Mas maayos na BRBDP, ilulunsad sa 2025 — P-BBM

ni Angela Fernando @News | Nov. 6, 2024

Photo: Presidential Communications Office 

Inanunsyo ni Pangulong Ferdinand Marcos Jr. nitong Miyerkules na ilulunsad ang Updated Bicol River Basin Development Project (BRBDP) sa susunod na taon (2025).

Sinabi ito ni Marcos Jr. sa Fuerte CamSur Sports Complex sa Pili, Camarines Sur, kung saan nanguna siya sa pamamahagi ng tulong sa mga sektor na apektado ng iniwang resulta ng bagyong Kristine.

Kinumpirma niya na natapos ng Department of Public Works and Highways (DPWH) ang pag-update ng masterplan at feasibility study ng programa nu'ng Hulyo. Sa kasalukuyan, isinasagawa na ang detalyadong disenyo ng proyekto, na inaasahang ipatutupad sa unang quarter ng 2025.

Inatasan din ni Marcos ang DPWH, Department of Environment and Natural Resources (DENR), at Department of the Interior and Local Government (DILG) na makipagtulungan sa mga lokal na pamahalaan upang matiyak na ang mga plano para sa BRBDP ay integrated at "future-proof" at siniguro niya ring ang mga gagamiting materyales ay kalidad

'Pinas, mas bumubuti ang kampanya kontra gutom — PBBM

ni Eli San Miguel @News | Oct. 29, 2024

Photo: Pangulong Bongbong Marcos - Presidential Communications Office

Inihayag ni Pangulong Ferdinand "Bongbong" Marcos Jr. na mas bumubuti ang pagtugon ng 'Pinas sa problema sa gutom, sa isang sectoral meeting sa Malacañang Palace ngayong Martes

Naganap ang pahayag ng Pangulo matapos iulat ng Department of Social Welfare and Development (DSWD) ang naibawas na 300,000 pamilyang nakakaranas ng gutom noong nakaraang taon dahil sa Food Stamp Program (FSP).

Sinabi ni DSWD Secretary Rex Gatchalian kay Marcos na ang bilang ng mga pamilyang nakakaranas ng gutom ay bumaba sa 700,000 mula sa isang milyong pamilya nang ipinatupad ang FSP.

Ipinapakita ng datos na inilabas ng Philippine Statistics Authority (PSA) noong 2023 ng pagbaba sa bilang ng mga pamilyang nakakaranas ng gutom mula sa isang milyon noong 2021 hanggang 700,000 noong nakaraang taon.

Itinatag ang Food Stamp Program (FSP) sa pamamagitan ng Executive Order No. 44, s. 2023, bilang isang pangunahing inisyatiba ng pambansang gobyerno at ng DSWD upang labanan ang 'di-inaasahang gutom sa mga low-income na pamilya.

P-BBM, muling babalikan ang BRBDP matapos ang Bagyong Kristine

ni Angela Fernando @News | Oct. 26, 2024

Photo: Pres. Bongbong Marcos / PBBM - Presidential Communications Office

Nagpahayag si Pangulong Ferdinand "Bongbong" Marcos Jr. nitong Sabado na plano niyang muling balikan ang Bicol River Basin Development Program (BRBDP), isang proyekto ng kanyang yumaong ama na si Ferdinand Marcos Sr. nu'ng 1973, matapos ang matinding pinsalang dulot ng Super Typhoon Kristine sa rehiyon ng Bicol.

"Pinag-aaralan ko ito, and I found that in 1973, there was the Bicol River Basin Development Project. It was a USAID project. [...] I have here a study from someone from UP (University of the Philippines) that assessed the effects of the BRBDP. Despite some challenges, mukha namang malaki ang naitulong," paglilinaw ni Marcos.

Binigyang-diin ni Marcos na bukod sa aspetong flood control, kasama rin ang proyektong farm-to-market road upang suportahan ang mga mahihirap na lugar sa Rehiyon 5 sa BRBDP.

Magugunitang sa kanyang aerial inspection sa mga lugar na matinding hinagupit ni Kristine nu'ng Biyernes, napansin ni Marcos na ang baha sa Bicol Region ay hindi agarang humupa matapos ang malakas na ulan, kumpara sa mga lalawigan ng Batangas at Cavite.

Dahil dito, ipinunto ng pangulo na doble ang dami ng ulang bumagsak sa Bicol Region kumpara sa naitala nu'ng bagyong Ondoy nu'ng 2009, kung saan halos isang metrong tubig ang umapaw sa rehiyon.