- BULGAR
- Mar 7, 2022
ni Ador V. Saluta - @Adore Me! | March 7, 2022
Nag-umpisa sa pagpo-post ni Matteo Guidicelli ng larawan kasama si Sarah Geronimo na kuha last New Year's Eve na tila may baby bump ang Popstar Royalty, sa isang
panayam ng ABS-CBN News kay Matteo, agad nitong nilinaw na hindi buntis ang misis.
"Sexy nga ng asawa ko ngayon, eh. Hindi, ano lang 'yan, hangin lang 'yan sa bundok," pabiro nitong sagot.
Sinabi pa ni Matteo na ini-enjoy muna nilang dalawa ang pagiging husband and wife.
"Enjoy-in muna natin ang pagiging asawa. Enjoy-in muna namin ang isa't isa. Hopefully soon," pahayag ni Matteo.
Last Feb. 20, 2022, ipinagdiwang ng dalawa ang kanilang second wedding anniversary kung saa'y nag-post si Matteo sa socmed ng kanyang heartfelt message para kay Sarah.
"Through thick and thin and all the ups and downs, we will be partners for life. I love you my beautiful wife! You’re the best. (3 red heart emojis). Happy 2nd year anniversary! #theguidicellis @justsarahgph," Matteo posted.
Sa parehong interview kay Matteo ng ABS-CBN News, ibinahagi niya ang journey nilang dalawa as a married couple.
"Marriage is one of the most amazing things in life and I am very, very blessed and thankful na I am very blessed with an amazing wife, a wife that amazes me every day. You'll never know your wife or your partner, you will always learn more and more about her every single day and I think that's something very, very true. Two years pa lang kami but I appreciate the ups and downs every day," ani Matteo.
Kamakailan din ay ipinagdiwang ng couple ang 19th anniversary ni Sarah sa entertainment industry.
"She's working for something. Malalaman n’yo soon. She's working. It's not just out there yet but soon. She has plans for the future. She's working closely with Viva to produce these things with our own company and Viva," sey ni Matteo.