Kilig to the bones, Enrique… LIZA, HINARANA NG K-POP SINGER NA SI HENRY LAU

ni Ador V. Saluta - @Adore Me! | November 13, 2022

Viral ngayon sa social media ang pagkikita kamakailan nina Liza Soberano at K-Pop artist Henry Lau kung saa'y hinarana ng huli ang aktres.

Sa TikTok post ni Henry, makikita sa video na kinakantahan ng dayuhang singer si Liza ng Take A Listen song, habang kinikilig naman ang girlfriend ni Enrique Gil.

Kaya naman sa nasabing post ni Henry, maraming netizens ang nag-react sa comments section.

Sabi ng isang netizen, "Mapapa-sana all ka na lang talaga. Hay, sana all, Liza."

Samantala, ibinahagi rin ng aktres ang isang photo kasama si Henry sa kanyang Instagram page last Friday (November 11).

"TikToks and fun conversations at casa @carelessph," Liza wrote.

May ginawa ring TikTok video sina Liza at Henry ng trending sa social media na Low ng American rapper na si Flo Rida.

"@iamhenry you were in every frame. Better luck next time! #low #fyp #foryou #foryourpage," Liza posted on her TikTok page.

Si Henry ay Canadian singer at actor na based in South Korea and China. He debuted as a member of Super Junior-M back in 2008 and pursued a solo career in 2013. He is the artist behind the most streamed Korean OST It's You.

He released three Extended Plays throughout his career including Trap in 2013, Fantastic in 2014, and Journey in 2020.

Agad namang nag-comment ang mga fans sa photo at TikTok video nina Liza at Henry.

"The crossover I never knew I needed," sabi ng isang fan.

Komento naman ng isa pa, "The beauty and the music genius!"

Hindi ito ang unang pagkakataon ni Liza na makakita ng K-Pop idols. Na-meet na rin niya si Jay Park, WINNER's Seunghoon, IVE, and DK of IKON nitong taon lang.

Sa isang interview with ABS-CBN News nito lang August, Liza shared that meeting K-Pop idols during her recent trips to Korea was a dream come true.

"It was so much fun. It was two trips actually. The first one was just networking, just getting to know the different industry people. The second trip that we had, that was more getting to connect with the actual artists and celebrities, getting to know them and just collaborating on a few social media stuff like TikTok and a few pictures for Instagram."

Kanya ring sinabi na isa sa mga highlights of her Korea trip this year was visiting the YG Entertainment office.

"I was living my fangirl dream, I got to go to the YG office. I’m a huge YG fan. The whole time it didn’t feel real to me, every day we were just meeting K-Pop idols left and right and it was just a surreal experience, but so much fun. Hopefully, we get to work with them in the future," sabi ng aktres.

Ine-enjoy ni Liza ang pag-e-explore sa mga opportunities na dumarating sa kanya habang nasa Korea matapos pumirma ng kontrata sa Careless agency ni James Reid.

"I was looking for personal growth in my career. I’ve been working in the industry for 12 years now and I’ve been working with pretty much the same set of people that I’ve been working since then, not to say that I’m not grateful, not to say that I haven’t achieved so much by working with them but as I got older, I started discovering who I really was and I wanted more control over how to express that," aniya kung bakit siya pumirma ng kontrata sa Careless sa isang panayam sa kanya nu'ng June.

Liza was recently in the US and just wrapped up filming her first Hollywood film titled Lisa Frankenstein.

Binigyan ng singsing ng 'misis'… ION KAY VICE: NANDITO LANG AKO HANGGANG SA PAGTANDA NATIN

ni Ador V. Saluta - @Adore Me! | November 11, 2022

Sa kanilang 4th anniversary as a couple, niregaluhan ni Vice Ganda ng singsing ang kanyang asawang si Ion Perez nitong October, kasabay halos ng ika-13th anniversary ng programang It's Showtime.

Kasabay din ng kanyang regalong singsing kay Ion ay ang selebrasyon kasama ang pamilya at mga kaibigan, base na rin sa in-upload na video ni Vice sa kanyang YouTube channel.

Nagbigay din ng mensahe si Vice sa kanyang asawa.

"Siya 'yung kapayapaan ko sa panahon ng kangaragan, sa panahon ng ka-stress-an. Just like recently, ang dami kong fragile moments and Ion was trying to be very strong for me.

"'Yun ‘yung pinakamalaking regalo sa akin ng Diyos, bukod sa pamilya ko at malalapit kong kaibigan. May isang sandigan ako ng lakas na ibinigay niya sa akin para hindi ako manghina sa mga pagkakataon ng ngarag," sey ng Unkabogable Star.

Nagpapasalamat si Vice na dumating sa buhay niya si Ion.

"I am just very thankful that you are always around and I'm very happy na meron akong constant source of strength and happiness na kahit wala akong ginagawa, 'yung nandiyan ka lang, 'yung alam ko lang na nandiyan ka, ang laking bagay na sa akin 'yun and maraming-maraming salamat," sabi pa ni Vice kay Ion.

Nakakakilig din ang mensahe ni Ion kay Vice dahil lagi raw nitong mamahalin ang asawa.

"Hinding-hindi ako magbabago. Lagi kong sasabihin na habang kaya kong iparamdam na mahal kita, ipaparamdam ko sa 'yo. Siguro, wala na akong masasabi pa kundi mahal na mahal kita.

Nandito lang ako hanggang sa pagtanda natin. Thank you din kay Papa God dahil lagi Niya tayong gina-guide, dinadala Niya lagi tayo sa tama. Mahal na mahal kita Babe."

Para kay Vice, mahalaga ang gift niya for Ion, which was the ring.

"Ako, ang dami kong happy moments in life. Ang dami kong moments na proud na proud ako. Ang dami kong moments na hanggang ngayon, binibitbit ko na nagpapasaya ng puso ko. Pero isa sa pinakamahalagang moment sa buhay ko na siguro sa hanggang sa katanda-tandaan ko na maging malilimutin man ako, ito 'yung isang bagay na ipapanalangin kong sana, huwag mawala sa memorya ko, sa alaala ko. Iyon 'yung alaala na isang gabi, binigyan mo ako ng singsing. That was one moment na hindi ko naisip na mangyayari sa buhay ko, nag-propose siya sa akin."

Umaasa si Vice na tuwing suot ni Ion ang ring, maalala nito ang mga happy moments nila nang magkasama.

"Kaya gusto ko ring magbigay ng ganito sa 'yo to remind you everyday ‘yung mga masasayang moments na ipinaramdam mo sa akin nu'ng isinuot mo [itong singsing] sa kamay ko.

"Araw-araw nararamdaman ko ‘yun at gusto ko araw-araw, maramdaman mo rin 'yun. This is a reminder of my love for you, my gratefulness to you, basta lahat. This is to remind you of me... of you and me."

Ikinasal sina Vice at Ion sa isang wedding ceremony sa Las Vegas, USA nu'ng October 2021, kasabay ng kanilang US concert tour.

SARAH AT MATTEO, KASAMA ANG '3 ANAK' SA LAHAT NG LAKAD

ni Ador V. Saluta - @Adore Me! | November 9, 2022

Mukhang ine-enjoy nang husto ni Matteo Guidicelli ang bonding nila ng asawang si Sarah Geronimo habang wala pa siyang tinatanggap na TV at movie projects.

Kaya naman nitong nakaraang Lunes (Nov. 7), binisita ng celebrity couple ang Animal Kingdom Foundation (AKF) na matatagpuan sa Capas, Tarlac.

Sa kanyang Instagram account, ani Matteo, “We visited @akfanimalrescue and found out that the ‘dog meat trade’ in the Philippines still happens in some parts of the country. We listened to all the heart breaking rescue stories.

“Thanks to the volunteers of @akfanimalrescue, they have over 200 beautiful dogs up for adoption. Check them out.”

Hindi kaila sa lahat na bago pa man ikasal ang dalawa last February 20, 2020, Matteo and Sarah were already known animal lovers with their own respective dogs. Now, they are both loving pet parents to their three dogs named 04, Dakota, and Theodore na palagi nilang kasama sa kanilang outdoor adventures.