ni Julie Bonifacio @Winner | August 20, 2025
Photo: KC Concepcion - via Bulgar Interview
Ibinalik si KC Concepcion bilang Goodwill Ambassador ng World Food Programme (WFP).
Matatandaan na dati na siyang naging WFP Goodwill Ambassador ng nasabing world’s largest humanitarian organization.
Ang WFP ay itinayo ng United Nations (UN) General Assembly noong 1961. During the celebration of World Humanitarian Day, opisyal na inihayag ng WFP ang pagbabalik ni KC bilang Goodwill Ambassador sa kanilang Instagram (IG) account, ang wfp_philippines.
Ini-repost ni KC sa IG ang mga pictures niya with WFP executives during the official announcement ng kanyang pagbabalik as Goodwill Ambassador.
Caption niya: “On #WorldHumanitarianDay, @kristinaconcepcion officially returns as WFP Goodwill Ambassador, reaffirming her commitment to champion school meals.
“In 2008, KC previously served as National Ambassador Against Hunger. Now, she is continuing the mission. Welcome back, KC!”
Kasama si KC sa iba pang international and famous celebrities na ambassadors din ng WFP kabilang sina The Weeknd, Kate Hudson, Antoni Porowski, Andrew Zimmern, Daniel Brühl, at Ons Jabeur.
And in fairness, makikita rin ang name ni KC sa online account ng WFP which described her as the “Actress KC Concepcion is a National Ambassador Against Hunger for the WFP in the Philippines”.
Taray!
HINDI naman napigilan ni Megastar Sharon Cuneta na ibulalas ang kanyang kasiyahan at pagiging feeling super-proud sa kanyang firstborn na si KC Concepcion sa bago nitong achievement.
May repost agad si Mega sa kanyang social media accounts ng pagpili muli kay KC as United Nations (UN) National Ambassador Against Hunger for the World Food Programme.
Pagkaganda-gandang solo picture ni KC ang ipinost ni Mega at nilagyan niya ng ganitong caption: “And now my eldest, Kristina @kristinaconcepcion has once again been tapped by the United Nations to be their Goodwill Ambassador! She served in their World Food Program for years. So proud of my baby!”
Sinundan pa ito ni Mega ng isa pang post tungkol sa comeback ni KC bilang WFP Ambassador kung saan pinasalamatan ni Sharon ang Panginoon para sa buhay ng kanyang mga anak na makatuturan.
On her third Instagram (IG) post, ipinost ni Mega ang pictures ni KC during the official announcement ng kanyang pagbabalik as World Food Programme’s (UN-WFP) Goodwill Ambassador na ginanap sa WFP Philippines Country Office in Mandaluyong City kahapon, August 19.
Caption ni Sharon sa kanyang latest IG post: “My children and my husband are the only people I truly live for. Thank You, Jesus, for giving me a husband and kids who love me to the moon and back and make me so proud! (heart emoji). On #WorldHumanitarianDay, @kristinaconcepcion officially returns as WFP Goodwill Ambassador, reaffirming her commitment to champion school meals.”
Incidentally, related ang pagiging Goodwill Ambassador ni KC sa Senate Committee on Agriculture, Food, and Agrarian Reform na hinahawakan ng kanyang stepfather na si Sen. Francis Pangilinan. Maybe magkakaroon ng chance that they will work together para sa pagkain ng mga ‘Pinoy. ‘Yun ay kung magiging okey na ang mag-amain.
For sure, magkakaayos din sina Sen. Kiko Pangilinan at KC Concepcion lalo na kung for a good cause.