Kaya raw mababa papremyo sa EB!... JOEY, NAGPATUTSADA SA MGA CONTRACTORS

ni Beth Gelena @Bulgary | September 8, 2025

Photo: Joey de Leon - IG

May patama si Joey de Leon sa mga kontratista. Maging si “Henyo Master” ay natawa sa mga biro niya laban sa mga kontratista sa gitna ng isyu sa flood control projects.

Kilala si Joey sa kanyang matalinong paglalaro ng mga salita at mga biro na magpapaisip sa mga netizens. 

Araw-araw ay nagbabahagi siya ng mga nakakatawang kalokohan sa mga co-hosts niya sa kanilang longest-running noontime show.

Sa isang episode ng Eat…Bulaga! (EB!), direktang binanggit ni Joey ang “Discaya” nang ma-prompt ang contestant na magbigay ng mga sea animals na nagsisimula sa letter D. 

Naging trending topic ang apelyidong Discaya matapos tawagin ni Pasig City Mayor Vico Sotto ang mga beteranong mamamahayag para sa feature interview sa mag-asawang negosyante, na nagbukas ng alegasyon na sangkot ang kanyang kumpanya sa umano’y anomalya sa mga flood control projects.

Umani ito ng tawanan mula sa studio audience. 

Bukod kay Discaya, binanggit din ni Joey ang mga kontratista. Tapos, sinabi niyang mas mataas daw ang cash prize para sa isa nilang segment. Kinuha raw kasi ng mga kontratista ang ilan sa kanilang pera kaya mababa ang kanilang papremyo. Hahaha!

---

Naghahanap si David Licauco ng mga insight o tips mula sa beteranong mamamahayag para sa bagong serye nilang gagawin ni Jillian Ward, ang Never Say Die (NSD). Investigative vlogger or reporter ang role ni David.

Nakipag-meeting ang aktor kay Orly Trinidad ng Super Radyo DZBB para makakuha ng mga pointers bilang isang mamamahayag.

Ang serye ay proyekto ng GMA Public Affairs. 

Upang matiyak na makatotohanan ang kanyang pagganap, nakipagpulong nga siya kay Orly Trinidad na nagbigay sa kanya ng mahahalagang insight at pointers sa craft ng broadcast journalism. 

“Nag-meeting kami ni Boss Orly Trinidad ng DZBB. Napaka-insightful n’ya,” ani David.

Marami raw siyang natutunan sa kanilang konsultasyon, partikular na tungkol sa kahalagahan ng angkop na paghahatid ng balita.

Ilang beses nang nakunan… HEART, 2 BESES NAG-TRY NG SURROGACY, WA’ EPEK!

ni Beth Gelena @Bulgary | September 7, 2025

Photo: Heart Evangelista - IG

Ibinalita ni Heart Evangelista na dalawang beses siyang nag-try ng surrogacy matapos makaranas ng maraming miscarriage, pero nabigo siya

Dalawa lang daw sa kanyang egg cells ang nabuhay, ngunit ang parehong pagbubuntis ay nauwi sa pagkawala, kabilang ang isa na tumagal ng 4 na buwan.

Sa kabila ng pagdadalamhati, patuloy siyang nagpapaka-ina sa pag-aalaga sa kambal ng kanyang asawang si Chiz Escudero na sina Joaquin at Cecilia.

Itinuturing niyang mga tunay na rin niyang anak ang kambal.

Nauna nang sinabi ni Heart ang tungkol sa kanyang mga paghihirap, kabilang ang isang miscarriage noong 2018 at ang mga pagsubok na kanyang hinarap sa IVF treatment noong 2022.

---

Ipagluluto raw ng GF niyang si Isabel…

BEA AT VINCENT, INIMBITA NI JOHN LLOYD NA TUMAMBAY SA BAHAY NIYA

NAGKOMENTO si John Lloyd Cruz sa Instagram (IG) ni Bea Alonzo hinggil sa travel post nito sa Dubrovnik, Croatia.

Nagbahagi kasi si Bea ng mga travel photos niya sa Croatia na kilala bilang “King’s Landing” sa Game of Thrones (GOT).

Aniya, “Tambay tayo dito sa bahay ‘pag may time kayo ni Boss Vincent @beaalonzo will ask @isabelreyesantos to seek inspirations to cook. Sarap magluto ‘yun.”

Ikinatuwa ng mga fans ng kanilang love team ang kanyang mensahe kung saan inimbitahan pa niya ang couple na mag-bonding sa bahay niya.

Patunay ito na ang kanilang pagkakaibigan ay intact pa rin matapos ang 21 taon ng pagiging love team.

Hindi napigilan ng mga fans ng tambalang Bea at John Lloyd na muling kiligin matapos mag-iwan ng mensahe ang aktor sa travel post ng Kapuso actress.

Hindi man nauwi sa totoong relasyon sina Popoy (JLC) at Basha (Bea), masaya na rin ang kanilang mga fans dahil natagpuan nila ang dalawang tao na lubos na nagmamahal sa kanila.

Para sa maraming fans, ang simpleng palitan nila ng mensahe online ay sapat na para muling magbalik ang Bea-Lloyd kilig.

---

BALIK-SINGING ang younger sister ni LA Santos na si Kanishia Santos matapos ang short break.

Napanood namin siya nang mag-guest sa Letters and Music (LAM) sa NET25 kamakailan.

Ibang-iba na ang dating ni Kanishia, unlike before na may pagkamahiyain pa. This time, habang pinagmamasdan namin siyang kumakanta, iba na ang datingan niya — may angas na.

Sabi nga ng mga nakakakilala sa kanya, “She’s back with music that’s bright, bold, and all her own.”

Noong 2021, nag-release siya ng mga una niyang kanta, ang A Little Taste of Danger at Never Feel Pretty.

Noong 2022 ay nag-shift naman siya sa mas vulnerable at melancholic sound sa EP na Born to Cry, isang six-track collection ng napaka-emotional na mga kanta.

Sa ngayon ay nag-renew ng kontrata si Kanishia sa Star Pop, ang sub-label ng ABS-CBN.

Ayon kay Kanishia, parang nagsisimula siyang muli bilang singer dahil iba na naman daw ang kanyang galawan sa pagkanta.

Aniya, “She moves on from her sad girl era to something more vibrant.”

Pag-amin niya, hindi madaling tahakin ang landas na kanyang tinatahak.

“While working on her new music, she took a step back to breathe, reflect, and figure out who she wanted to be as an artist.”

Kumukuha na lang daw siya ng lakas sa kanyang kuya na isa ring singer, si LA Santos.

Aniya, “Si kuya po ‘yung isa sa laging sumusuporta sa akin sa lahat ng ginagawa ko in the industry. Ang daming hardships—doon n’ya po ako igina-guide, knowing that he has been in the industry longer than me. He tells me to rest when I need to and reminds me na laging may time to continue doing my work. I super appreciate him for that.”

Anyway, ang IKYK at Paraiso ang kinanta ni Kanishia sa kanyang guesting. Part daw

‘yun ng kanyang second album called IKYK.

Aside from singing, isa ring stage actress si Kanishia. Kasama siya sa Ang Supremo (AS), isang musical play under Vince Tañada’s Bonifacio.

Host din siya sa programa ng NET25 na Kada Umaga at Radyo Agila’s Kapitbahay (Wednesday edition).

Nakagawa na rin siya ng movie, ang Maple Leaf Dreams (MLD) at Loyalista: The Untold Story of Imelda Papin.

Aside from those achievements, may mga TVC din ang aktres-singer.

Mukha, ginamit sa porn video… ANGEL, KINALAMPAG ANG SENADO NA AKSIYUNAN ANG DEEPFAKES

ni Beth Gelena @Bulgary | September 6, 2025

Photo: Angel Aquino - IG

Tinuligsa ng aktres na si Angel Aquino at content creator na si Queen Hera ang paggamit ng deepfakes (AI generated videos-photos) para ipaglaban ang karapatan nila nang dumalo sila sa pagdinig ng Senate Committee on Women, Children, Family Relations and Gender Equality kamakailan.

Ipinarating kasi sa kanya ng isang kaibigan na ginamit ang kanyang mukha sa isang porn video. Hindi nagdalawang-isip ang aktres na dumulog sa Senado para magreklamo.

Pahayag ni Angel, “I think any one of us, kung makita natin ‘yung mukha natin na nasa isang porn video, I don’t know how you’d feel, but it’s really nakakabastos.

“Nang malaman ko ang aking deepfake, ang aking reaksiyon ay parehong panloob at pisikal. Para kong nasusuka. Nakaramdam ako ng sakit, pagkahilo, pagkalito, at pagkatulala sa simula. Pagkatapos, ito ay inis at galit bilang isang tao sa isang mapanghimagsik at nakakahiyang paraan.”

Patuloy pa ng aktres, “Naiintindihan ko na ang pagiging pampublikong pag-aari ay isa sa mga trade-off ng trabahong ito. Pero sana naman, hanggang sa isang lawak lang, ‘di ba? Ang paglalagay ng ating sarili doon ay hindi nagbibigay ng pahintulot sa mga tao na murahin tayo, siraan tayo, i-harass, o paghiwalayin tayo, o gawin ang anumang gusto nilang gawin sa atin.”

Sa kabilang banda, ikinuwento rin ni Queen Hera kung paano ginamit ang larawan ng kanyang anak para sa isang porn.

Pahayag nito, “May nag-DM sa akin sa Instagram (IG) saying na ‘yung anak ko ay nakita sa isang dark web. At nakita ko mismo ‘yung picture n’ya. Naka-edit ‘yung mukha n’ya sa isang private part ng isang lalaki.

“As a mother, sobrang heartbreaking noon para sa akin. I felt helpless at that time, and knowing na parang wala nang safe kahit online, kahit inosente ang post mo, hindi ito ligtas sa mga taong nakakapanood.”

Nagsampa na raw siya ng reklamo, pero inamin ng Philippine National Police (PNP) na mahirap matunton ang mga salarin.

Ang mga apps na “nudify” na pinapagana ng AI (artificial intelligence) ay isang mapanlinlang na site o digital blackmail.

Umapela si Angel para sa mga batas na mahuli at maparusahan ang mga gumagawa ng deepfakes.

“Ang mga malalaswang larawan at video na ito ay nakakasakit at lumalabag sa mga tunay na tao. Hinihimok ko kayong lahat na kumilos, parusahan ang mga may kasalanan, ang mga nagbabahagi at nagre-repost, ang mga website na nagho-host nito, ang mga platform na pumipikit habang ito ay kumakalat. 

“Ang mga kumikita rito ay may pananagutan dahil ang pinsala ay dumarami sa bawat pag-click, bawat pagbabahagi, bawat pagtingin,” ani Angel Aquino sa harap ng mga senador.

Hinimok naman ni Committee Chair Senator Risa Hontiveros ang gobyerno na kumilos nang mabilis.

Binanggit niya ang isang ulat na nagsasabing 95 porsiyento ng mga deepfakes ay pornograpiya at 90 porsiyento ng mga biktima ay mga kababaihan at bata. 

Binigyang-diin niya na kahit ang mga batang lalaki ay vulnerable sa deepfakes.

---

PRANGKA ang naging reaksiyon ni Andi Eigenmann sa mga komentong ‘madungis’ umano ang kanyang mga anak.

Dinepensahan niya sina Lilo at Koa nang makita ng mga netizens sa isang video na namimitas ng wildflower at mukhang magulo raw.

Prangka ang naging tugon ni Andi sa Instagram (IG) Stories niya. Binigyang-diin ng celebrity mom na mas gusto niyang maranasan ng kanyang mga anak ang buhay nang buo, kahit na ang ibig sabihin nito ay maging madumi, kaysa hindi maranasan ang ganda ng mundo.

Sa kanyang on-screen caption, tinugunan ng aktres ang mga batikos.

“Ang dami nang nagkokomento tungkol sa mga anak ko na mukhang madungis,” simula niya. 

Tinapos niya ang kanyang mensahe sa isang paalala tungkol sa kung ano ang tunay na mahalaga sa kanya bilang ina.

Aniya, “Walang magulang na perpekto, pero mas gugustuhin kong maging magulo sa buhay na buo, kaysa malinis sa pagkakaupo at mahiwalay dito.”

Hindi ito ang unang pagkakataon na lantarang ipinagtanggol ni Andi ang kanyang parenting. Mula nang lumipat sa Siargao kasama ang kanyang longtime partner na si Philmar Alipayo, madalas niyang idinidiin ang pagpapalaki sa kanyang mga anak na malapit sa kalikasan, inuuna ang mga karanasan kaysa sa kasikatan.