Apela na itigil ang imbestigasyon sa drug war, tablado.. Resbak ni Marcos: ICC, dedmahin na

ni Mylene Alfonso | March 29, 2023

Wala na umanong gagawing hakbang ang gobyerno ng Pilipinas makaraang ibasura ng International Criminal Court (ICC) ang apela ng Pilipinas na suspendihin ang imbestigasyon sa anti-drug war campaign ni dating Pangulong Rodrigo Duterte.

Ayon kay Marcos, dahil sa pagkabasura ng apela ay wala nang dahilan para makisangkot pa ang Pilipinas sa ICC.

"We don't have next move. That's the extent of our involvement with the ICC. That ends our involvement with the ICC," sabi ni Marcos sa isang panayam sa Pasay City.

"The appeal has failed. In our view, there’s nothing more that we can do... At this point we are essentially disengaging from any contact, communication with the ICC," saad ng Pangulo.

Binigyang-diin ni Marcos na wala nang anumang recourse ang Pilipinas sa ICC kung saan pinananatili ang posisyon ng gobyerno na hindi ito makikipagtulungan sa international body.

"We ended up in the same position that we started with and that is we cannot cooperate with the ICC considering the very serious questions about their jurisdiction and about what we consider to be interference and practically attacks on the sovereignty of the Republic," paliwanag niya.

"So that pretty much it, we have no longer any recourse when it comes to the ICC," dagdag pa ng Pangulo.

Pag-aari ng gobyerno kesa nakatiwangwang.. Mga bakanteng lupa, ipamimigay

ni Mylene Alfonso | March 28, 2023

Pinag-aaralan ng administrasyon ni Pangulong Ferdinand Marcos, Jr., ang mga paraan kung paano gamitin ang idle government land o bakanteng lupa, para sa mga proyektong pabahay, batay sa mga umiiral na batas.

Ito ang sinabi ng Pangulo sa groundbreaking ng Disiplina Village sa Arkong Bato Park sa Valenzuela City.

Nais din ng Pangulo na tiyakin na ang mga residenteng uupa sa mga housing unit na iyon ay dapat magkaroon ng sapat na pagkakataon para sa pagkukunan ng kabuhayan gamit ang kanilang mga talento at kakayahan.

“Mahalagang makipagtulungan sa iba pang mga ahensya ng gobyerno at pribadong sektor upang maisakatuparan ang ating mga kolektibong hangarin,” ani Pangulong Marcos.

Ang Disiplina Villages ay mga kumpletong komunidad na nagbibigay sa mga residente ng access sa mga paaralan, health center at mga serbisyo ng gobyerno sa pamamagitan ng annex ng city hall.

Ang pamahalaan ng Valenzuela City at ang mga benepisyaryo ng Disiplina Villages ay pumasok sa isang Home Space Agreement, na naglalayong itanim ang disiplina sa mga residente sa pagpapanatili ng kanilang mga tahanan at komunidad.

Ang ikaapat na Disiplina Village ay itatayo sa isang 2.07-ektaryang lupain sa Bgy. Arkong Bato, Valenzuela City, kung saan may kabuuang 20 limang palapag na gusali para sa 1,200 informal settler families (ISFs), na nakatira sa tabi ng Tullahan River at Manila Bay, ay itatayo bilang suporta sa Build Better More Housing Program ng administrasyon.

‘Pinas, may krisis sa tubig — P-BBM

ni Mylene Alfonso | March 24, 2023

Aminado si Pangulong Ferdinand "Bongbong" Marcos, Jr., na nakararanas ng krisis sa tubig ang Pilipinas kasabay ng kanyang pag-anunsyo ng paglikha ng office of water management na tutugon sa problema sa suplay ng tubig sa bansa.

Sa 6th Edition Water Philippines Conference and Exposition sa SMX Convention Center sa Pasay City, inihayag kahapon ni Marcos na kailangang tularan ng Pilipinas ang mga pinakamahusay na kasanayan sa pamamahala ng tubig mula sa ibang bansa tulad ng

Israel upang matugunan ang krisis sa tubig.

“I’d spent some time in Israel and I saw how they treat the water because water is very scarce. They live in the desert. Nevertheless, they are able to collect the water during the rainy season, whatever is available, they put fish in it to grow fish. When the summer comes, they take it out, take out the water, harvest the fish, and then that goes to

irrigation and so forth,” banggit ni Marcos.

“These are the kinds of thinking that we have to apply to the Philippines because of the crisis that we are facing and how debilitating it will be to the entire economy, to the entire society if our water supply problem continues to get greater, continues to become more dependent on what we have been doing in the past,” saad ng Pangulo.

“We all know the Philippines is not a dry place, and why do we not have enough water?” tanong niya.

Binanggit din ng Punong Ehekutibo na sa pamamagitan ng paglikha ng office of water management, ang gobyerno ay maaaring gumawa ng mas komprehensibong patakaran sa pagtugon sa krisis sa tubig.

Kaugnay nito, inihayag ng Pangulo na pirmado na niya ang executive order na lilikha ng office of water management na layuning pamahalaan ang water resources ng bansa at tutugon sa kasalukuyang environmental challenges.