Kauna-unahang kaso sa Australia... 2 pasahero positibo sa Omicron variant

ni Lolet Abania | November 28, 2021

Ipinahayag ng mga health officials sa Australia ngayong Linggo na naka-detect sila sa kauna-unahang pagkakataon ng COVID-19 Omicron variant matapos na masuri ang dalawang pasahero na nagmula sa southern Africa at lumipad patungong Sydney.

Ayon sa eastern state health authority ng New South Wales, nagsagawa sila ng agarang genomic testing at nakumpirma na tinamaan ng bagong strain ang dalawang pasahero na dumating sa Sydney nitong Sabado.

Sa isang statement ng NSW Health, ang parehong pasahero ay nanggaling sa southern Africa at dumating sa Australia sakay ng Qatar Airways flight via Doha.

Nagpositibo sila sa test sa COVID-19 ilang saglit lang matapos dumating sa naturang bansa, na nagresulta sa agad nilang analysis sa posibleng impeksyon ng matinding mutation ng Omicron strain.

“The two positive cases, who were asymptomatic, are in isolation in the special health accommodation. Both people are fully vaccinated,” sabi ng NSW Health.

Sinabi naman ng health authority na mayroong 12 pasahero pa mula sa southern Africa na nasa pareho ring flight ang nagnegatibo sa test sa COVID-19, subalit isinailalim na sila sa quarantine.

Gayundin, tinatayang 260 passengers at crew sa nabanggit na eroplano ang pinayuhan nang mag-isolate.

Australian helicopter, bumagsak sa silangang Luzon, 3 crew sugatan — AFP

ni Lolet Abania | October 14, 2021

Tatlong crew member ang nasugatan matapos na ang Royal Australian Navy MH-60R Seahawk helicopter ay bumagsak habang transiting o papadaan sa silangang bahagi ng Luzon nitong Miyerkules ng gabi, batay sa report ngayong Huwebes ng Armed Forces of the Philippines (AFP).

Ayon kay AFP spokesperson Col. Ramon Zagala, ang tatlong sakay na crew members ay ligtas na narekober ng Royal Australian Navy ship na HMAS Brisbane, kung saan naroon malapit sa lugar.

Sinabi ni Zagala na ang MH60R Seahawk ay nag-o-operate mula sa HMAS Brisbane, na naiulat na may regional presence deployment sa Royal Australian Navy HMAS Warramunga.

“The AFP is still coordinating with its Australian counterparts on the matter and has expressed readiness to provide assistance,” ani Zagala. Base sa reports mula sa Royal Australian Navy, maraming ships ang nagsasagawa ng tinatawag na “a number of navy-to-navy engagements with partner nations” sa Southeast at Northeast Asia.

Sa inilabas na press statement mula sa Australian Department of Defense, ayon sa kanila ang mga crew members ay ligtas na at agad namang nakatanggap ng first aid sa natamo nilang minor injuries.

Ang HMAS Brisbane at HMAS Warramunga ay nagsasagawa na ng pagsisiyasat sa lugar sa anumang debris para alamin at madetermina ang naging dahilan ng insidente.

Ayon kay Rear Admiral Mark Hammond ng Australian Fleet command, bilang pag-iingat aniya, “We have temporarily paused flying operations of the MH-60R Seahawk fleet.”

P57M halaga ng medical equipment, donasyon ng Australia sa ‘Pinas

ni Lolet Abania | September 29, 2021

Nasa P57 milyon halaga ng mga medical equipment, suplay at personal protective equipment (PPE) ang ibinigay ng Australian government kahapon sa Armed Forces of the Philippines (AFP).

Sa isang statement ng AFP ngayong Miyerkules, sina Department of National Defense Secretary Delfin Lorenzana at AFP chief Lieutenant General Jose Faustino Jr., ang opisyal na tumanggap ng donasyon ng Australia sa isang ceremony sa Pier 15, South Harbor sa Manila.

Ilan sa mga items na donasyon ng Australia ay high flow oxygen machines, stretchers, defibrillators, disinfection kits, Automated RNA Extraction kit, Viral RNA Extraction kit, RT-PCR Reagents at Detection kit, face masks, face shields, PPE level 3 at level 4 sets, eye protectors at KN95 masks.

Ayon sa AFP, ang mga medical equipment ay ide-deliver sa Victoriano Luna Medical Center (VLMC) bilang suporta sa kanilang COVID-19 response, mga testing efforts at kapasidad para sa hospitalization ng mga minor hanggang sa mga critical patients ng pagamutan.

Sinabi ni Lorenzana na pinalawak ng Defense Cooperation Program ng Australia ang pagtulong sa mga pangangailangan sa COVID-19 pandemic ng mga sundalong Pilipino. “Certainly, these donations will ramp up the day-to-day clinical management and quality of care and service which AFP’s medical arm is expected to provide,” ani Lorenzana.

Labis naman ang kasiyahan ni Australian Ambassador to the Philippines Steven Robinson na nakatulong ang kanyang bansa sa pamamagitan ng pagbibigay ng mabilis at agarang suporta sa pangangailangan ng Pilipinas.

“These additional medical and personal protective equipment will be critical in VLMC’s COVID-19 testing efforts, and treatment of COVID patients,” sabi ni Robinson.

Pinasalamatan din ni Faustino ang Australian government at nangakong ang kanilang mga donasyon ay gagamitin sa nararapat at tamang paraan.