NCR at 47 iba pang lugar, Alert Level 1 mula Marso 16-31 — IATF

ni Lolet Abania | March 15, 2022

Isinailalim ng Inter-Agency Task Force on Emerging Infectious Diseases (IATF) ang National Capital Region (NCR) at 47 iba pang lugar sa bansa sa Alert Level 1, simula Marso 16 hanggang Marso 31, ayon kay acting presidential spokesman Martin Andanar ngayong Martes.

Bukod sa NCR, ang sumusunod na lugar sa Luzon na isasailalim sa Alert Level 1 ay:

• Cordillera Administrative Region

• Abra

• Apayao

• Baguio City

• Kalinga Region 1

• Dagupan City

• Ilocos Norte

• Ilocos Sur

• La Union

• Pangasinan Region II

• Batanes

• Cagayan

• City of Santiago

• Isabela

• Quirino Region III

• Angeles City

• Aurora

• Bataan

• Bulacan

• Nueva Ecija

• Olongapo City

• Pampanga

• Tarlac

• Zambales Region IV-A

• Batangas

• Cavite

• Laguna

• Lucena City Region IV-B

• Marinduque

• Puerto Princesa City

• Romblon Region V

• Naga City

• Catanduanes

Sa Visayas, ang mga lugar na isasailalim sa Alert Level 1: Region VI

• Aklan

• Bacolod City

• Capiz

• Guimaras

• Iloilo City Region VII

• Cebu City

• Siquijor

• Region VIII

• Biliran

• Ormoc City

• Tacloban City

Sa Mindanao, ang mga lugar na isasailalim sa Alert Level 1: Region IX

• Zamboanga City Region X

• Cagayan de Oro City

• Camiguin Region XI

• Davao City CARAGA

• Butuan City

Ang mga lugar na wala sa listahan ay isasailalim naman sa Alert Level 2 mula Marso 16 hanggang 31.

Sabit at nakatayo sa bus at jeep, bawal — MMDA

ni Lolet Abania | March 1, 2022

Ipinagbabawal sa mga jeep at bus ang mga nakatayo at nakasabit na pasahero sa ilalim ng Alert Level 1, habang pinapayagan lamang ang mga ito para sa full seating capacity, ayon sa Metropolitan Manila Development Authority (MMDA).

Sa isang interview ngayong Martes kay MMDA officer-in-charge at General Manager Romando Artes, tinalakay na nila ang isyung ito sa Land Transportation Franchising and Regulatory Board (LTFRB).

“Hindi papayagan ‘yung tayuan dahil ang nakalagay po sa guidelines ng IATF ay full seating capacity, meaning ‘yung kapasidad lang po ng sasakyan kung saan ang pasahero ay nakaupo. ‘Yun lamang po ‘yung papayagan except po sa MRT... sa capacity ‘yung nakatayo kasi kung makikita niyo ang MRT naman po, LRT, designed po na kaunti lang ang nakaupo at mas maraming nakatayo. Except po doon, sa mga buses at jeepneys po, full seating capacity lang,” paliwanag ni Artes.

Una nang isinailalim simula Marso 1 hanggang 15, ang National Capital Region (NCR) at 38 pang lugar sa bansa sa Alert Level 1, ang pinakamababang COVID-19 risk classification.

Sa ilalim ng Alert Level 1, ang intrazonal at interzonal travel ay pinapayagan na anumang edad at mayroong comorbidities. Lahat ng establisimyento, mga indibidwal, o aktibidad, ay pinayagang na ring mag-operate, magtrabaho, o magkaroon ng full on-site o venue/seating capacity subalit dapat na ipinatutupad pa rin ang minimum public health standards.

Sa ngayon, ayon kay Artes, ang implementasyon ng full capacity sa mga public transport ay naging maayos. Aniya, ang mga pasahero ay mas disiplinado na at self-regulating na rin.

“Sa ngayon, maayos naman po yung pagpapatupad. Sa tingin naman po namin nadisiplina na yung mga tao at nagse-self-regulate din po,” ani Artes.

Alert Level 1 sa NCR, i-postpone muna — PHAPI

ni Lolet Abania | February 24, 2022

Inihirit ng samahan ng mga ospital sa bansa sa gobyerno, na maghintay na muna ng dalawa pang linggo at i-monitor ang trend ng COVID-19 cases bago tuluyang isailalim ang National Capital Region (NCR) sa Alert Level 1.

Sa Laging Handa briefing ngayong Huwebes, sinabi ng pangulo ng Private Hospitals Association of the Philippines (PHAPI) na si Jose de Grano, na posibleng balewalain ng mga tao ang minimum health standards kapag nag-shift na ang bansa sa pinakamababang alert level.

“Sa amin, ang rekomendasyon namin kung maaari ay maghintay tayo ng another two weeks. Pero kung iyon ang decision ng ating mga IATF, susunod naman po kami,” giit ni De Grano.

Ayon kay De Grano, nagiging maingat lamang ang hospital groups sa posibleng pagsirit ulit ng COVID-19 cases sa bansa kung saan nagsimula na rin ang election campaign period.

“Worried kami na baka after this, luwagan natin masyado, iyong mga tao ay hindi na sumunod sa mga minimum protocols. Baka bigla ulit magkaroon ng surge,” pagliwanag ng opisyal.

Una nang napagkasunduan ng mga mayors sa NCR na irekomenda ang pagsasailalim sa rehiyon sa Alert Level 1 mula sa dating Alert Level 2 simula Marso 1, 2022.

Sa ilalim ng Alert Level 1, papayagan na ang intrazonal at interzonal travel sa kahit ano pang edad at comorbidities.

Ang lahat ng establisimyento, mga indibidwal o aktibidad, ay papayagan ding mag-operate, habang ang mga magtatrabaho, o anumang katulad nito ay nasa full on-site o venue/seating capacity na subalit dapat na ipinatutupad ang minimum public health standards.