Dasal at penitensiya para sa Afghanistan, hiling ni Pope Francis

ni Jasmin Joy Evangelista | August 30, 2021

Hiniling ni Pope Francis sa mga Kristiyano sa buong mundo na kung maaari ay magdasal at mag-fasting upang hilingin sa Panginoon ang kapayapaan at kaayusan sa Afghanistan.

Sa kanyang mensahe sa mga pilgrims at turista sa St. Peter’s Square para sa kanyang weekly blessing, sinabi ni Pope Francis na siya ay lubos na nag-aalala at nakikiramay sa mga nasawi sa naganap na suicide bombing sa Kabul airport.

"I ask all to continue to help those in need and to pray so that dialogue and solidarity can bring about a peaceful and fraternal coexistence th

at offers hope for the future of the country," saad ng Santo Papa.

"As Christians, this situation commits us. And because of this I appeal to everyone to intensify prayer and carry out fasting, prayer and fasting, prayer and penitence. Now is the time to do it."

Ang naganap na suicide attacks noong Huwebes ay nagdulot ng pagkasawi ng mga Afghan at 13 American troops sa labas ng mga gate ng airport kung saan libu-libo ang nag-aabang na makasama sa flight palabas ng bansa.

Drone strike ng US vs. nagpasabog sa Kabul Airport, sinimulan na

ni Ronalyn Seminiano Reonico | August 28, 2021

Nagsagawa ng drone strikes ang United States laban sa diumano'y planner ng Islamic-State na itinuturong nasa likod ng pagpapasabog sa Kabul airport sa Afghanistan na naging dahilan ng pagkasawi ng 13 sundalong Amerikano, ayon sa US military noong Biyernes.

Saad ni Captain Bill Urban of the Central Command, "The unmanned airstrike occurred in the Nangarhar Province of Afghanistan. Initial indications are that we killed the target. We know of no civilian casualties."

Noong Huwebes, umabot sa higit-kumulang 78 katao ang nasawi kabilang na ang 13 sundalong Amerikano nang bombahin ang Abbey Gate ng airport kung saan naroroon ang ilang puwersa ng US dahil sa pagpapalikas sa mga nais umalis ng Afghanistan.

Matapos ang insidente, kaagad namang naglabas ng pahayag si President Joe Biden at aniya, "To those who carried out this attack as well as anyone who wishes America harm, know this: We will not forgive. We will not forget. We will hunt you down and make you pay.”

13 Kanong sundalo, patay... Mga nambomba sa Kabul airport, ipinahahanap ni Biden

ni Ronalyn Seminiano Reonico | August 27, 2021

Ipinahahanap ni President Joe Biden ang mga nasa likod ng pag-atake sa Kabul airport sa Afghanistan noong Huwebes na naging dahilan ng pagkasawi ng ilang tropa ng United States.

Saad ni Biden, "We will not forgive, we will not forget. We will hunt you down and make you pay.”

Pinaniniwalaang ang ISIS group ang nasa likod ng naturang pambobomba sa airport.

Saad pa ni Biden, "I have also ordered my commanders to develop operational plans to strike ISIS-K assets, leadership and facilities. We will respond with force and precision at our time, at the place we choose and the moment of our choosing.”

Samantala, nangako si Biden na magpapatuloy pa rin ang evacuations sa mga nais umalis ng Afghanistan.