PBBM, nagregalo ng sex book kay Sandro

ni Eli San Miguel - Trainee @News | March 11, 2024

Nagregalo si Pangulong Ferdinand "Bongbong" Marcos ng sex book sa kanyang anak na si Ilocos Norte Representative Ferdinand Alexander "Sandro" Marcos.

Ibinigay ni Bongbong ang libro na may pamagat na "Sex for Lazy People: 50 Effortless Positions So You Can Do It Without Overdoing It" para sa ika-30 kaarawan ng kanyang anak noong Marso 7.

“I have my own present for you. Because you are practically a senior citi-son, I found you this guide, 'Sex for Lazy People.' It is in the mail. Read it well. It will help you. Happy birthday, Sandro,” sabi ni Marcos sa kanyang kamakailan na vlog.

Binigyan din niya ng payo ang bagong halal na mambabatas na huwag kailanman isuko ang ilang mga prinsipyo tulad ng Diyos, kanyang pamilya, at ang bansa.

P-BBM, muling lilipad patungong Germany at Czech Republic

ni Angela Fernando - Trainee @News | March 8, 2024

Bibiyaheng muli si Pangulong Ferdinand "Bongbong" Marcos Jr. kasama si First Lady Liza Marcos papuntang Germany at Czech Republic.

Naimbitahan para mag-working visit sa Germany ang dalawa ng German Chancellor na si Olaf Scholz.

Ang dalawa ay inimbitan din sa Czech Republic ni Pres. Petr Pavel upang mag-state visit.

Nakatakdang bumiyahe ang Pangulo at ang First Lady sa susunod na linggo ng March 11 hanggang March 15, 2024.

Layunin din sa mga biyahe ni Marcos na palakasin ang relasyon at ang kooperasyon ng 'Pinas sa mga nasabing central European countries.

$1.53-B puhunan ikinasa ng PH, Australia

ni Angela Fernando - Trainee @News | March 4, 2024

Umabot sa $1.53-bilyong halaga ng puhunan ang ikinasa sa pagitan ng 'Pinas at Australia kasabay ng ASEAN-Australia Special Summit, ayon kay Trade Sec. Alfredo Pascual nitong Lunes.

Sinabi ni Pascual ang balita sa Philippine Business Forum na ginawa sa bansa.

Samantala, nakarating si Pangulong Ferdinand "Bongbong" Marcos Jr. at ang kanyang delegasyon nitong Linggo upang lumahok sa Special Summit.

Sa kanyang talumpati bago umalis ng bansa, nilinaw ni Marcos na ang Summit ay paggunita sa 50-taong ugnayan ng ASEAN at Australia.

Dagdag ni Marcos, siya ay magkakaroon ng bilateral na pagpupulong kasama ang mga Punong Ministro ng Cambodia at New Zealand upang palakasin pa ang kooperasyon sa pagitan ng mga bansa.