EX-PBB HOUSEMATE, NIYAYA SA FIESTA NG DATING KASAMA SA BAHAY, NANINGIL NG P20 K

ni Janiz Navida - @Showbiz Special | April 6, 2022

BLIND ITEM:

Dismayado ang isang nakasama sa Bahay ni Kuya ng ex-PBB housemate na ito na nu'ng una lang daw mabait pero nu'ng medyo magkapangalan na at nagkaroon ng mga TV shows ay lumaki na rin ang ulo at pera-pera na ang labanan, nakalimutan na ang kahalagahan ng pakikisama at pakikipagkaibigan.

Ayaw sanang sumama ng loob ng female housemate sa nakasama niyang male housemate sa Bahay ni Kuya, pero nasaktan lang daw siya nang minsang yayain niya sa fiesta nila sa kanilang hometown ang male housemate para magpasaya sa kanilang mga kababayan, aba't hiningan daw siya ng P20 thou bilang talent fee!

Kung tutuusin, dahil mismong mga kababayan naman nila ang pasasayahin ng male housemate, parang pagbabalik na lang niya ito ng utang na loob sa suportang ibinigay sa kanya habang nandu'n siya sa loob ng PBB house.

But sad to say, ayun na nga, parang taxi na de-metro na ang singil ng male housemate at nakalimutan na ang word na 'pakikisama'.

Hayst!

Yeeees, men! AKTRES, NABUKING NA MAY BABAE ANG MISTER, PUMATOL NAMAN SA MAY ASAWANG AKTOR

ni Janiz Navida - @Showbiz Special | April 5, 2022

BLIND ITEM:

Nakakalungkot naman ang kuwentong nakarating sa amin mula sa isang reliable source na may pinagdaraanan ang isang aktres sa marriage niya sa kanyang non-showbiz husband.

Sa ilang taong pagsasama ng dalawa, napakatahimik ng married life ng aktres. Akala nga namin ay naka-jackpot siya sa kanyang mister dahil ang ganda ng trabaho nito at kayang-kaya siyang buhayin kahit 'di siya mag-showbiz.

Pero tsika ng aming source, minsang bumiyahe abroad ang mister ng aktres, nagkaroon ito ng secret affair sa isang co-worker at nakarating 'yun sa aktres kaya ru'n nag-umpisang magulo ang kanilang relasyon ng mister.

At habang inaayos ng mag-asawa ang kanilang relasyon, nakita naman ang aktres na nakikipag-date not just once but thrice na sa isang matangkad na aktor na pamilyado na rin.

Sa isang sikat na mall sa Ayala, Alabang nagtatagpo ang dalawa, kaya awang-awa ang source namin sa mister ng aktres dahil 'pag nalaman nito ang ginagawa ni girl, baka tuluyan na silang maghiwalay, eh, may anak pa naman sila.

Hay, sana lang ay maayos pa ang pagsasama ng mag-asawa.

Sana kasi, kinimkim na lang… BYUTING SEXY STAR, AYAW NANG MAGPA-SEXY, BIGLANG NALAOS

ni Erlinda Rapadas - @Teka Nga! | March 26, 2022

BLIND ITEM:

Marami ang labis na nanghihinayang sa malaking oportunidad na pinalampas ng isang maganda, sexy at flawless na sexy star.

Halos naabot na kasi niya ang peak ng success ng kanyang career dahil marami siyang offer na trabaho. Naging endorser pa siya ng mga produkto at nakagawa na rin ng mga pelikula.

Ang dami ring DOMs na nabighani sa kanyang kagandahan. Na-link pa nga siya sa ilang pulitiko. At marami siyang suitors na naghihintay lang na sila ay pansinin.

May mga offer ding mag-pose siya nang sexy sa ilang magazines, pero tinanggihan ng magandang sexy actress. Ayaw daw niya na magkaroon ng sexy image sa publiko.

Pangarap kasi niya na makilala bilang magaling na aktres tulad ng kanyang idolong si Jaclyn Jose. Tanggap niya if sexy siya at pinagpapantasyahan ng kalalakihan. Pero, ayaw niyang matatakan bilang isang bold star.

Kaya, todo-tanggi siya sa mga offer na projects sa kanya. Gusto niyang makilala bilang wholesome at tunay na aktres.

Natengga ang kanyang career sa kahihintay ng mga wholesome na projects. Kaya, hindi nakapagtataka na agad siyang pinagsawaan ng mga kalalakihan na dati niyang fans.

Nabaling ang atensiyon ng mga barako sa isang bagong sexy star na walang kiyeme at walang pakialam kung tawagin siyang sexy star. Napakalakas ng karisma nito sa kalalakihan.

Ngayon, muling nagbabalik ang sexy at magandang aktres upang angkinin ang kanyang trono.

---

Nais ko, este nais lang naman natin, magpakatotoo siya…

YOUNG ACTOR NA ANAK NG AKTOR-PULITIKO, NAKABUNTIS, CAREER TAGILID

ni Nitz Miralles - @Bida | March 26, 2022

BLIND ITEM:

Maagang magkaka-apo ang isang actor-politician. Ito ay kung totoong nakabuntis ang isa sa mga anak niyang nasa showbiz.

Ilang blind items na ang nabasa namin at kahit hindi binanggit ang pangalan ng young actor, mahuhulaan ng updated sa tsika sa showbiz kung sino ang young actor na ito.

Ang sabi, sa right time, aaminin ng young actor ang blind item sa kanya dahil kilala siyang nagsasabi nang totoo at isa sa mga rason kung bakit gusto siya ng press ay dahil sa pagiging totoo niya. Masarap interbyuhin ang young actor dahil alam ng reporter na totoo ang mga isinasagot.

Nanghihinayang lang kami dahil ang ganda ng pasok ng young actor, may impact agad dahil na rin sa kanyang ama.

Saka, ang ganda ng pagbi-build-up sa kanya ng network, binigyan siya ng malakas na kapareha at isinama sila sa top rating series.

‘Yun lang, hindi magtatagal ang love team ng young actor sa kapareha niya dahil magiging ama na nga raw ito.

Ang daming chances sa showbiz na sasayangin ng young actor dahil sa maagang pagiging ama. On the other hand, blessing ang baby at bilib kami kung pangangatawanan ng young actor ang girlfriend at ang magiging baby nila.