Mga lugar na isinailalim sa Alert Level 4 at 3

ni Jasmin Joy Evangelista | January 21, 2022

Isasailalim na sa Alert Level 4 ang Kalinga, Ifugao, Mountain Province, at Northern Samar, ayon kay Cabinet Secretary Karlo Nograles.

Magsisimula itong ipatupad sa January 21 hanggang sa January 31, 2022.

Ang mga lugar naman na nasa ilalim ng Alert Level 3 ay:

*  Luzon

*  Apayao

*  Puerto Princesa City

*  Masbate

* Visayas

*  Siquijor

* Mindanao

*  Zamboanga del Norte

*  Zamboanga Sibugay 

*  Lanao del Norte 

*  Davao de Oro

*  Davao Oriental 

*  North Cotabato

*  Sarangani

*  Sultan Kudarat

*  Surigao del Norte

*  Maguindanao

*  Basilan 

Nitong Huwebes, kinumpirma ng Department of Health ang 31,000 bagong kaso ng COVID-19 sa bansa kung saan ang kabuuang bilang ng active infections ay nasa 275,000 na.

Dahil sa grabeng pagtaas ng COVID-19 cases... Alert Level 4 sa NCR, inihahanda na – DOH

ni Lolet Abania | January 8, 2022

Ipinahayag ni Department of Health (DOH) Secretary Francisco Duque III ngayong Sabado ang posibilidad na nai-upgrade o itaas ang quarantine status sa National Capital Region (NCR) sa Alert Level 4 habang patuloy ang pagtaas ng mga kaso ng COVID-19.

Sa isang interview, sinabi ni Duque na kinokonsidera na ng Inter-Agency Task Force for the Management of Emerging Infectious Disease (IATF) na itaas ang COVID-19 alert level sa Metro Manila dahil sa ang healthcare care utilization rate sa nasabing rehiyon ay malapit na sa moderate risk.

“Madali na lang ‘yan pumalo sa moderate risk, which means 50 to 70% utilization rate. Nasa 47 to 48% na tayo sa ngayon ‘yun sa ICUs (intensive care unit) natin sa NCR,” sabi ni Duque.

“Healthcare workers natin marami rin ang nagkakasakit,” dagdag pa ng kalihim.

Ayon kay Duque, sinisikap ng gobyerno na maiwasan ang ganitong sitwasyon, kung saan mayroong sapat na bed spaces sa mga ospital subalit hindi sapat ang mga healthcare workers dahil sa pagdami ng tinatamaan ng infections sa kanilang grupo.

“’Yun ang kinakatakutan natin. Pinaghahandaan natin ‘yan [kaya] hindi malayo ang NCR ipasya na mag-Alert Level 4,” ani Duque.

Samantala, ang Philippine National Police (PNP) ay naghahanda na para sa pagpapatupad ng mas mahigpit na measures sa ilalim ng Alert Level 4, sakaling ang kasalukuyang protocols ay mabigong mapigilan ang pagtaas pa ng COVID-19 cases, ayon kay PNP chief Police General Dionardo Carlos.

Sinabi ni Carlos na nagpe-prepare na ang pulisya para sa recalibration ng deployment at strategies na kanilang gagawin.

“We will take the cue from the NCR (National Capital Region) which has already implemented Alert Level 3 starting Monday, January 3.

So far, everything is working smoothly. We instructed our police personnel to be fully aware of the guidelines,” pahayag ni Carlos.

Mula Nob. 1-14... Alert Level 3 pa rin NCR, 10 lugar — Malacañang

ni Lolet Abania | October 29, 2021

Pinalawig pa ng gobyerno sa Alert Level 3 classification ang National Capital Region (NCR) ng hanggang unang dalawang linggo ng Nobyembre, ayon sa Malacañang ngayong Biyernes.

Sa isang press briefing, sinabi ni Presidential Spokesperson Harry Roque na ang NCR at 10 iba pang lugar ay isasailalim sa Alert Level 3 mula Nobyembre 1 hanggang 14, 2021.

Bukod sa NCR, nasa Alert Level 3 din ang Baguio City (isinama bilang isang lugar para sa special monitoring), Bataan, Cavite, Laguna, Rizal, Iloilo City, Siquijor, Lanao del Norte, Davao City, Davao del Norte.

“Inuunti-unti natin ang pagbaba ng alert system para hindi sumipa ang COVID-19 cases,” paliwanag ni Roque kung bakit ang NCR ay mananatili sa ilalim ng Alert Level 3.

Sa ilalim ng Alert Level 3, maraming establisimyento, kabilang na ang mga restaurants, gyms, cinemas at movie houses ang papayagan nang mag-operate ng 30% indoor venue capacity na para lamang sa mga indibidwal na fully vaccinated at 50% outdoor venue capacity, subalit lahat ng mga empleyado ay fully vaccinated na.

Gayunman, ayon kay Roque, inaprubahan na ngayon ng pamahalaan na madagdagan ang operational capacity para sa pampublikong transportasyon ng hanggang 70% simula sa Nobyembre 4.

“The DOTr (Department of Transportation) will issue a memo on this,” sabi Roque. Sa pareho ring briefing, inianunsiyo naman ni Roque na ang Aurora, Bacolod City, Negros Oriental at Davao Occidental ay isasailalim sa Alert Level 4.

Samantala, ang mga lugar na isasailalim sa Alert Level 2 ay ang mga sumusunod:

• Angeles City

• Bulacan

• Nueva Ecija

• Olongapo City

• Pampanga

• Tarlac

• Batangas

• Quezon

• Lucena City

• Aklan

• Antique

• Capiz

• Guimaras

• Iloilo

• Negros Occidental

• Bohol

• Cebu City

• Lapu-Lapu City

• Mandaue City

• Cebu

• Bukidnon

• Cagayan de Oro City

• Camiguin

• Iligan City

• Misamis Occidental

• Misamis Oriental

• Davao de Oro

• Davao del Sur

• Davao Oriental