Taguig Rep. Cayetano, tatakbong senador sa 2022 elections

ni Lolet Abania | October 7, 2021

Inianunsiyo ni Taguig Representative Alan Peter Cayetano ngayong Huwebes na tatakbo siyang senador sa 2022 national elections.

Ito ang naging pahayag ni Cayetano na kanyang political plan sa isang press conference sa Taguig City.

Una nang sinabi ni Cayetano na kinokonsidera niyang tumakbo sa pagka-pangulo dahil aniya ito sa paglaganap ng mga online casino at cockfights o sabong.

Subalit, nagdesisyon ang mambabatas na huwag itong ituloy dahil aniya, magdudulot lamang ito ng dibisyon kapag tumakbo siyang presidente.

Ang dating Speaker ay naging miyembro na rin ng Senado mula 2007 hanggang 2017, habang ang kanyang kapatid na si Pia Cayetano ay isang incumbent senator.

Cayetano, itinalaga bilang Camarines Sur 1st District Caretaker

ni Ronalyn Seminiano Reonico | September 3, 2020

Pormal nang itinalaga ng House of Representatives si Speaker Alan Peter Cayetano bilang tagapangalaga ng Camarines Sur 1st District sa ginanap na plenary session nitong Miyerkules.

Saad ni Deputy Majority Leader Wilter Wee Palma II, “Mr. Speaker, in the interest of the people of the 1st District of Camarines Sur, I move that we designate the Speaker, Alan Peter ‘Campañero’ S. Cayetano, as the legislative caretaker of the 1st District of Camarines Sur.”

Wala namang tumutol sa naturang pahayag ni Palma.

Ang dating tagapangalaga ng Camarines Sur 1st District ay si Marissa Andaya na pumanaw nitong July 5 dahil sa sakit na cancer.