ni Nitz Miralles @Bida | Dec. 9, 2024
Hindi lang dahil asawa niya si Dennis Trillo kaya ipino-promote ni Jennylyn Mercado ang Green Bones (GB) na bida sina Dennis at Ruru Madrid, kasama rin dito ang pagiging co-producer nina Jennylyn at Dennis sa nasabing pelikula.
Kaya sa post sa Instagram (IG) ni Jennylyn na, “Sama-sama nating panoorin ngayong darating na Pasko. #GreenBonesMovie #MMFF50,” may feel na ng pagiging co-producer niya.
Sa credits ng movie, nakasulat ang GMA Pictures, GMA Public Affairs at Brightburn Entertainment bilang mga producers. Ang Brightburn Entertainment ang pangalan ng film outfit nina Jennylyn at Dennis.
Sabi ni Dennis, hindi raw bumisita si Jennylyn sa shooting nila kahit puwede bilang co-producer. Sa mga meeting daw uma-attend ang asawa at hindi rin sila nakialam sa casting at creative and technical aspect ng movie. Ipinagkatiwala na nila ito sa kanilang co-producer at kay Director Zig Dulay at sa team nito.
Sa mga nakapanood ng trailer, ang reaction nila ay malaki ang laban ni Dennis na manalong Best Actor. Pero sabi nito, “Sapat na sa ‘kin na panoorin nila ito. Bigay na natin sa iba ang tropeo.”
Bilang co-producer, mas gugustuhin siguro ni Dennis na kumita ang GB at bonus na sa kanya kung magkatotoo nga na mananalo siyang Best Actor.
Sa December 27 ang awards night at doon pa lang malalaman ang resulta. Mauuna ang Parade of Stars sa December 21, kaya abangan ang cast ng Green Bones at iba pang film entries sa 2024 MMFF.
Babae ang nasa likod ng poster ng Topakk, ang entry ng Nathan Studios, Fusee at Strawdog sa 2024 MMFF. Siya ay si Myish Endonila at may shoutout sa kanya si Director Will Fredo sa ganda ng poster.
Si Myish din ang may gawa ng poster ng And So It Begins (ASIB), pelikula ni Ramona Diaz at entry ng Pilipinas sa Oscar next year.
Massive rin ang promo campaign ng Nathan Studios sa movie na pinagbibidahan nina Arjo Atayde at Julia Montes. Hindi lang naglalakihang billboards ang kanilang itinaas, pati mga bus, may poster ng Topakk at ilang bus na ang nakita naming may poster ng movie.
Hintayin natin ang float ng movie sa Parade of Stars sa December 21, siguradong may pasabog.
Samantala, may nabasa kaming review ni Lee B. Golden III, FSC tungkol kay Arjo at sa karakter na kanyang ginampanan.
Aniya, “We start with a look at [Arjo] Atayde, whose performance as Miguel blends well to Somes’ casting of an ex-soldier-cum-everyman now struggling to survive from sunrise to sunset. Front-to-back action and spectacle runs pretty high in Triggered (Topakk) as the centrepiece action fix it aspires to be. Centerstage, Atayde’s unassuming physical build-clashing with expectations only if you’re looking for eidetic Stallone-only shores up his screen presence, substantiated by his deep set voice and acting caliber that make him an otherwise solid choice for the role.”
Samantala, nauna na palang mag-promote sina Arjo, Enchong Dee at Julia Montes sa Davao kahapon. Ito ‘yung binanggit ni Director Richard Somes na pupunta sila sa key cities ng bansa to promote Topakk.
Sa cheating nila ni Maris…
JANUS, BILIB SA PAGSO-SORRY NI ANTHONY
May reaction si Janus del Prado sa apology video ni Anthony Jennings at pinuri nito ang pagpapakatotoo at pag-amin sa kanyang kasalanan ng aktor.
Sa kanyang Threads (@) account, inilabas ni Janus ang reaction niya kay Anthony, hindi raw nagpa-victim ang aktor. In fairness, walang binanggit na pangalan si Janus na nagpa-victim.
“‘Yung mukha mo nu’ng iniwan ka n’ya sa ere at itinapon sa ilalim ng bus nu’ng nagkabukingan na,” panimula ni Janus.
“‘Di man ako agree sa ginawa n’ya pero I kinda feel bad for him. I like his public apology, straight to the point, walang sinisi na iba. ‘Di ginamit ‘yung mga gasgas na palusot na ‘Pasensya na, tao lang kagaya n’yo’ at ‘‘Di ako perpekto kasi walang taong perpekto.’ In short, he held himself accountable sa mga nangyari dahil sa mga ginawa n’ya. ‘Di s’ya nagpa-victim to avoid accountability. Sana all,” ayon pa kay Janus.
Ipinost ni Janus ang photo ni Anthony na nakatungo at malungkot habang nasa harap ng camera at humingi ng tawad kina Maris Racal at Jamela Villanueva.
Tanong nga ng mga netizens, ano na ang mangyayari sa career ni Anthony Jennings? Siguro naman, hindi siya pababayaan ng ABS-CBN gaya ni Maris Racal.
