Edad 80,85,90,95, may cash gift na sa Enero 2025

ni Bong Revilla @Anak ng Teteng | Nov. 9, 2024

Minsan pang napatunayan na mas madaling makausad ang mga biktima ng kalamidad kung lahat tayo ay nagtutulungan tulad ng nangyari sa Paete, Laguna at Lian, Batangas na niragasa rin ng nagdaang Bagyong Kristine ilang linggo na ang nakalipas, kung saan parehong nalubog ang dalawang bayan sa matinding pagbaha.

Noong nakaraang araw ay inatasan natin ang ating Bayanihan Relief (BR) team na pangunahan ang pamamahagi ng tulong sa nabanggit na mga lugar matapos nating matukoy na dalawa sila sa napakaraming nasalanta noong nagdaang bagyo.

Unang tinungo ng ating team ang Paete, Laguna kung saan dinaluhan ni Mayor Ronald Cosico upang magbigay ng relief packs sa mga residente.

Bagama’t hindi tayo nakarating ng personal dahil balik sesyon na tayo sa Senado ay tiniyak nating nakarating ang ipinadala nating tulong.

Kasunod nito ay pinuntahan ng BR team ang Lian, Batangas at dito ay maayos na naipamahagi ang ipinadala nating tulong sa mga residente na lahat ay biktima rin ng pagbaha dulot ng Bagyong Kristine.

Inalalayan naman ang ating BR team ni Vice Mayor Ronin Leviste sa pamamahagi sa mga residente na lahat ay tuwang-tuwa dahil sa napapanahon umano ang pagbibigay na ito sa mga nangangailangan ng tulong.

Sa kasalukuyan ay patuloy ang paghahanda ng ating team sa mga ipapamahagi pa sa mga darating na kalamidad na hindi naman natin hinihiling, pero palagi nating pinaghahandaan.

Ayoko kasing kung kailan may pangangailangan dahil sa kalamidad ay saka magkukumahog para sa mga ipadadalang tulong.

Kaya ang sistema ng BR team — kung walang kalamidad ay abala sa pagbabasta para sa mabilis na pagresponde saan mang bahagi ng bansa.

Hindi ko man napuntahan ng personal dahil sa trabaho natin sa Senado ay tinitiyak

kong makakarating sa mga residente sa bawat bayan ang ipinadala kong tulong.

Pero kung naka-break naman ang sesyon ay personal ko talagang dinadalaw ang ating mga kababayan. Ngunit siyempre bilang senador ay kailangan din tayo sa Senado at abala tayo sa pagdalo para sa mga isinumite nating panukalang batas para sa kapakanan ng mga mamamayan.

Isa sa mga produkto ng ating pagsusumikap sa Senado ay ang pagkakapasa ng RA 11982 o Revilla Law. At sa darating na Enero ay magkakaroon na ng budget para sa mga senior citizen na sasapit sa edad na 80, 85, 90 at 95.  Kung sino man ang aabot sa nasabing mga edad ay mapagkakalooban natin ng P10,000. Kapag umabot ng edad na 100, P100,000 naman ang kanilang makukuha.

Kaya ko lamang nabanggit ay upang maunawaan ninyo na hindi ako basta nagbubutas lang ng upuan sa Senado dahil seryoso akong nagtatrabaho at isa rin sa dahilan kung bakit minsan ay hindi ako nakakapunta ng personal sa pamamahagi ng tulong sa nangangailangan. 

Umasa kayo na hindi ko pababayaan ang ating mga kababayan, lalo na ang mga sinalanta ng kalamidad. At napakarami pa nating isinumiteng panukalang batas na inilalaban natin ng pukpukan hanggang sa kasalukuyan — ang lahat ay puro sa kapakanan ng ating mga kababayan.

Sana lang ay wala ng matinding kalamidad na sumalanta sa atin para tuluy-tuloy lang ang buhay at ligtas ang bawat isa.

Anak Ng Teteng!

---

May katanungan ka ba, reklamo o nais ihingi ng tulong? Sumulat sa ANAK NG TETENG! ni BONG REVILLA sa BULGAR Bldg., 538 Quezon Ave., Quezon City o mag-email sa anak­ng­teteng.bulgar@ gmail.com

“Cash gift para sa mga lolo at lola, lalabas na sa Enero” – Revilla

by Info @Brand Zone | Nov. 6, 2024

Hindi na nila kinakailangan pang umabot ng 100 taong gulang para lamang makatanggap ng cash gift galing sa ating pamahalaan.

Magandang balita para sa ating mga lolo at lola! Sa Enero, ilalabas na ang pondo para sa kanilang dagdag na benepisyo. Ayon kay Senador Ramon Bong Revilla, Jr. na pangunaging nagsulong ng Republic Act No. 11982 o “Expanding the Coverage of Centenarians Act”, libo-libong mga lolo at lola ang makikinabang oras na ilabas na ang pondo para dito.

Sakop nito ang ating mga lola at lola na may edad na 80, 85, 90 at 95 at sila ay tatanggap ng P10,000 batay sa isinulong na batas ni Revilla. Patunay ito ayon sa mambabatas na tuloy ang trabaho sa Senado at hindi siya nagbubutas ng bangko.

"Layon po ng batas na ito na mapaaga ang pagbibigay natin ng benepisyo para sa ating mga lolo at lola. Hindi na nila kinakailangan pang umabot ng 100 taong gulang para lamang makatanggap ng cash gift galing sa ating pamahalaan. 80 pa lang, bibigyan na natin sila agad. Pagdating ng 85, 90, at 95, bibigyan ulit natin sila. At kung ipagkaloob ng Panginoon na sila ay umabot ng isang daang taon, bibigyan natin sila ng mas malaking halaga bilang pagkilala sa kanilang narating,” saad ni Revilla.

Mga ahensyang may pananagutan sa flood control, tengang kawali

ni Bong Revilla @Anak ng Teteng | Nov. 4, 2024

Sa panahon ng Halloween, kabi-kabila ang party hindi lang ng mga bata kundi maging ang mga matatanda na nakasuot ng costume. At pagkatapos ng mga okasyong ito ay ginugunita naman natin ang Araw ng mga Patay.

Hindi lamang sa Pilipinas ipinagdiriwang ang Araw ng mga Patay dahil halos buong mundo ang naghahanda para sa paggunita na ito.

Tinatawag ding Feast of All Saints ang Araw ng mga Patay, at ipinagdiriwang hindi lamang ng mga Katoliko kundi maging ng iba’t ibang relihiyon.

Unang-unang naitala ang pagdiriwang nito noong early 4th century. Pero noong 7th century lamang ito talagang sinimulang isineselebra taun-taon sa ilalim ni Pope Boniface IV noong May 13, 609 AD. 

Ngunit sa panahon ni Pope Gregory III ay ginawang holiday ang All Saints’ Day noong mid-8th century at inilipat ito sa November 1.

Nakaugaliang nagbabasa ng Beatitudes, eight blessings recounted in Jesus’ sermon sa Gospel ng Matthew ang ginagawa sa araw na ito. Kasabay nito ay marami naman ang nag-iiwan ng bulaklak at kandila sa puntod ng mga yumao nilang kaanak.

Ito ay nagsimula bilang pagdiriwang ng mga Katoliko, kung kailan bumibisita sila sa libingan ng kanilang namaalam na kamag-anak at kaibigan. 

Ipinagdarasal nila na ang mga kaluluwa ng namatay na makaalis sa purgatoryo at makaabot sa langit. Purgatoryo ang tawag sa lugar ng mga kaluluwa na wala pa sa perpektong kalagayan. 

Ang mga Katoliko ay nagdarasal na makaalis ang mga kaluluwa sa purgatoryo at makapapasok sa langit upang magkaroon ng buhay na walang hanggan. 

Dito na nakasanayan ng mga bumibisita sa sementeryo na mag-alay ng mga bulaklak at nakasinding kandila sa puntod ng mga nakahimlay.

Ngunit bago ko naintindihan ang Araw ng mga Patay ay madalas kong iniisip ang Halloween at pilit kong inaalam kung may iba pa bang kahulugan ang mga selebrasyon nito.

Hanggang sa kasalukuyan ay napakarami pa ring Pilipino ang hindi naman naiintindihan kung paano talaga ginugunita ng tama ang Araw ng mga Patay.

Ngunit naging bahagi na ito ng ating kultura at marami na ang ipinagdiwang ang Araw ng mga Patay dahil gaya-gaya lang.

Pero alam n’yo ba na ang Araw ng mga Patay ay ikatlo sa pinakamahalaga at labis na ipinagdiriwang na holiday sa Pilipinas bukod sa Pasko?

Sa panahong ito ng Undas ay marami sa ating mga kababayan ang naglalaan talaga ng panahon para sa Araw ng mga Patay — may mga bumibiyahe pa ng malalayong probinsya basta’t magunita lamang ang naturang mga araw.

May mga kababayan pa tayong buong magdamag na nagpapalipas sa mga sementeryo at hinihintay ang pag-ikot ng mga pari na nagwiwisik ng holy water para sa pagbabasbas.

Ganyan natin ginugunita ang Araw ng mga Patay, at hindi pinapayagan ang mga nag-iinuman at nagsusugal sa mga sementeryo kaya nga libu-libong kaanib ng pulisya ang ikinakalat para bantayan lamang ang katahimikan ng buong pagdiriwang.

Anak ng Teteng!

---

May katanungan ka ba, reklamo o nais ihingi ng tulong? Sumulat sa ANAK NG TETENG! ni BONG REVILLA sa BULGAR Bldg., 538 Quezon Ave., Quezon City o mag-email sa anak­ng­teteng.bulgar@ gmail.com