PhilHealth, nagpaalala sa benepisyo sa mga karaniwang sakit tuwing tag-ulan

by Info @Brand Zone | July 23, 2025

Press Release No. 2025-28 - July 23, 2025

Sa patuloy na mga pag-ulan at sa pagbahang dulot nito sa maraming bahagi ng bansa, tiniyak ng Philippine Health Insurance Corporation (PhilHealth) sa publiko na sagot nito ang pagpapaospital dulot ng dengue at leptospirosis, dalawa sa pinakakaraniwang kondisyon na nakakaapekto sa mga Pilipino tuwing tag-ulan.

Ang pinalawak na benepisyo ng PhilHealth ay umaabot na ngayon sa P19,500 para sa moderate dengue at P47,000 naman para sa severe dengue. Samantala, ang saklaw para sa leptospirosis ay napabuti na sa P21,450. Ito ay alinsunod sa direktiba ni Pangulong Ferdinand R. Marcos, Jr. na gawing abot kamay at tunay na nararamdaman ang mga benepisyo sa pangangalaga ng kalusugan.

"Kung tinamaan ng dengue o leptospirosis sa kabila ng pag-iingat, magpunta na po kayo agad sa malapit na PhilHealth-accredited health facility para kayo ay magamot. Huwag na po kayong mag-agam-agam dahil sagot ng PhilHealth ang malaking bahagi ng inyong gastos sa pagpapagamot," paniniguro ni PhilHealth President at CEO Dr. Edwin M. Mercado.

Ipinapaalala rin ng PhilHealth sa publiko na unahin ang personal na kaligtasan tuwing tag-ulan. Upang maiwasan ang mga sakit na dala ng tubig at upang maiwasan ang impeksyon sa leptospirosis, mahigpit na ipinapayo na: umiwas na lumusong o maglaro sa baha, maghugas ng kamay bago kumain at pagkatapos gumamit ng banyo, uminom ng malinis na tubig at tiyakin na malinis at lutong-luto ang pagkain.

Para naman maiwasan ang dengue, ipinapayo ng mga awtoridad na panatilihing malinis ang kapaligiran at gumamit ng kulambo o insect repellent upang maiwasan ang mga lamok na may dalang dengue.

Para sa karagdagang detalye o katanungan tungkol sa mga benepisyo, maaaring tumawag ang mga miyembro sa 24/7 hotline ng PhilHealth sa (02) 866-225-88 o sa sumusunod na mobile touchpoints: 0998-857-2957, 0968-865-4670, 0917-1275987, o 0917-1109812.

#Rise30 

#SamasamangPagangatParaSaBagongPilipinas 

PhilHealth: Z Benefit Package for Post Kidney Transplantation Services

by Info @Brand Zone | June 25, 2025

PhilHealth PR No. 2025-27 / June 19, 2025

Ang sakit sa bato o Chronic Kidney Disease (CKD) ay isa ngayon sa mga pangunahing sakit sa bansa — isa sa bawat tatlong Pilipino ay posibleng magkaroon nito. Dahil sa mahabang gamutang kaakibat nito, naaapektuhan ng sakit sa bato ang iba’t ibang aspeto ng buhay ng mga pasyente: ang kanilang mga trabaho, kalidad ng pamumuhay, at lalo na ang kanilang mga naipundar.

Kaya naman, sa direksyon ng Pangulong Ferdinand R. Marcos, Jr., patuloy na pinalalawig ng PhilHealth ang mga benepisyo nito lalo na para sa pagpapa-dialysis, kidney transplantation, at ngayon, pati na rin para sa tuloy-tuloy na gamutan at pagpapasuri ng pasyente upang panatilihing tagumpay ang operasyon.

Nais natin na maging dito ay wala ng alalahanin ang ating mga kababayan nang sa gayo’y pagpapalakas na lamang ang kanilang tututukan. Kaya naman, ating binabahagi ang dalawang bagong benepisyo ng PhilHealth: Z Benefits Package para sa Post-Kidney Transplantation Services, isang para sa mga bata at isa sa mga mas nakatatandang mga Pilipinong nakatanggap ng bagong bato mula sa mga donor.

Sa ilalim ng bagong benepisyo para sa mga bata, ilan sa mga babayaran ng PhilHealth ay:

1.       Php 73,065 sa kada-buwan na immunosuppressive medications para sa unang taon at Php 41, 150 kada-buwan sa mga susunod na taon;

2.      Hanggang Php 45, 570 na kada-buwan na drug prophylaxis o antibiotic para makaiwas sa impeksyon;

3.      Php 37,585 sa bawat tatlong buwan na pagpapa-laboratoryo para sa unang taon at Php 14,078 naman sa kada-tatlong buwan para sa mga susunod na taon;

at maraming pang ibang serbisyong naka-detalye sa polisiyang ilalabas ng PhilHealth.

Para naman sa mga mas nakatatanda, edad 19 o higit pa, ilan sa mga babayaran ng PhilHealth ay:

1.       Php 40, 725 sa kada-buwan na immunosuppressive medications;

2.      Php 18, 932 para sa anim na buwan na gamutan;

3.      Php 11,242 para sa bawat tatlong buwan na pagpapa-laboratoryo para sa unang taon at Php 8,125 naman sa kada-tatlong buwan para sa susunod na taon;

at iba pang mga serbisyong naka-detalye sa polisiyang ilalabas ng PhilHealth.

Sa ilalim ng parehong post-Kidney Transplant Services benefits ay makatatanggap na rin ng suporta ang mga nagmagandang loob na mag-donate ng kanilang bato. Ang mga living donors para sa mga bata at mga mas nakatatanda ay parehong makatatanggap ng Php 1,900 para sa kada-anim na buwan na pagpapa-laboratoryo at monitoring mula sa PhilHealth. Itong kalinga at suportang hatid natin para ating donors ay bunga ng ating pagkaunawa ng kahalagahan ng komunidad sa pagseseguro ng kalusugan ng lahat.

Kaya naman, patuloy na pinaiigting ng PhilHealth ang paglilingkod nang tayo ay makapaghatid ng isang Mabilis, Patas, at, Mapagkakatiwalaang agabay sa bawat Pilipino.

#Rise30

#SamasamangPagangatsaBagongPilipinas

PhilHealth and MMDA unveil “Payong ng Kapanatagan” mural along EDSA to celebrate public service and health protection

by Info @Brand Zone | May 8, 2025

PhilHealth

Thirty years of protecting Filipinos' health took center stage along EDSA's southbound lane as the Philippine Health Insurance Corporation (PhilHealth), in partnership with the Metropolitan Manila Development Authority (MMDA) and Boysen Philippines unveiled a 300-meter mural titled “Payong ng Kapanatagan.” 

The "Payong" (umbrella) is symbolic of PhilHealth’s role in Universal Health Care. Like an umbrella shielding us from the sun or rain, PhilHealth provides protection to Filipinos against unexpected and often costly medical treatment.  The Payong demonstrates the commitment of President Ferdinand R. Marcos, Jr. to safeguard the health needs of every Filipino.

“This artwork is more than just a painting on the wall. It is a tribute to the power of compassion and service, and a visual reminder that health is not only a personal responsibility, but a collective mission,” said MMDA Chairman Atty. Romando S. Artes.

The mural serves to illustrate PhilHealth’s commitment to provide every Filipino with peace of mind through adequate financial access to healthcare anytime and anywhere in the country, regardless of their station in life.

“Ito po ang kahulugan ng PhilHealth sa buhay nating lahat – napoprotektahan tayo laban sa mabigat na gastusin tuwing tayo’y nagkakasakit, at nagkakaroon tayo ng agarang access sa serbisyong medikal sa oras ng ating pangangailangan,” said PhilHealth Acting President and CEO Dr. Edwin M. Mercado. “Gaya ng payong, ang PhilHealth ay laging kasama natin sa bawat hakbang ng ating buhay.”

Visible to thousands of daily commuters, the mural also stands as a reminder of our shared commitment and responsibility in ensuring that health care services remain within reach, especially of the poor, the marginalized, and vulnerable sectors of the society.

For information on PhilHealth benefits, members may call PhilHealth’s touch points at (02) 866-225-88 or at mobile numbers (Smart) 0998-8572957, 0968-8654670, (Globe) 0917-1275987 or 0917-1109812. ###

#Rise30

#SamasamangPagangatParaSaBagongPilipinas