Sa dami ng nakapaligid, utol ‘di na makausap… IMEE: MABAIT SI PBBM, ‘WAG LANG ABUSUHIN

ni Janiz Navida @Showbiz Special | Oct. 18, 2024

Photo: Sen. Imee Marcos at dating Sen. Ping Lacson - Kamuning Bakery Cafe

Dinagsa ang Kamuning Bakery ng writer-businessman na si Wilson Flores nu'ng Miyerkules dahil sa ginanap na World Pandesal Day kung saan namigay ng 100,000 pandesal sa mga tao at may mga reading glasses pang kasama.

Special guests din sina dating Sen. Ping Lacson at Sen. Imee Marcos na nakikiisa sa advocacy ni Wilson na makatulong sa mahihirap at mga nagugutom.

Maraming celebrities ang suki ng Kamuning Bakery tulad nina Marian Rivera and Dingdong Dantes, Julia Barretto, Jose Mari Chan, Karylle, Ian Veneracion at marami pang iba, pero buti na lang din at walang artistang dumating dahil baka mas nagkagulo ang mga tao.

Sa Q&A portion bago nag-distribute ng free pandesal na pinangunahan din nina Sen. Ping at Sen. Imee, naitanong ng isang reporter kung sa tingin daw ba ng ate ni Pangulong Bongbong Marcos ay nao-overpower ng mga advisers niya si PBBM kesa makinig ang pangulo sa mga totoong nagmamahal at nagmamalasakit dito tulad niya?

Pahayag ni Sen. Imee, “Lagi nating sinasabi na napakabait ng kapatid ko, pero palibhasa mabait, ‘wag naman pinagsasamantalahan.”

At sa tanong uli kung nabibigyan pa ba niya ito ng payo, sagot ng senadora, “Siyempre, nag-e-effort naman tayo, pero bisi-busy-han na ngayon at lagi kaming nagkikita, maraming-maraming tao, kaya kung minsan, nasasabihan ko, pero kung minsan, mahirap, eh, kasi ang dami nang nakapaligid.”

‘Yun lang! 

Basta ang tiniyak naman ni Sen. Imee, sa kabila ng mga bashers ng kanilang pamilya, tuloy lang siya sa kanyang trabaho at paglilingkod at dedma na lang sa mga bashers.

---

Anak na si Bryan lang ang nanood…

SEN. GRACE, NO SHOW SA PREMIERE NG MOVIE NI LOVI

Photo: Lovi Poe / Instagram

TUWANG-TUWA at halos mapaiyak si Lovi Poe sa ginanap na premiere night ng kanyang latest movie na Guilty Pleasure kung saan co-produced ito ng kanyang C'est Lovi Productions with Regal Entertainment.

Puro positive feedback kasi ang natanggap ni Lovi mula sa mga nakapanood ng movie. Halos lahat ay nagsasabing magkaka-Best Actress award siya sa GP dahil sa kakaibang acting na ipinakita niya rito.

Kahit nga ang mommy ni Lovi ay dumating sa premiere night last Wednesday para suportahan siya. Hindi lang namin nakita si Sen. Grace Poe na laging nakasuporta sa mga projects ni Lovi pero dumating naman ang anak ng senadora na si Bryan Llamanzares para sa kanyang tita.

Nasa abroad pala ngayon si Sen. Grace kaya pagbalik nito, saka na lang daw ipapapanood ni Lovi ang Guilty Pleasure sa kanyang Ate.

Ang ganda-ganda ng movie, ang daming sexy and daring scenes na tatatak sa manonood, lalo na ‘yung eksenang dinilaan ni JM de Guzman si Lovi habang nagla-lovemaking sila at ‘yung reaction ni Lovi nang i-rape siya ni JM.

Marami rin ang tiyak na magpapantasya kina Jameson Blake na nagpakita ng hubo't hubad sa kama though back exposure lang naman. At ‘di rin nagpatalbog si JM na may butt exposure rin.

Kung sino ang may1 mas makinis na wetpaks sa dalawang leading men ni Lovi, watch n'yo ang Guilty Pleasure na showing na ngayon in cinemas nationwide.

Nu'ng hingin namin ang reaksiyon ni JM sa ginawa niyang pagdila sa katawan ni Lovi, nangingiting pahayag nito, hiyang-hiya raw siya sa aktres.

Hmmm, paano kaya kung kasama niyang nanood ang GF na si Donnalyn Bartolome that time, di lalo na siyang nadyahi, haha!

Congrats kay Direk Connie Macatuno, sa Regal Entertainment, C'est Lovi Productions at sa lahat ng bumubuo ng Guilty Pleasure.

ARAL Law, nilagdaan ni PBBM

ni Eli San Miguel @News | Oct. 18, 2024

Academic Recovery and Accessible Learning (ARAL), sa pagpapahusay ng kasanayan ng mga mag-aaral sa pagbasa at matematika, Isang libreng pambansang interbensyon sa pagkatuto ang ARAL Program. Photo: Presidential Communications Office

Nilagdaan ni Pangulong Ferdinand Marcos Jr. ang batas na Academic Recovery and Accessible Learning (ARAL) upang tugunan ang mga puwang sa pagkatuto na dulot ng pandemya.

Naganap sa Malacañang Palace ngayong Biyernes ang paglagda. Naglalayon ang ARAL Law, isang prayoridad ng Legislative-Executive Development Advisory Council (LEDAC), na magtatag ng pambansang programa para sa mga mag-aaral na nahihirapang maabot ang pamantayan ng kanilang grade level.

Isang libreng pambansang interbensyon sa pagkatuto ang ARAL Program, na lalahukan ng mga teacher, para-teacher, at pre-service teacher mula sa mga Teacher Education Institutions.

Magpopokus ito sa pagpapahusay ng kasanayan ng mga mag-aaral sa pagbasa at matematika para sa Grade 1 hanggang 10, at agham para sa Grade 3 hanggang 10. Para sa mga mag-aaral ng kindergarten, tututok ang programa sa pagbuo ng mga pundasyong kasanayan sa literasiya at numerasiya.

Marcos, Robredo nagkita sa Sorsogon

ni Eli San Miguel @News | Oct. 17, 2024

Photo: Si Pangulong Bongbong Marcos at FVP Leni Robredo sa Sorsogon - MPC Pool

Nagkita at nagkamayan sina Pangulong Ferdinand Marcos Jr. at dating Bise Presidente Leni Robredo, na magkaribal sa halalan noong 2022, sa inagurasyon ng Sorsogon Sports Arena ngayong Huwebes.

Nagkrus ang kanilang landas sa entrada bago tumuloy ang Pangulo sa seremonya. Sa isang maikling video, makikitang binati ni Marcos si dating Senador Bam Aquino at pagkatapos ay si Robredo.

Ayon kay Senate President Francis Escudero, inimbitahan sina Robredo at Aquino upang salubungin ang Pangulo bilang kinatawan ng Bicol.

Si Robredo ay tatakbo bilang alkalde ng Lungsod ng Naga sa 2025, habang si Aquino ay muling tatakbo para sa Senado sa 2025 midterm elections. Sa kanyang talumpati, muling iginiit ni Marcos ang kanyang panawagan para sa pagkakaisa, na siya ring tema ng kanyang kampanya noong 2022.