Beauty queen Shamcey Supsup, nakarekober na sa COVID-19

ni Lolet Abania | September 11, 2021

Nakarekober na ang beauty queen na si Shamcey Supsup sa COVID-19. Ito ang nai-share ni Shamcey sa kanyang Instagram ngayong Sabado, kung saan inamin niyang tinamaan siya ng virus tatlong linggo na ang nakalipas.

“3 weeks ago, what we all thought was just a simple flu turned out to be COVID,” caption ni Shamcey sa kanyang IG. Aniya, mabuting fully vaccinated na siya dahil sa nakaranas lamang siya ng mild hanggang moderate symptoms.

“I would describe it as a really, really bad flu. It was also the first time that I’ve experienced a total loss of smell and taste,” sabi pa ng beauty queen. “Lucky enough, we were able to get better at home,” dagdag niya. “Praying for everyone’s safety and for the pandemic to end soon.”

Sa ngayon, nagsisilbi si Shamcey bilang national director ng Miss Universe Philippines. Noong 2011 ni-represent ni Shamcey ang Pilipinas at nagwaging third runner-up sa 60th Miss Universe pageant.

Kelley Day, first runner-up sa Miss Eco International

ni Mary Gutierrez Almirañez | April 5, 2021

Kinoronahan bilang first runner-up ang pambato ng Pilipinas sa Miss Eco International pageant na si Kelley Day na ginanap sa Egypt ngayong Lunes nang umaga (PHL time), Abril 5.

Ayon sa ulat, pinahanga ni Kelley ang mga hurado sa naging sagot niya patungkol sa gender equality. Aniya, matatag ang gender equality sa bansa at sa industriyang ginagalawan niya. Gagamitin umano niya ang Miss Eco International upang isulong iyon sa iba pang panig ng mundo.

Sa ginanap na pageant ay siya rin ang itinanghal bilang Best in National Costume.

Napanalunan niya ang titulong Miss Eco Philippines 2019 sa ginanap na Miss World Philippines noong 2019. Matatandaang na-postpone ang kompetisyon dahil sa pandemya.

Si Kelley ay may height na 5’7’’ at isang Filipino-British.

"Congratulations for our winners of Miss Eco International. Our new queen is Gizzelle Mandy Uys and first runner-up Kelley Day from Philippines. Second runner-up is Alexandria Kelly from USA. Congratulations all!” pagbati pa ng Miss Eco International organization sa kanilang Facebook post.

Samantha Bernardo, Miss Grand International 1st runner-up

ni Ronalyn Seminiano Reonico | March 28, 2021

https://www.youtube.com/watch?v=iHQpjICj39M

Wagi bilang Miss Grand International 1st runner-up ang pambato ng Pilipinas na si Samantha Bernardo sa ginanap na grand coronation night sa Bangkok, Thailand kahapon, Sabado.

Si Miss USA Abena Appiah ang kinoronahan bilang Miss Grand International 2020, second runner-up naman si Miss Guatemala, 3rd runner-up si Miss Grand Indonesia, at si Miss Grand Brazil ang fourth runner-up.

Hindi man nasungkit ang pinakamataas na korona, marami pa ring manonood ang humanga sa naging sagot ni Samantha sa Q&A portion kung saan tinanong siya kung kanino niya ibibigay ang huling COVID-19 vaccine, kung sa 15-anyos o sa 70-year-old.

Sagot ni Samantha, “My heart goes to the senior citizen because my mom is turning into senior citizen and I experienced the loss of my dad four years ago and I cannot afford to lose my mom. My heart goes to them because they are the most vulnerable during this time.

https://www.youtube.com/watch?v=VrGqUcFBamM

“A 15-year old has the stamina to fight the COVID-19 pandemic and with proper exercise and healthy living they can live with it. I know as well that every citizen here will choose and never afford to lose their parents and so I will choose senior citizen.