Ginawa nila akong poster boy ng kanilang kasinungalingan — Zaldy Co

by Info @News | November 14, 2025

Photo File: SS / Rep. Zaldy Co / FB

Binasag na ni dating Ako Bicol Partylist Rep. Zaldy Co ang katahimikan nito sa mga alegasyong ibinabato sa kanya kaugnay ng maanomalyang flood control project.

“Ngayon, hindi na ako mananahimik. Ilalabas ko ang lahat ng katotohanan. May resibo, may ebidensya, at may pangalan,” ani Co sa inilabas na pahayag.

Ayon sa dating kongresista, ginawa raw siyang poster boy at panakip-butas ng magpinsan na sina Pangulong Ferdinand “Bongbong” Marcos Jr. at Leyte 1st District Rep. Martin Romualdez, “Ang ibig pala nilang sabihin sa 'aalagaan ka namin' ay gagamitin ako bilang panakip-butas sa kanilang kampanya laban sa korupsiyon."

Nagnanakaw ng pera ng bayan, tapos na ang maliligaya ninyong araw — P-BBM

by Info @News | November 13, 2025

Photo: SS / RTVM

“Itong mga walang-hiyang ito na nagnanakaw ng pera ng bayan, tapos na ang maliligaya ninyong araw.”

Ito ang naging banta ni Pangulong Ferdinand Marcos, Jr. sa mga sangkot sa maanomalyang flood control at infrastructure projects sa bansa.

Dagdag pa niya, “Una, mapapanagot ang mga kasama rito, kasabwat dito sa korupsiyon. Pangalawa, mabawi ng gobyerno ang pera na ninakaw nila. Pangatlo, na gumawa tayo ng reporma para ang lahat na itong klaseng korupsiyon na ganito ay hindi na mauulit.”

Trust at performance ratings nina PBBM at VP Sara, parehong bumaba — OCTA Research

by Info @News | November 6, 2025

Photo: Panguling Bongbong Marcos at VP Sara Duterte - PCO, OVP

BUMABA ANG TIWALA

Batay sa pinakabagong survey ng OCTA Research, kapwa bumaba ang trust at performance ratings nina Pangulong Ferdinand “Bongbong” Marcos Jr. at Vice President Sara Duterte.

Mula 64% ay bumaba sa 57% ang trust rating ni PBBM, habang bumaba sa 51% mula sa 54% ang kay VP Sara.

Pababang rating din ang naitala para sa performance ng Pangulo, kung saan mula sa 62% noong Hulyo ay bumaba ito sa 54%. Gayundin sa Bise Presidente na 49% mula sa dating 50%.

Ayon kay Prof. Ranjit Rye ng OCTA Research, malaking epekto rito ang mga isyung kinakaharap ng gobyerno tulad ng korupsiyon at taas-presyo.

“Kapag walang improvements ang administrasyon, patuloy na sasadsad pababa ang ratings,” giit ni Rye.

Isinagawa ang naturang survey sa 1,200 respondents mula September 30 hanggang October 4.