Sexy vlogger, hindi raw kayang lokohin… IVANA, APRUB SA FANS NA KAPALIT NI JULIA KAY JOSHUA

ni Ador V. Saluta - @Adore Me! | January 21, 2022

Sa wakas, nag-level-up na rin from friendship to may 'kilig factor' na ang parehong Kapamilya stars na sina Joshua Garcia at Ivana Alawi.

Naglakas-loob na rin ang aktor para tanungin si Ivana kung siya ba'y 'dyodyowain' o 'totropahin' lang ng sikat na vlogger-actress.

Matatandaang ilang buwan na ang nakalilipas, sa isang vlog ni Ivana, inamin niyang crush niya si Joshua, sabay bati ng "Happy Birthday" sa araw mismo ng kaarawan ng aktor.

Of course, aminado naman si Joshua na nakakapagpataas 'yun ng kanyang self-confidence. 'Yun nga lang, after that, hindi pa nasundan ang pakilig ng dalawa.

Hanggang sa naging guest kamakailan si Joshua sa isang benefit show ng ABS-CBN para sa mga nasalanta ng bagyong Odette.

Si Joshua ang inatasan ng production staff para kumbidahin ang sikat na vlogger-actress para sa nasabing benefit show. May inihandaang portion ang show kung saa'y tatawagan ni Joshua si Ivana at ipa-prank niya ang dalaga.

Una'y alanganin pa si Joshua sa ideya kaya't hiniling nito sa production na mag-usap muna silang dalawa ni Ivana, hanggang sa naganap nga ang tawagan.

Sa bungad na tawag ni Joshua kay Ivana, agad niyang pinrank ito, "Hello, tumawag ka?"

Sagot ni Ivana na tila nabigla, "Ha?" at aniya'y hindi niya tinawagan ang aktor.

Hanggang sa natawa na lang si Joshua at sinagot si Ivana ng "Sorry, 'di ko kaya (mag-prank)."

Maya-maya, finally, nasabi na rin ni Joshua ang gustong sabihin kay Ivana.

"May itinatanong si Darla Sauler (producer ng event) sa 'yo, Ivana," at 'yun nga ay kung jojowain ba o totropahin siya nito.

Sa una, tila choppy daw ang boses at 'di kuno maintindihan ni Ivani ang sinasabi ni Darla, kaya't si Joshua na mismo ang nagtanong.

Ani Joshua, "Kung dyodyowain o totropahin mo raw ba ako, pinapatanong ni Darla."

Sagot ni Ivana, "Secret!" na halata namang kinikilig.

Hindi lang sina Ivana at Joshua ang kinilig sa posibleng pagkakamabutihan ng dalawa.

Maging ang kanilang mga fans ay happy sakaling mauwi sa pagiging mag-BF-GF ang kanilang kiligan at sweetness sa isa't isa.

Anila, pagkatapos ng naunsiyaming relasyon ni Joshua with Julia Barretto, "It's about time na harapin ni Joshua ang kanyang love life at maging masaya. After all, pareho silang single ni Ivana."

Well, abang-abang tayo!

Buong pamilya, nag-positive… BIANCA, NAG-SHARE NG TIPS PARA MALAGPASAN ANG COVID

ni Ador V. Saluta - @Adore Me! | January 20, 2022

Ikinuwento ng TV host na si Bianca Gonzalez ang pinagdaanan nito at ng kanyang pamilya noong magkaroon sila ng COVID-19.

Ibinahagi rin niya sa social media kung paano nila nalampasan ang pakikibaka sa Coronavirus.

"It hit our home as well, and thankfully, everyone hit had mild symptoms and we all have 'graduated' and are healthy and well," bungad ni Bianca sa kanyang Instagram post.

Payo pa ng PBB host, dapat daw ay mayroon silang routine para makontrol o maagapan ang virus.

"To anyone who is isolating now with mild symptoms or is asymptomatic, if you're feeling a bit restless or anxious, I feel yoooou. Sharing a few things that helped keep me in good spirits.

“1. Have some sort of routine. First two days of isolation, I felt lost and like I did not know what to do with myself. Grateful that I could still work and I am very lucky to be isolating in my WFH room. But from being used to thinking about a hundred things at once, biglang I just had to think about myself. 'Di naman kailangan todo-schedule, but some sort of routine or flow to your day that will help you feel like you have control of something, in the middle of everything beyond our control, helps."

"2. Get enough sleep. ‘Enough’ sleep is different for everyone, but try as much as you can to sleep straight at night. Too much sleep can make you feel heavy, too little sleep won't help you get the energy you need to recover.

“3. Get some sun, if you can. Outside your door, by the window, if you have access to it, getting morning sun and that natural Vitamin D is so good for you."

Dapat din daw ay may communications sa mga friends or 'batchmates'.

"It was oddly comforting to be messaging with friends who were also isolating. Makes you feel like you are in it together.

"'Yung talagang unrelated to your work, anything that can give you a different point of view that can help get your mind off worrying and more into this new thing you're figuring out. Hang in there, you got this! Sa mga nalagpasan din ito, happy graduation sa atin!!!"

Dagdag pang advice ni Bianca, "Let's continue to wash hands frequently and wear our masks, and get vaccinated and boosted when you can."

Trying hard noon kay James, nauntog na… NADINE, HAPING-HAPI SA BAGONG BF NA SI CHRISTOPHE

ni Ador V. Saluta - @Adore Me! | January 18, 2022

Isa sa mga naging kritiko ng singer-actress na si Nadine Lustre ay ang matapang na columnist-radio anchor na si Nanay Cristy Fermin.

Hindi pa katagalan noong mabatikos-punahin ni 'Nay Cristy si Nadine dahil sa pananamit nito nang bumili ng sarsa ng lechon sa isang sari-sari store sa isla ng Siargao.

Pero ngayong inilantad na ni Nadine ang pagkakakilanlan sa kanyang boyfriend na nagngangalang Christophe (walang R) sa kanyang IG official account, happy daw si 'Nay Cristy para sa aktres.

“Masaya ako para kay Nadine. Unang-una, she deserves to be happy,” saad ni 'Nay Cristy sa programa niyang Cristy Per Minute.

Nakikisimpatya kasi ang batikang showbiz anchor sa nakaraang chika kay Nadine kagaya ng pang-iiwan diumano sa kanya ng dating karelasyon na si James Reid.

Ramdam ang pain ng aktres noong basta na lang siya iniwan sa ere ni James.

Kesa nga naman sa umasa sa wala, sinabi naman ni 'Nay Cristy na nagmumukhang “trying hard” noon si Nadine para lang mapangalagaan ang kanilang relasyon ni James.

Kaya naman hindi napigilan ni 'Nay Cristy na maging masaya para kay Nadine sa pagkakataong mahanap ang taong magpapaligaya sa kanya.

“It’s about time na lumigaya na si Nadine Lustre dahil mapagmahal din siya at marunong mag-alaga ng karelasyon,” saad pa ng kolumnista.

Tila nag-iba ang ihip ng hangin ngayon dahil kamakailan lang ay may mga binitawang pahayag si 'Nay Cristy tungkol kay Nadine na ikinasama ng loob ng ilang fans.