. ang memoranda of understanding (MOUs) na nilagdaan sa mga biyahe sa ibang bansa ay natupad habang inilalagay ng administrasyong Marcos ang mga detalye ng mga paglalakbay sa ibang bansa na naglalayon na makaakit ng mas maraming mamumuhunan.

“So, we’re starting to go into the details of all of those MOUs and LOIs that people have seen us witnessing, mga pirma-pirma and exchanges sa different countries, (the signing of agreements and exchanges),” pahayag ni Pangulong Marcos kasunod ng pulong sa mga opisyal ng Department of Trade and Industry (DTI) at Office of the Presidential Assistant on Investment and Economic Affairs (OPAIEA), na layuning pagsama-samahin at sundin ang iba’t ibang pangako sa pamumuhunan.

“I can already report that some of the MOUs that we signed in Indonesia and in Singapore, mayroon ng resulta. And in fact, I think in the next couple of weeks, we will be starting to inaugurate some of these projects already,” sabi ng Pangulo.

Nabatid na ang OPAIEA na pinamumunuan ni Frederick Go ay nagsisilbing presidential delivery unit, na nagtataguyod ng priority investment at economic agenda ng Presidente, na tinitiyak ang napapanahong paghahatid ng mga proyekto sa pamumuhunan, mga kasunduan sa kalakalan, at mga pangako, bukod sa iba pa.

Sinabi ni DTI Secretary Alfredo Pascual sa Pangulo sa pagpupulong na may kabuuang 116 na proyekto na nagkakahalaga ng US$62.926 bilyon o P3.48 trilyon ang nabuo mula sa kanyang mga paglalakbay sa ibang bansa.

Ang kabuuang mga dayuhang pamumuhunan na ginawa sa mga opisyal na paglalakbay ng Pangulo ay kasama sa Indonesia, US$8.48 bilyon; Singapore, US$6.54 bilyon; Estados Unidos, US$3.847 bilyon; Thailand, US$4.62 bilyon; Belgium, US$2.20 bilyon; China, US$24.239 bilyon; at Japan, US$13 bilyon. Sa mga pangako, US$4.349 bilyon o P239 bilyon ang natupad sa mga kumpanya sa iba’t ibang yugto ng pagpapatupad ng kanilang mga proyekto sa bansa.

Ang mga proyektong nagkakahalaga ng US$29.712B o P1.7 trilyon ay mayroong umiiral na Memorandum of Understanding o Letters of Intent habang ang mga kumpirmadong proyekto na nagkakahalaga ng US$28.863 o P1.5T ay nasa yugto ng pagpaplano.

Pinoy, na-harass na naman sa WPS.. Marcos, pumalag sa China

ni Mylene Alfonso | February 15, 2023

Ipinatawag kahapon ni Pangulong Ferdinand “Bongbong” Marcos Jr., sa Palasyo si Chinese Ambassador Huang Xilian.

Ayon kay Presidential Communications Operations Secretary Cheloy Garafil, ipinatawag si Huang ng Malacañang kasunod ng panunutok ng military grade laser ng Chinese Coast Guard sa PCG noong Pebrero 6, 2023 sa bahagi ng Ayungin Shoal.

Sinabi rin ni Garafil na layunin na rin aniya na ipaabot ng Pangulo ang pagkabahala sa madalas at lumalalang mga aksyon ng China laban sa Philippine Coast Guard at sa mga Pilipinong mangingisda.

“The President summoned Chinese Ambassador Huang Xilian this afternoon to express his serious concern over the increasing frequency and intensity of actions by China against the Philippine Coast Guard and our Filipino fishermen in their bancas, the latest of which was the deployment of a military grade laser against our Coast Guard vessels,” banggit ni Garafil.