Nag-iingay sa X, na-hack daw… KALAT NA: ANGEL, BALIK-GMA-7

ni Julie Bonifacio @Winner | Jan. 17, 2025

Photo: Angel Locson - FB

Naayos na ang problema ni Angel Locsin sa X (dating Twitter) pagkatapos maglabas ng official statement na na-hacked ang kanyang account.

Itinag ni Angel ang kanyang mister at businessman na si Neil Arce at para i-repost din ang kanyang announcement na na-recover na niya ang kanyang account sa X kahapon.

Na-confirm ng mga netizens na si Angel mismo ang nag-post sa X dahil tinawag pa ng aktres si Neil ng “Mahal.” 

Ito ang post ni Angel, “Mahal ko, paki-confirm @neil_arce.”

Sa kabila nito, may nagduda pa rin kung si Angel na talaga ang nag-post ng mensahe sa itaas.

Sey ng mga netizens, “‘Pag na-confirm ‘to ni Neil Arce, tsaka ako maniniwala.”

Pero agad din namang may lumabas sa X na ini-repost ang message ni Angel ng may verified account name ni Neil.

Post ni Neil, “Account recovered!”

Idinudugtong naman ang pag-recover ni Angel ng kanyang social media (socmed) account sa isang blind item na may babalik sa Kapuso na ‘di naispatan sa ABS-CBN Christmas ID for the last two years.

Swak daw ang description kay Angel kaya na-excite ang mga Kapuso fans.

True kaya?

---

NAITANONG namin kay Ice Seguerra kung paano nila inayos ng kanyang partner na si Liza Diño ang billing ng mga artists na tampok sa kanilang Fire & Ice latest production, ang Love, Sessionistas (LS) concert sa The Theater at Solaire on February 8, Saturday.

Kasali sa Sessionistas group sina Juris Fernandez, Sitti, Princess Velasco, Nyoy Volante, Kean Cipriano, Duncan Ramos and siyempre, si Ice.

“Actually, napag-usapan namin ‘yun, pantay-pantay. Nu’ng una, nagdi-discuss kami ni Liza. Kasi siyempre, there’s so many things that you have to consider.

“So, parang sabi ni Liza which is a good decision. ‘Love, talk to the group about them and let them decide kung ano ang mangyayari sa billing,’” paliwanag ni Ice.

Biro naman ni Nyoy, idinaan sa height ang billing nila kaya una si Ice.

Aniya, “Kidding aside, siguro, that’s one thing I love about the group. Siguro, kaya we are good together because walang ego. Kumbaga, we’re all confident sa mga sari-sarili naming talento. 

“Pero ‘pag magkakasama-sama kami, all ego go and left out of the door. Parang ang goal namin is to have fun, do good music and just be happy. It doesn’t matter, really.

“Ito ngang si Juris, nakakatawa. ‘Kahit sino na lang. Bahala na,’ parang aburidung-aburido nu’ng pinag-uusapan ang billing,” sabi ni Ice.

Nagpaalam din sila siyempre sa management ng bawat Sessionista na kasali sa concert. 

Ayon kay Ice, “Meron kaming GC, so, nandu’n kami, ‘yung artists, nandoon ‘yung mga managers nila.

“Ang maganda lang sa amin, the relationship sa amin is sobrang solid. We inform, kumbaga, pag-uusapan namin as a group, they will inform their managers, pero siyempre, nandu’n pa rin out of respect sa management. Pero sa usapan namin, ‘O, game ba tayo dito?’”

And then, tinanong din namin si Ice kung nagpaalam ba sila sa ASAP ng ABS-CBN.

“Actually, nagpaalam ako sa kanila. Siyempre, because you know, we have a small industry and as much as possible, we don’t want to burn bridges.

“Malaki ang respeto namin sa ABS-CBN especially sa ASAP because sila ang nagbuo sa ‘min, eh. And na-excite nga sila for us na parang, ‘Oh, my God! I’m so happy.’ And they’re very, very supportive,” lahad pa ni Ice.

X account niya, na-hack daw… SIGAW NG NETIZENS: ANGEL, NAG-IINGAY LANG SA PAGBABALIK-SHOWBIZ

ni Beth Gelena @Bulgary | Jan. 17, 2025

Photo: Angel Locson - FB

Na-recover na ang X (dating Twitter) account ni Angel Locsin. Mismong ang aktres ang nag-post sa kanyang account, “Hello everyone, long time no chat. I just wanna say I have recovered my X account (totoo na 'to, pramis). Thank you sa mga tumulong and @X for helping. I miss you all and ingat lagi.” 

Mukhang may tampo ang isang netizen na ang sabi, “Eme-eme rin ‘tong mag-asawa, eh. Ba’t ‘di na lang i-deactivate ‘yung social media kung ‘di naman magpo-post at mag-a-update sa mga fans? Yes, pala-desisyon ako. Iniwan sa ere ang fans porke’t yumaman na at kaya nang mabuhay kahit walang work. Tapos, hihingi ulit ng suporta kapag may kailangan? Tse!”

Pagtatanggol naman ng isa, “You don’t know what their reasons were when they decided to keep quiet, so stop judging. Tigilan na ang 'yumaman lang' eme.”  

Iba-iba ang opinyon ng iba pang netizens:  

“Pero sana nga, may official statement na hiatus s’ya, para ‘yung fans n’ya, ‘di rin nangungulit sa productions na kunin siya.” 

“Testing the waters s’ya if miss na s’ya ng mga tao. Kung talagang ayaw n’ya na magparamdam forever, puwede naman ‘yung husband na lang ang nag-confirm na na-recover na.”  

“I don’t think she needs to do that. Ilang years na siyang walang paramdam at all pero palagi pa rin s’yang hinahanap. ‘Pag may mga disasters, mas hinahanap pa s’ya ng mga tao kaysa sa mga pulitiko.”  

“Labo… May mga namba-bash, bakit hindi raw si Angel ang magsalita na na-hack, bakit need pa raw si Neil ang magsabi? Ngayon naman, may nagrereklamo pa rin bakit hindi na lang si Neil ang nag-confirm. Hirap lumugar.”

“If not for the hacked X account, we would have not heard from you. Thank you for the tweet. I miss you, Gel! — Your HS classmate in 3rd year.” 

“At least sa wakas, nagparamdam na si Angel. In fairness, may mga talagang loyal na naghahanap ng update sa kanya.”

“Salamat sa hacker, nagparamdam s’ya. Hahaha!”

Tuloy, may nagtatanong kung promo lang daw ba na na-hack ang X account ni Angel Locsin para sa kanyang pagbabalik?  

---

FAMAS at Urian Best Actress… HIRIT NG FANS: JANINE, OA AT NANANAPAW UMARTE 

Janine Gutierrez - IG

Inanunsyo na ng DreamscapePH sa Instagram (IG) account nila na ang title ng bagong project nina Jericho Rosales at Janine Gutierrez after Lavender Fields ay The Accused (TA).

As usual, pawang pamimintas ang mababasa sa komento tungkol sa EchoNine, lalo na sa parte ng aktres. 

“Sorry pero nakakaumay na ang histerikal at asim-mukhang acting ni Janine.”

“Hindi naman sinabing walang ibubuga si Janine. Pansin lang madalas OA and nananapaw sa eksena. Exaggerated, maski subtle lang dapat ang acting na needed.”

“Ayoko namang kuwestiyunin ang credibility ng FAMAS at Urian pero ‘di ko makita ‘yung nakita nila kay Janine.”  

FYI, tinanghal na Best Actress si Janine sa FAMAS at Urian nu’ng 2020 para sa pelikula niyang The Woman and the Gun.

Depensa ng fan: “Hindi sila bibigyan ng follow-up series kung hindi sila nakitaan ng galing sa pag-arte. Both are incredible performers. There’s a lot of artists but few are great actors.”

May nagtanong pa, “Favorite talaga ng Dos ‘tong si Janine. Daming homegrown talent like si Janella na ‘di nabibigyan ng taun-taong teleserye.”  

“Paano bibigyan ng project si Janella, concert nga, ‘di mapanindigan, series pa?”

“Ganu’n talaga ‘pag professional!” 

“Sana naman, galingan ‘yung istorya this time. Nasayang ang talents ng dalawa, pati ni Jodi sa LF.”

May ganern?

‘Di pa rin pumapayat… ANGEL, TODO-ENJOY SA GAMING, ‘DI PA FEEL BUMALIK SA SHOWBIZ

ni Vinia Vivar @Frankly Speaking | Dec. 14, 2024

Photo: Angel Locsin - FB

Sa mga nagtatanong kung nasaan na ba talaga si Angel Locsin na matagal nang ‘missing in action’ o MIA sa showbiz, wala raw kayong dapat ipag-alala dahil okey na okey ang aktres.

Matatandaan nga kasing muling nag-trending kamakailan si Angel dahil hinahanap siya ng mga tao sa Christmas Station ID ng ABS-CBN.

During her active years nga naman kasi ay isa ang aktres sa mga prominent Kapamilya celebrities sa Christmas Station ID at hindi nawawala ang kanyang presence.

Mahigit dalawang taon nang hindi nagpapakita si Angel sa publiko at kahit sa kanyang socmed (social media) accounts ay hindi na rin siya aktibo.

Ayon kay Ogie Diaz sa kanyang latest vlog ay okey na okey si Angel at abalang-abala raw sa gaming. Kung ano’ng klaseng gaming ito ay hindi na niya idinetalye pa.

“Si Angel Locsin po ay busy sa kanyang paglalaro sa gaming at parang wala s’yang plano pa muna na bumalik sa pag-aartista,” sey ni Ogie.

Sinabi rin niya na kailangang ‘in good shape’ muna ang aktres kung magbabalik ito sa showbiz.

From time to time ay nagbibigay din naman ng update ang best friend ni Angel na si Dimples Romana kapag natatanong siya ng press.

Ayon kay Dimples in her past interviews, maligayang-maligaya raw ngayon si Angel sa kanyang married life with Neil Arce at hindi pa nga raw nito naiisip magbalik-showbiz.

---

INAMIN ni Enrique Gil na may tsansa na magkasama pa rin sila sa isang proyekto ng dating girlfriend at ka-love team na si Liza Soberano.

Sa latest interview ng ABS-CBN sa aktor ay natanong siya kung ano ang update sa planong pagko-co-produce nila ng isang horror project.

“Yes, she is interested but she is in the US right now, she's in LA. But we talked about it for a bit. Yeah, she is interested but she is there right now,” sey ni Quen.

“So, who knows? Maybe next year. Sana, kung may time,” dagdag pa niya.

Sa isang panayam last November ay naibahagi na ni Quen ang possible collaboration nila ng ex-GF.

“We were talking the other day and sabi n’ya, she is really interested in my other project, the horror. When she comes back, we will talk about the storyboard. She also has a prod company there. Eventually, magko-collab kami,” sey ni Quen sa naturang panayam.

Samantala, naibalita rin ng aktor na balik-teleserye na siya ngayong 2025. Aniya ay kukunan daw ito sa Europe pero hindi pa niya sinabi kung ano ang title at kung sinu-sino ang makakasama niya.

“Mayroon nang leading lady, pero I don't think kung puwede pa. Hindi ko pa nakakausap. Nagmi-meeting kasi sila, nagpo-promo kami. So, hindi ko alam kung puwede nilang sabihin.

But as far as I know - yes, may naka-lock-in na for that. Excited na raw siya, nagte-training na raw, nagre-ready na,” sabi ng actor.

About the genre, sey ni Quen, “Gusto ko action s’ya, pero action-comedy, medyo may pagka-lightness. Kasi usually, super-bigat lagi ng mga action, so I wanted it medyo siyempre, may rom-com involved. Kailangan ‘yun sa TV, eh. Pero it’s kumbaga, medyo Ryan Reynolds-

ish na may lightness but there’s some mafia involved.”

Co-produced daw nila ng ABS-CBN ang upcoming series at konsepto rin daw niya kaya naman excited na siya.