ni Beth Gelena @Bulgary| September 2, 2024
Ibinida ni Neil Arce ang pagrampa ng anak na si Joaquin sa Bench Fashion Week kamakailan. Makikita sa Instagram (IG) account ni Joaquin ang ilan niyang kuhang larawan habang rumarampa.
Ini-repost naman ni Neil sa kanyang IG account ang kuhang larawan ng anak. Ang daming napa-wow sa pagrampa ni Joaquin sa runway dahil hitsurang hasang-hasa na siya.
Paano ba naman, handsomely looking si Joaquin sa kanyang outfit na white polo with black necktie na pinarisan ng green blazer.
Ani ng proud father, “When they’re no longer a baby. Good job, child @js.arce.”
Sa comment section ng IG ni Neil, hindi ang mga papuri kay Joaquin ang mababasa kundi ang paghahanap ng mga followers nila sa misis niyang aktres, si Angel Locsin.
Sey ng mga fans:
“Sir Neil, kailan po ba babalik si Angel sa showbiz? Tagal na po, eh.”
“Sir Neil, ilabas n’yo na po si Angel.”
“Idol, where ka na? Miss na miss ka na namin.”
“Labas! Darna, Labas.”
Two years na rin kasing hindi nagpaparamdam si Angel sa showbiz kaya hindi masisisi ang kanyang mga fans na hanapin o itanong ang aktres sa mister niyang si Neil Arce.
Bongga ng GF mo, Gerald!
PAGBILI NI JULIA NG ROLEX WATCH, NAKA-VIDEO PA
KINUNAN ng video ang pagbili ni Julia Barretto ng Rolex sa store ng kanyang brother-in-law na si Xavi Panlilio, ang mister ng eldest sister na si Dani Barretto.
Ishinare ni Xavi ang kuhang video ni Julia habang pumipili ng Rolex watch. Nang may makita, agad na kinuha ni Julia at binayaran.
Ani Xavi, “Done deal. Thanks for stopping by.”
Ibinulgar pa ni Xavi na ang binili ng aktres ay Rolex Explorer 124273. Si Xavi ay isa sa mga partners ng reselling luxury timepieces.
Ang daming nakapanood ng video kaya naman napuno ang comment sections ng IG ni Xavi. Halos lahat ay nagtatanong kung saan naka-locate ang kanilang store.
Tila naging endorser tuloy ng luxury watch si Julia.
Para-paraan lang ‘yan, ‘di ba, Xavi? Char!
